ԿԲ-ն սպասում է, որ տարեվերջին կգրանցվի 0-ին մոտ գնաճ

Հայաստանի կենտրոնական բանկը կանխատեսում է, որ գնաճը տարեվերջին մոտ կլինի 0-ին, այս մասին ասուլիսում ասաց ԿԲ նախագահ Մարտին  Գալստյանը:

«Մենք կարծում ենք, որ այս տարվա վերջին կունենանք 0-ին մոտ գնաճ»,-ասաց ԿԲ նախագահը:

Խոսելով դրամի հնարավոր արժևորումից կամ արժեզրկումից՝ Մարտին Գալստյանը ներկայացրեց մի քանի պայմանական սցենարներ: Կարող է լինել, օրինակ, սցենար, որ տեղի ունեցող աշխարհաքաղաքական իրադարձությունների ֆոնին Հայաստան միջազգային այցելուների նոր հոսք գրանցվի, որի արդյունքում կլինի արտարժույթի առաջարկի մեծացում, որի դեպքում կարելի է ակնկալել դրամի որոշակի արժևորում:

«Այլ սցենարի պարագայում մեր հայրենակիցների կողմից ստեղծված արդյունքն ուղղվում է սպառման, սպառման մեծ մասը լինում է ներմուծման տեսքով, որը ենթադրում է արտարժույթի նկատմամբ պահանջարկ, որը կարող է հանգեցնել ընթացիկ հաշվի ճեղքի բացման, որի արդյունքում էլ կարող է լինել ազգային արժույթի որոշակի արժեզրկում»,-ասաց Գալստյանը:

Կենտրոնական բանկը սեպտեմբերի 12-ին վերաֆինանսավորման տոկոսադրույքն իջեցրել է 0.5 տոկոսային կետով:

Անդրադառնալով հարցին, թե կարող է արդյոք տոկոսադրույքի նվազեցումն ազդել դրամի թուլացման վրա՝ ԿԲ նախագահը պատասխանեց, որ տեսականորեն՝ այո, կարող է: «Եթե դու իջեցնում ես տոկոսադրույքը, այն ակտիվի տոկոսադրույքը, որը նվազում է, դառնում է ավելի քիչ հրապուրիչ ներդրողների տեսանկյունից՝ մանավանդ, որ մյուս կողմից տեսնում ենք, որ ԱՄՆ-ում, Եվրոպայում դեռևս տոկոսադրույքների աճի միտումը շարունակվում է»,-ասաց Գալստյանը:

ԿԲ նախագահը վստահեցրեց, որ վերաֆինանսավորման տոկոսադրույքի իջեցման ԿԲ-ի նպատակադրումը դա չէ, Կենտրոնական բանկի խնդիրը եղել և մնում է գների կայունությունը:

Գալստյանը նաև նշեց, որ գնաճի առումով ԿԲ-ի՝ վերաֆինանսավորման տոկոսադրույքն իջեցնելու որոշումը նշանակում է, որ ռիսկերն ավելի կառավարելի են, քան գարնան կամ ձմռան ամիսներին: «Սակայն չենք կարող հայտարարել, որ վերջնականապես գնաճի խնդիրը մենք այս երկրում լուծել ենք: Դեռ գործ ունենք անելու, բայց, բնականաբար, նախկինում արած գործի շնորհիվ այս պահի դրությամբ արվելիք գործն ավելի թեթև է»,-ասաց նա:

Այս թեմայով «Կարծես սպասողական վիճակում ապրեմ, ամեն րոպե սպասում եմ, որ Նվերս տուն կմտնի». պահեստազորային Նվեր Գուլինյանն անմահացել է հոկտեմբերի 13-ին Ջրականում. «Փաստ» Սպասում ենք Երևան-Սևան ճանապարհը բացվի, որ գնանք միանանք Կիրանցի մեր հայրենակիցներին. Ակցիայի մասնակից Ես ողբում եմ. հան­դուր­ժե­ցինք, որ կորց­րինք, փոք­րա­ցանք ու դեռ փոք­րա­նում ենք, սպասում եմ, որ մեկը կասի Ստոպ. Էմմա Պետրոսյան Մեզ համոզում էին՝ եթե ռուս խաղաղապահը դուրս գա ԼՂ-ից, ապա Սկանդինավյան խաղաղապահը կգա, սպասում ենք Հայաստանը սպասում է Ադրբեջանի պատասխանին խաղաղության պայմանագրի շուրջ իր առաջարկների վերաբերյալ․ Կոստանյան Մենք գրկաբաց սպասում ենք «Գոյին», որ միասին աշխատենք. Մարությանը՝ ավագանու ընդդիմադիր անդամներին «Հրապարակ». Ոսկեպարցիներն անհամբեր սպասում են Մարդկանց այս հոսքը մեզ ուրախացնում է, բոլորին սպասում ենք. ՌԴ դեսպանության խոսնակ ՌԴ դեսպանության շենքի ներսում նույնպես բազմամարդ է, տասնյակ մարդիկ սպասում են, որ քվեարկեն Անչափ հպարտ ենք, անհամբեր սպասում ենք, որ լսեք մեր երգը ու պարեք մեզ հետ․ «Լադանիվա»