«Սուրմալու»-ի ողբերգական դեպքը դաս չեղավ Գարեգին Խաչատրյանի և նրա ղեկավարած տեսչական մարմնի համար

2018 թվականին տեղի ունեցած հեղափոխությունից հետո պետք է հեղափոխվեին և վերակազմավորվեին նաև այսպես կոչված՝ տեսչական մարմինները, որոնց աշխատանքի որակի վերաբերյալ բողոքները բազմաթիվ էին: Սակայն, հինգ տարի անց վերլուծելով այդ տեսչական մարմինների աշխատանքը՝ հանգում ենք եզրակացության, որ նախկինում արձանագրված վատ ավանդույթները շարունակվում են:

Ասվածի վառ վկայությունն է Քաղաքաշինության, տեխնիկական և հրդեհային անվտանգության տեսչական մարմինը, որի գործունեությունը, իսկ շատ դեպքերում նաև պասիվությունը, բազմաթիվ հարցեր է առաջացնում: Հետհեղափոխական Հայաստանում առաջին անգամ այս կառույցի անունը ռեզոնանսորեն հնչեց Սուրմալուի ողբերգական դեպքերից հետո: Հայտնի էր, որ դեռ 2021-ի մարտին կառավարությանն առընթեր հրդեհային անվտանգության տեսչական մարմինը «Սուրմալու»-ում ավելի քան երկու տասնյակ խախտում էր հայտնաբերել, սակայն մինչև պայթյունը՝ ավելի քան մեկ տարվա ընթացքում, տեսուչներն այնտեղ վերստուգում չէին իրականացրել՝ պարզելու, թե արդյոք վերացվել են այդ խախտումները։

Այդ ողբերգական դեպքից հետո եղան հրաժարականներ, բացի այդ տեղեկություններ տարածվեցին, որ «Սուրմալու» առեւտրի կենտրոնի պայթյունի քրեական գործով ՀՀ քննչական կոմիտեն մտել է ՀՀ քաղաքաշինության, տեխնիկական և հրդեհային անվտանգության տեսչական մարմին: Որոշ տեղեկությունների համաձայն՝  մի շարք աշխատակիցներ են հարցաքննվել, նրանց կոնկրետ հարցեր են ուղղվել, թե, օրինակ, ստուգման ընթացքում ինչ են նկատել, որ հատվածներն են ստուգել, որ մասերն են բաց մնացել: Նրանցից պահանջվել է ներկայացնել իրենց կատարած ստուգումների մասով փաստաթղթեր: Տուժողներից բացի, նախաքննական մարմինը հարցաքննել է նաև պետական մարմնի աշխատակիցներին՝ փորձելով պարզել, թե որ գերատեսչության բացթողումն է եղել հրդեհավտանգ իրավիճակի պատճառը, ինչի հետեւանքով ունեցանք 16 զոհ: Մինչ այս պահը, սակայն, որևէ պաշտոնյայի մեղադրանք չի առաջադրվել:

Տեսչական մարմնի ղեկավար Գարեգին Խաչատրյանի համար, կարծես թե, այս ողբերգական դեպքը դաս չեղավ և նրա ղեղակավարած կառույցը շարունակում է մատների արանքով նայել իր լիազորությունների պատշաճ կատարմանը:  Խաչատրյանի ղեկավարած կաույցը «Սուրմալու»-ում այս գարնանն էլ է խախտումներ հայտնաբերել։ Դրանք, ըստ գերատեսչության ներկայացրած տվյալների, մեկ տասնյակն անցնում են։ Առևտրի կենտրոնին ժամանակ է տրվել, ժամանակն արդեն լրացել է, բայց դեռ նոր ստուգման չեն գնացել, այսինքն՝ կրկնվում է 2021 թվականի իրավիճակը, երբ տեսչական մարմնի կողմից ոտքը կախ գցելը ողբերգության առիթ հանդիսացավ: Արդյունքում՝ նման դեպքերի կրկնվելու հավանականությունը կտրուկ մեծանում է և այս իրավիճակում ողջ պատասխանատվությունը ընկնելու է աշխատանքի բուռն իմիտացիա իրականացնող տեսչական մարմնի և անձամբ նրա ղեկավար՝ Գարեգին Խաչատրյանի վրա:

Հաջորդիվ կանդրադառնանք Գարեգին Խաչատրյանի և նրա ղեկավարած կառույցի կողմից թույլ տված բազմաթիվ այլ բացթողումներին, վերջինիս լիազորությունների շրջանակում գտնվող չկարգավորված խնդիրներին, տեսչական մարմնի ղեկավարի կողմից ձեռք բերված գույքին և եկամուտներին...

Այս թեմայով Գիտեին ով եմ, բայց ուժով տարան բաժին ու դեռ իբր ճշտում են` ինչ հիմքով են բերման ենթարկել. Խաչատրյան (տեսանյութ) Բերման են ենթարկվել Գարեգին Չուգասզյանը, Վոլոդյա Ավետիսյանը. ընդհանուր՝ բողոքի ակցիայի 96 մասնակից Ով փորձում է ջնջել պատմական մեր հիշողությունը, անիծյալ պիտի լինի նրա ու նրա ընտանիքի անունն ու հիշատակը հավիտենապես. Արշակ արքեպիսկոպոս Խաչատրյան Մեր պաշտպանության հիմքերն այդ տեղամասերում քանդվում են. Տիրան Խաչատրյանը՝ գյուղերի հանձնման մասին (տեսանյութ) Ո՞վ է իրավունք տվել Տավուշում սահմանազատում իրականացնել ու ՀՀ ԶՈՒ-ն վերատեղակալե՞լ. Արթուր Խաչատրյան Տիգրան Խաչատրյանն ընդունել է ԵԱՀԿ Մինսկի խմբի Ֆրանսիայի համանախագահին Բարբաջում եք, իշխանափոխություն ուզում, բայց հանրահավաքին 10 մարդու չեք կարողանում հավաքել․ Խաչատրյան Պաշտոնյաների ծախսերը` պետության հաշվին. Գարեգին Բաղրամյան ԼՂ բռնի տեղահանվածները որևէ իրավունքից չեն զրկվի, եթե դառնան ՀՀ քաղաքացի. Խաչատրյան Իմ ու Փաշինյանի ընդհանուր ծանոթ Արտակ Քամալյանի տան մոտ ոնց որ «Սմերչով» խփած լինեին. Խաչատրյան