Պաշտոնյաների ձախողումներն ու «կիքսերը». Արմեն Մելիքբեկյան

Հայկական ֆուտբոլում վերջին տարիներին բավական ուշագրավ զարգացումներ են տեղի ունենում, ընդհանրապես տպավորություն է, որ ՀՖՖ-ին չի հաջողվում դուրս գալ սկանդալների անվերջանալի թվացող շղթայից: Սկսենք ոչ վաղ անցյալից: Մինչ հեղափոխությունը ՀՖՖ նախագահ Ռուբեն Հայրապետյանը, թերևս, ամենաքննադատված պաշտոնյաներից մեկն էր: Նրա ղեկավարման տարիներին Հայաստանի ֆուտբոլի հավաքականը որևէ քիչ թե շատ շոշափելի արդյունք և հաջողություն չգրանցեց` մշտապես հետ գնալով  դասակարգման աղյուսակում, եղան նաև կոռուպցիոն սկանդալներ: Անգամ ֆեյսբուքում խումբ էր բացվել, որն այդպես էլ կոչվում էր՝ «Պահանջում ենք Ռուբեն Հայրապետյանի հրաժարականը»:

Հեղափոխությունից հետո ՀՖՖ նախագահը հրաժարական տվեց` իր պաշտոնը փոխանցելով այն ժամանակվա ԱԱԾ պետ Արթուր Վանեցյանին, ով նույնպես տվյալ դիրքում ոչնչով աչքի չընկավ: Այնուհետև սկսվեց ներկայիս նախագահ Արմեն Մելիքբեկյանի էպոխան, ում, ըստ լրատվամիջոցների, այդ պաշտոնում նշանակվելու համար ընտրել էր անձամբ Նիկոլ Փաշինյանը: Այդ նույն ժամանակ Փաշինյանը և ՀՖՖ նախագահը բավական հավակնոտ խոստումներ էին շռայլում` խոստանալով հասնել նրան, որ 2050 թվականին ֆուտբոլի մեր ընտրանին դառնա աշխարհի կամ եվրոպայի առաջնության մեդալակիր։ Այն, ինչ եղավ դրանից հետո, անչափ հուզիչ էր:

Իսկ եղավ այն, որ ընտրանին տապալեց թե՛ աշխարհի, թե՛ եվրոպայի առաջնության ընտրական փուլերը` որոշ խաղերում պարտվելով 4:0, 6:0 և 9:0 հաշիվներով: Հայաստանի առաջնությունից անհասկանալի պատճառներով դուրս մնացին բազմաթիվ ակումբներ, իսկ թիմերի 70 տոկոսը շարունակում է կոմպլեկտավորվել արտասահմանցի խաղացողներով, որովհետև ոչինչ չի արվում մանկապատանեկան ֆուտբոլի զարգացման համար: Մելիքբեկյանը հայտնվեց նաև կոռուպցիոն սկանդալի կիզակետում, երբ հենց Ռուբեն Հայրապետյանի կողմից մեղադրվեց ՀՖՖ ֆինանսական միջոցները յուրացնելու մեջ: Գործը, իհարկե, ջրվեց։

Վերջերս էլ «Փյունիկի» սեփականատեր Արթուր Սողոմոնյանը ծավալուն հարցազրույց է տվել ակումբի մամուլի ծառայությանը, որի ընթացքում հայտարարել է, որ ՀՖՖ ղեկավարությունը ոչ կոմպետենտ է և ինքը «Փյունիկի» անունից անվստահություն է հայտնում Արմեն Մելիքբեկյանին:

Սկանդալներն այսքանով չեն ավարտվում:  Վերջին 3 տարում Հայաստանի առաջնությունը լքել է չորս մարզային թիմ: Բոլորին է հայտնի, որ նրանք հեռացել են ՀՖՖ ղեկավարության հետ աշխատանքից դժգոհ լինելու պատճառով: Ընդ որում, «Լոռի ՖԱ»-ն և «Սևան ՖԱ»-ն այդ կապակցությամբ պաշտոնական հայտարարություններ են արել։ «Սևան» ֆուտբոլային ակումբի պարագայում Ֆեդերացիայի ղեկավարությունը ոչ միայն գիտակցաբար ոչնչացրեց ակումբն, այլև արգելեց ակումբի սեփականատեր Տիգրան Հակոբյանին զբաղվել հայկական ֆուտբոլի զարգացմամբ՝ երեք տարի ժամկետով: Սակայն, այս գործողությունները որևէ կերպ ուսումնասիրության առարկա չեն դարձել:

Ամիսներ առաջ էլ սոցցանցի իր էջում աղմկահարույց գրառում էր արել ֆուտբոլի կանանց ազգային հավաքականի ավագ Օլյա Օսիպյանը: Մեջբերում ենք. «Ազգային հավաքական հրավիրում են՝ ոչ թե սպորտային սկզբունքից ելնելով, այլ անձնական նկատառումներից և քմահաճույքներից»:

Այս խոսքերի հեղինակը, այո՛, ոչ ավել, ոչ պակաս, ազգային թիմի ավագն է: Մինչ այդ էլ հավաքականից հեռանալու մասին էր հայտնել տղամարդկանց հավաքականի ավագ Հենրիխ Մխիթարյանը:

Իսկ այժմ ուշագրավ համեմատականներ: Ահա թե ինչ չնչին կիքսերի պատճառներով են հրաժարական ներկայացրել Մելիքբեկյանի արտասահմանյան գործընկերները: Իսպանիայի ֆուտբոլի թագավորական ֆեդերացիայի նախագահ Ռուբալեսը հրաժարականի դիմում ներկայացրեց ոչ թե ոլորտը տապալելու, այլ....Իսպանիայի կանանց հավաքականի խաղացողներից մեկին պարգևատրման արարողության ժամանակ համբուրելու համար: Սլովենիայի ֆուտբոլի ֆեդերացիայի նախագահը հրաժարական էր տվել, քանի որ համաձայնության չէր հասնում ազգային հավաքականի խաղացողների հետ՝ տրամադրվելիք պարգևավճարների չափի մասով: Ֆրանսիայի ֆուտբոլի ֆեդերացիայի նախագահ Նոել Լը Գրեն հրաժարական էր ներկայացրել Զինեդին Զինադի հասցեին հնչեցրած վիրավորական խոսքերից հետո:

Այս թեմայով Հարգելի ուսանողներ, հիշեք, որ այս իշխանությունները խլում են ձեր կյանքի լավագույն տարիները. Արմեն Հարությունյան Մեղրիի քաղաքապետը հրաժարական է տվել՝ ըստ կոալիցիոն հուշագրի ՀԻՄԱ. Արմեն Աշոտյանի գործով դատական նիստը Չենք վախենում կալանավորումներից. Արմեն Աշոտյանը 11 ամիս է՝ բանտում է հայրենիք սիրելու համար. Հենրիխ Դանիելյան Երիտասարդները հասկանում են, որ իրենց ապագայի հարցն է դրված. Արմեն Խաչիկյան (տեսանյութ) Երեկ ոստիկանների բռնի գործողությունների արդյունքում հիվանդանոցում հայտնված Արմեն Բաղդասարյանն է մասնակցել Պատարագին Մեր բոլոր խնդիրները ծագել են այն պատճառով, որ Նիկոլն Ալիևից ավելի շատ է վախենում, քան սեփական ժողովրդից. Արմեն Աշոտյան (տեսանյութ) Հերոսների հիշատակն ու թողած ժառանգությունը պարտավորեցնում են լինել միասնական. Արմեն Սարգսյան Ես մտավորական չեմ. Արմեն Խանդիկյանը խուսափեց պատասխանել Սրբազանի պայքարին միանալու հարցին (տեսանյութ) Ինձ համար օրհնություն, պատիվ է լինել Սրբազանի կողքին. բոլորին կոչ եմ անում սթափվել. Արմեն Հյուսնունց (տեսանյութ)