Ուր են և ինչու են լռում Հայաստանի խոշոր գործարարներն ու պաշտոնյաները. Կառլեն Մկրտչյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական և ռազմական պաշտոններ, Արցախի և Հայաստանի անունը հոլովելով բիզնես են դիզել, իսկ այսօր, երբ Արցախը գրեթե կորսված է, իսկ Հայաստանը գտնվում է լրջագույն վտանգների առջև, նրանք նախընտրում են լռել, ասես ոչինչ էլ տեղի չի ունեցել:

Այսօր կանդրադառնանք Արտաշատի համայնքապետ Կառլեն Մկրտչյանին։ Կայքերը գրում էին, որ մինչ ավագանու ընտրություններն արտաշատցիների շրջանում ուներ «մեր տղա» բարի համբավը ու հենց այդ քողի տակ էլ հավաքեց ընտրազանգվածի ձայները: Եվ թերևս նա իսկապես ունեցել է նման համբավ, հակառակ դեպքում՝ դժվար թե հավաքեր բավական պատկառելի թվով ձայներ: Ահա Մկրտչյանի կենսագրությունից որոշ ուշագրավ դրվագներ․  2018 թվականից Արտաշատի տարածքային կառույցի ղեկավարն Էր, կուսակցաշինության մեջ ունեցել է իր մեծ ներդրումը, եղել է Արարատի  մարզպետի խորհրադական, հետո զբաղեցրել է Արտաշատ ՋՕԸ-ի գործադիր տնօրենի պաշտոնը, իսկ մինչ ՏԻՄ ընտրությունները՝ վարչապետի որոշմամբ նշանակվել էր Արտաշատ համայնքի ղեկավարի պաշտոնակատար։

Արցախից բռնի տեղահանված 19 054 արցախցի տեղավորվել է Արարատի մարզում, մեծ մասին օգնության է հասել նաև Արտաշատի համայնքապետարանը, սակայն հենց այստեղ է որ տրամաբանական հարց է առաջանում: Լավ, Մկրտչյանը կանգնած էր ՔՊ ձևավորման ակունքներում, սակայն, ինչպես գիտենք, ՔՊ ծրագիրը ենթադրում էր Արցախի հարցի բնավ էլ ոչ այսպիսի լուծում: Ըստ այդմ, արդյոք համայնքապետի մոտ կոգնիտիվ դիսոնանս չի առաջանում այն գաղափարախոսության միջև, որը ՔՊ-ն դավանում էր, կամ առնվազն հրապարակավ ներկայացնում էր  և այն հայտարարությունների ու մեսիջների միջև, որոնք այսօր հնչեցնում են իր թիմակիցները: Արդյո՞ք նրա մոտ հարցեր չեն առաջանում, թե ի վերջո որտեղ են սխալվել, որ այսօր ավելի քան 20 հազար արցախցի ապաստան են հայցում Արարատի մարզում: Կամ արդյոք հարցեր չեն առաջանում, թե ինչպես է ստացվել, որ թշնամին արդեն տարածքային պահանջներ է ներկայացնում հենց Արարատի մարզին: Ի՞նչ պետք է տեղի ունենա, որ համայնքապետերը հիշեն՝ իրենք առաջին հերթին քաղաքացիների առջև են պատասխանատու և նոր միայն՝ սեփական քաղաքական թիմի, և որպես պաշտոնյա՝ առնվազն պարտավոր են քաղաքացիական դիրքորոշում հայտնել ստեղծված իրավիճակի վերաբերյալ:

Շարունակելի...

Այս թեմայով Մտածում եք՝ չի՞ գալու մի օր, որ Նիկոլն ասելու է՝ Երևանը դժգույն է ու դժբախտ. Աննա Մկրտչյան (տեսանյութ) Ես հավատում եմ Սրբազանին. մի քանի ճիշտ քայլ, ու իշխանափոխությունը կհաջողի. Դավիթ Մկրտչյան Դժվար է չհասկանալ, թե ինչ ողբերգական ավարտ կունենա այս ամենը, եթե փոփոխություններ չլինեն. Մհեր Մկրտչյան Նիկոլենց քարոզիչները սեկռետ են ընկել․ Բագրատ Սրբազանին բան չի կպնում․ Մհեր Մկրտչյան Բագրատ Սրբազանը ունի մարդկանց սերը, հայկականը պահպանելու վճռականությունը. Մկրտչյան ԵՄ դեսպանին հրավիրել եմ ներկա գտնվելու Աշոտյանի դեմ քաղաքական դատավարությանը․ Աննա Մկրտչյան Աղդամցի Ալենի պատվի և արժանապատվության կորսված լինելու հարցը դեռևս օդում կախված է. Աննա Մկրտչյան (տեսանյութ) Գևորգ Մկրտչյանի և Քրիստինա Հովհաննիսյանի հարսանեկան տանգոն՝ Էրիկի կատարման ներքո (տեսանյութ) Գևորգ Մկրտչյանը և Քրիստինա Հովհաննիսյանը պսակադրվել են (տեսանյութ) Դիվերսանտ ադրբեջանցին պետք ա առոք-փառոք ՀՀ-ում շրջի, իսկ կրակած հայ զինվորը՝ դատվի. Մկրտչյան