«Հրապարակ». Պատրաստ են գետնին քնել, բայց չվերադառնալ տուն

«Հրապարակ» թերթը գրում է. «Արցախում հումանիտար աղետ է եւ սով: Մեզ պատմեցին, որ մեծ թվով մարդիկ 3 օր է՝ ցամաք հացի երես չեն տեսել, հազարավոր մարդիկ գիշերում են բաց երկնքի տակ՝ անձրեւին ու ցրտին դիմակայելով։ Քաղաքի ապաստարաններում ու պետական գերատեսչությունների նկուղներում տեղ ու դադար չկա։ Ընտանիքները կիսված են, իրարից լուր չունեն: Սակայն մարդկանց սովից ու ցրտից առավել ճնշում է անորոշության զգացումը՝ չգիտեն ինչ է լինելու իրենց հետ։

Պետական ապարատը, կարելի է ասել, պարալիզված է, բնակիչներին հուզող հարցերին իշխանությունը պատասխաններ չունի, իրենք էլ չգիտեն իրենց գլխին գալիքը, արցախցիները կառավարության շենքի մոտ երբեմն հանդիպող պաշտոնյաներից պահանջում են, որ թշնամու հետ բանակցելիս ներկայացնեն բազմաթիվ արցախցիների կամքը, որ իրենք չեն ուզում ինտեգրվել Ադրբեջանին, իրենց Արցախը լքելու հնարավորություն տրվի, սակայն պաշտոնյաներն անհաղորդ լսում ու հեռանում են։

Պատմում են, որ ամենածանրը Մարտունու շրջանից տեղահանվածների վիճակն է` չեն ցանկանում վերադառնալ իրենց տները, նրանք այնպիսի դժոխքի միջով են անցել, որ պատրաստ են ամեն ինչի, միայն թե նորից ադրբեջանցի զինյալների հետ չառարեսվեն։ Չնայած Եվլախում նախօրեին կայացած հանդիպմանը քննարկվել են հումանիտար հարցեր, ինչպես նաեւ՝ հոսանքի խնդրի կարգավորման հարցը, սակայն երեկվա դրությամբ հոսանքը չէին միացրել:

Պայմանավորվել են նաեւ, որ ադրբեջանական զորախմբերը կվերադառնան ելման դիրքեր, թույլ տալով տեղահանվածներին՝ վերադառնալ իրենց տները, բայց այդ խոստումն էլ չեն կատարել: Անգամ զոհվածների մարմինները հավաքելու եւ հուղարկավորելու պայմանավորվածությունն ամբողջությամբ չի կատարվել, որովհետեւ զորքը չի վերադարձել ելման դիրքեր, եւ մարդիկ չեն կարողանում գոնե գնալ, իրենց հարազատների դիերը հողին հանձնել»:

Առավել մանրամասն թերթի այսօրվա համարում

Այս թեմայով «Հրապարակ». Գյուղից հետեւում են դիրքերի քանդմանը «Հրապարակ». Իշխանական թիմում էլ են սարսափում ադրբեջանցի «փախստականների» վերադարձի հեռանկարից Մենք հեղափոխություն չենք անում, վարչապետ չենք փոխում, բայց թուրքին մի բերեք մեր տան մեջ. ակցիա «Ինչպես է զինվորականը գետնին փռում ոստիկաններին» Ժողովուրդ, հելեք ոտի, կործանման են տանում, ես արդեն տուն եմ կորցրել, փողով չեն խաբի ոչ մեկիս. ակցիա ՀԱՄԱՍ-ը պատրաստ է վայր դնել զենքերը, բայց մի պայմանով Հենց հիմա որ ստեղ կանգնած ենք, էս տարածքը անցնելու ա Ադրբեջանին, բայց կադաստրով մերն ա (տեսանյութ) «Կարծես սպասողական վիճակում ապրեմ, ամեն րոպե սպասում եմ, որ Նվերս տուն կմտնի». պահեստազորային Նվեր Գուլինյանն անմահացել է հոկտեմբերի 13-ին Ջրականում. «Փաստ» «Հրապարակ». Նիկոլից հիասթափվածների, Նիկոլ մերժողների և ատողների միջև չկա կոնսոլիդացիա «Հրապարակ». «Տարածվել ա, կարդացվել ա, բավարար ա, էլի». ո՞ւմ հորդորով են «զադնի դրել»