Նոր հրատարակված գրքույկում ներկայացված են Արցախի բռնազավթված տարածքներում հայկական ժառանգության ոչնչացման մեխանիզմները

Օրհնությամբ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի՝ Մայր Աթոռ Սուրբ Էջմիածնի հրատարակչությունը լույս է ընծայել Արմինե Տիգրանյանի «Արցախի քրիստոնեական ժառանգության ոչնչացման և բռնյուրացման ադրբեջանական քաղաքականությունը» (խմբ․՝ պ․գ․դ․ պրոֆ․ Համլետ Պետրոսյան) վերնագրով գիրքը։

Մայր Աթոռի տեղեկատվական համակարգի հաղորդմամբ, գրքույկում քննվում են 2020 թվականի 44-օրյա պատերազմի ընթացքում և դրանից հետո Ադրբեջանի կողմից Արցախի բռնազավթված տարածքներում քրիստոնեական հայկական ժառանգության (եկեղեցիներ, վանքեր, մատուռներ, համալիրներ, խաչքարեր և այլն) անօրինական թիրախավորման, դրանց ոչնչացման և բռնայուրացման մեխանիզմները և ներկայացվում դրանց պահպանության հիմնադրույթները՝ ժառանգության «իսկության», «ամբողջականության», «մշակութային կարևորության», «բացառիկության» միջազգային սկզբունքների լույսի ներքո։

Աշխատանքում հեղինակը հավաքագրել և գիտական մանրամասն քննությամբ հիմնավոր փաստարկներով ներկայացրել է մինչ օրս Ադրբեջանի կողմից ոչնչացված կամ վնասված հայկական քրիստոնեական արժեքների հիմնական մասը, որոնք ներկայացված են մշակութային ժառանգության պահպանության միջազգային համակարգի իսկության, ամբողջականության, բացառիկության սկզբունքների լույսի ներքո, ինչպես նաև խաչքարային մշակույթի պահպանության առանձնահատուկ համակարգը՝ որպես ՅՈՒՆԵՍԿՕ-ի կողմից Համաշխարհային ժառանգության ցանկում ընդգրկված համամարդկային արժեքի։

Գրքույկը նախատեսված է մշակութային ժառանգության պահպանությամբ զբաղվող մասնագետների, պետական կառոյցների, գիտական, ընկերությունների, ուսանողների և արցախահայության մշակութային ժառանգության պաշտպանությամբ ու պահպանությամբ մտահոգ ընթերցողների լայն շրջանակի համար։

Այս թեմայով Կիրանցում է Արցախի թեմի առաջնորդը Ես ամաչում եմ իմ այն գործընկերների համար, որոնք արդարացնում են Արցախի հայերի ցեղասպանությունը (տեսանյութ) ԼՂ-ի հայկական ներկայության բոլոր հետքերը ջնջելն Ալիևի վարչակարգի նախագիծն է․ Անն Լոուրենս Պետել Քննարկվել է Հայկական ԱԷԿ-ի երկրորդ էներգաբլոկի շահագործման երկարաձգման հարցը. ՏԿԵՆ 24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան Արցախի հայաթափումից հետո ներկայիս մտահոգիչ ծանր իրավիճակ է ՀՀ սահմանային տարածքներում․ Վեհափառ Մինչև այսօր չունենք Արցախի ցեղասպանությունը վկայող փաստաթուղթ. Գեղամ Ստեփանյան (տեսանյութ) Բաքուն քայքայում է մեր պաշտպանական գիծը, հայկական տարածքները հանձնվում է Ադրբեջանին Կարո Փայլանին վռնդել են հայկական եկեղեցուց (տեսանյութ) Ադրբեջանը ձևափոխում է օկուպացված Արցախի Մայր բուհի շենքը (տեսանյութ)