Հեղափոխական պաշտոնյաների աշխատանքի ՕԳԳ-ն. Արամ Խաչատրյան

Շարունակելով ներկայացնել ՔՊ-ական պաշտոնյաների աշխատանքի արդյունավետությունը՝ այսօր կանդրադառնանք Լոռու մարզպետ Արամ Խաչատրյանին:

Դեկտեմբերի 5-ին Վանաձորում կայացած ՏԻՄ ընտրություններից հետո մութ ամպեր են կուտակվում Լոռու ՔՊ-ական մարզպետ Արամ Խաչատրյանի գլխին: Բանն այն է, որ Վանաձորի համայնքապետի ՔՊ-ական թեկնածուն հենց Խաչատրյանն էր, ով նույնիսկ պատրաստ էր գնալ պաշտոնի իջեցման, սակայն դրան, ինչպես երևում է, պատրաստ չէին ընտրողները. արդյունքում` Խաչատրյանը պարտվեց անգամ սեփական թաղամասում, իսկ համայնքապետ ընտրվեց Վանաձորի գործող քաղաքագլուխ Մամիկոն Ասլանյանը:

Դրանից հետո մարզպետը հասցրել է հայտնվել մի շարք պիկանտ պատմությունների կիզակետում: Նախորդ տարի տեղեկություններ տարածվեցին, որ Լոռու մարզպետի աշխատասենյակում մարզպետ Արամ Խաչատրյանի կողմից ծեծի է ենթարկվել Օձուն խոշորացված համայնքի ղեկավար Արսեն Տիտանյանը: Ըստ տեղեկությունների՝ մարզպետը կանչել է համայնքապետին և ներկայացրել հրաժարականի դիմում գրելու անօրինական պահանջ, որից հետո պահանջը չկատարելու համար մարզպետարանի շենքում, 7-8 մարդու ներկայությամբ, նրան ծեծի ենթարկել:  Այս դրվագով, իհարկե, քրեական գործ չհարուցվեց, ինքը՝ մարզպետն էլ կտրականապես հերքել է իր մասնակցությունը վերը նշված դրվագին:

Սրանով սակայն սկանդալները չեն ավարտվել: Լոռու մարզպետարանի տեղական ինքնակառավարման և համայնքային ծառայության պետի պաշտոնից սեփական դիմումի համաձայն ազատված Ժիրայր Ղազարյանը հայտարարում է՝ իր նկատմամբ քաղաքական ճնշումներից հետո ստիպված է եղել ազատվել 12 տարի զբաղեցրած պաշտոնից:  Թե որքանով է դա համապատասխանում իրականությանը՝ մենք չէ, որ պետք է գնահատականներ տանք, այլ՝ պատկան մարմինները:

Խաչատրյանից դժգոհ էին նաև բնապահպանները: Նրանց կարծիքով՝ առանց հանքի միակ մարզը նույնպես սկուտեղով մատուցվում է հանքատերերին։ Այս անգամ թիրախավորվել է Գոգարան, Շենավան, Սարահարթ բնակավայրերի լեռնային տարածքը, որն ընկնում է Սպիտակի և Ստեփանավանի միջև, այդ տարածքներում ցանկանում են իրականացնել ոսկի-բազմամետաղային օգտակար հանածոների երկրաբանահետախուզական աշխատանքներ։ Ընդ որում, համայնքների բնակիչներն անգամ տեղեկացված չեն եղել, որ իրենց քթի տակ մարզպետը որոշել է հանք բացել, առավել ևս տեղեկացված չեն եղել, որ այդ հարցի շուրջ հանրային քննարկումներ են կազմակերպվելու։ Հանրային քննարկման իրազեկումը կազմակերպվել է թերի և օրենքի խախտումով, քանի որ չի նշվել ո՛չ իրականացնող կազմակերպության անունը, ո՛չ փաստաթղթերին ծանոթանալու վայրն ու եղանակը:

Այս թեմայով Հասարակական կարգ ենք պահում, էսքանով բավարարվեք. ոստիկանապետ Արամ Հովհաննիսյան (տեսանյութ) ՔԿ-ն հրապարակել է Դոն Պիպոյի լուսանկարը՝ պնդելով, թե հավաքի մասնակիցներին նյութապես շահագրգռել են Ինքն է բացել ՀՀ-ի դարպասներն ու թշնամուն ներս թողել, նրա պատճառով է երկիրն այս օրի հասել. Ռուզաննա Խաչատրյան Ես համաձայն չեմ կատարվողի հետ, դրա համար եմ այսօր պայքարում, այլ նկրտումներ չունեմ. Արամ Նիկոլյան (տեսանյութ) Սա Սրբազանի պայքար չէ՝ սրբազանագույն պայքար է. Նկարիչ Վալերի Խաչատրյան (տեսանյութ) Այն ճեղքվածքը, որ առաջանում է, շատ–շատ տարիներ է պահանջվելու, որ փակվի․ Տիրան Խաչատրյան (տեսանյութ) Տեր Արշակ արքեպիսկոպոս Խաչատրյան. ի՞նչ կենսագրություն ունի Մայր Աթոռի դիվանապետը Արամ Ա կաթողիկոսը ՀՅԴ ներկայացուցիչների հետ քննարկել է Տավուշի համար մեկնարկած հավաքը Խոստացան խաղաղություն՝ բերեցին պատերազմ. Արթուր Խաչատրյան (տեսանյութ) Ամեն մարդ պատասխան կտա իր արածի և հատկապես՝ իր չարածի համար․ Արշակ արք․ Խաչատրյան