Խարդախության նոր մեխանիզմ․ հեռախոսով ցույց են տալիս վճարման կեղծ անդորրագիր, վերցնում ապրանքն ու անհետանում

Քննությանը հայտնի վերջին ահազանգը հոկտեմբերի 3-ին էր: Այդ օրը 18-ամյա մի քաղաքացի ոստիկանության Արաբկիրի բաժնում տվեց հաղորդում սեպտեմբերի 27-ին տեղի ունեցած խարդախության վերաբերյալ: Խարդախության մեխանիզմն առաջին անգամ չէր օգտագործվում:

Ոստիկանությունից հայտնում են, որ այս անգամ էլ WhatsApp հավելվածի միջոցով երիտասարդի հետ կապ հաստատած և Կարեն ներկայացած անձը ցանկացել էր գնել նրա բջջային հեռախոսը: Երեկոյան ժամը ութին հանդիպել էին Ազատության պողոտայում, պայմանավորվել, հետո այդ ոմն Կարենը, վերցնելով երիտասարդի բանկային քարտի տվյալները, զանգել էր ընկերոջը, խնդրել այդ քարտի հաշվեհամարին ուղարկել պայմանավորված գումարը, և, որպես մուծման ապացույց, իր հեռախոսին ուղարկել համապատասխան անդորրագրի նկարը: Հաշված րոպեներ անց անդորրագրի նկարն ուղարկված էր: Կարենը վերցրել էր հեռախոսն ու հեռացել»,- ներկայացնում է ոստիկանության Արաբկիրի բաժնի ՔՀԲ օպերլիազոր Ալբերտ Հովակիմյանը:

Երիտասարդը միայն որոշ ժամանակ անց, գումարն այդպես էլ չստանալով, հասկացել էր, որ անդորրագիրը կեղծ է:

Նախաձեռնվեց քրեական վարույթ, և Արաբկիրի քրեական հետախույզներն անցան գործի: Խարդախության նման մի դեպք էլ տեղի էր ունեցել սեպտեմբերի 21-ին: Այս անգամ տուժածը 24-ամյա մի երիտասարդ էր: Նրանից էլ նույն կերպ, կեղծ անդորրագիր ցույց տալուց հետո, խարդախությամբ հափշտակել էին բջջային հեռախոս:

Իսկ հունիսի 10-ին կատարվածը քիչ այլ ընթացք էր ստացել: Զանգել էին կոշիկի սրահ, ներկայացել մշտական գնորդ ու պատվիրել մեկ զույգ կոշիկ՝ պայմանով, որ առաքեն: Խանութի աշխատակիցը մեկնել էր պայմանավորված վայր` նույն Ազատության պողոտա: Խարդախության մեխանիզմը, սակայն, չէր աշխատել. առաքողը հանդիպել էր երկու հոգու, բայց արագ էլ հասկացել էր, որ ինչ-որ բան այն չէ: Եվ, այնուամենայնիվ, երկու հոգին առաքիչից բացահայտ հափշտակել էին կոշիկներն ու դիմել փախուստի: Այլ կերպ ասած` խարդախությունը դարձել էր կողոպուտ:

Արաբկիրի քրեական հետախույզները համադրեցին այս բոլոր դեպքերի հանգամանքները, նաև ձեռնարկեցին օպերատիվ-հետախուզական միջոցառումներ: Առաջ քաշած վարկածը, որ բոլոր հանցագործություններին մասնակից է նույն անձը` հաստատվեց:

Ձեռնարկված միջոցառումների արդյունքում պարզվեց, որ կողոպուտն ու խարդախությունները կատարել է Գեղարքունիքի մարզի Մարտունի համայնքում հաշվառված 28-ամյա մի տղամարդ: Հաշվառված էր, սակայն չէր բնակվում այդ հասցեում: Նրա փնտրտուքը տևեց մինչև հոկտեմբերի 21-ը: Այդ օրը նա հայտնաբերվեց մայրաքաղաքի Գարեգին Նժդեհի փողոցում, ձերբակալվեց և ներկայացվեց Արաբկիր վարչական շրջանի քննչական բաժին, որտեղ էլ տվեց խոստովանական ցուցմունք:

Ձեռնարկվում են միջոցառումներ՝ բացահայտումն ամբողջացնելու ուղղությամբ: Նախաքննությամբ հանգամանքները պարզվում են:

Ի դեպ, բացառված չէ, որ նման խարդախություններից տուժել են նաև այլ անձինք, որոնք կարող են դիմել ոստիկանության Արաբկիրի կամ մոտակա բաժին կամ զանգել 1-02:

Այս թեմայով Մենք 4 գյուղը չենք տալիս Ադրբեջանին, մենք 4 գյուղը վերցնում ենք Ադրբեջանից․ Փաշինյան Կեղծ բարեպաշտների ժամանակն ու... «ամնեզիան». «Փաստ» Իրավիճակը լարված է Երևան–Սևան մայրուղու վրա (տեսանյութ) Միքայել արքեպիսկոպոս Աջապահյանի նկարով կեղծ հայտարարություն է տարածվում Ոնց որ թե թույլ ենք տալիս «շահումով խաղերին» 10 օր ուշացումով հարկեր վճարեն. Թունյան (տեսանյութ) Մենք Հայաստանի Հանրապետությունից ոչ մի տարածք էլ չենք տալիս. Տավուշի ոստիկանապետը կրկնում է ՔՊ-ին Ոստիկանները գազանաբար առևանգեցին Գերասիմ Վարդանյանին. քաղաքացիները թույլ չեն տալիս տանել (տեսանյութ) Որ գնաս վզից բռնես, ասես` հլը մատով ցույց տուր, էդ ի՞նչն են հանձնում, սկսում ա հեքիաթներ պատմել (տեսանյութ) Հայոց ցեղասպանության տարելիցի կապակցությամբ Բևերլի Հիլզում Թուրքիայի հյուպատոսարանի մոտ ցույց է անցկացվել Պարզվում է՝ իրականում ավելի մեծ տարածք են տալիս Ադրբեջանին, քան մեզ ցույց են տվել. կիրանցի (տեսանյութ)