Հեղափոխական պաշտոնյաների աշխատանքի ՕԳԳ-ն. Դավիթ Խուդաթյան

Շարունակելով ներկայացնել հեղափոխական պաշտոնյաների աշխատանքի արդյունավետությունը` այսօր կանդրադառնանք Արմավիրի քաղաքապետ Դավիթ Խուդաթյանին:

Արմավիրի համայնքապետ Դավիթ Խուդաթյանն իրավամբ համարվում է ամենաերկարակյաց համայնքապետերից մեկը: Եվ թերևս իշխանության ղեկին երկար գտնվելու հետևանք է, որ համայնքապետարանի գնումների պլանում տեղ են գտնել այնպիսի ծառայություններ և ապրանքներ, որոնք մարդիկ հաճախ գնում են սեփական տան համար: Եվ այսպես, ըստ Արմավիրի համայնքապետարանի 2023 թվականի գնումների լրացված պլանի՝ համայնքապետարանը ենթադրում է 948 հազար դրամի ավտոլվացման ծառայություն ձեռք բերել, 400 հազարի՝ թերթերի բաժանորդագրման ծառայություն, 3 միլիոն 280 հազար դրամի գրասենյակային պիտույքներ, 1 միլիոն  730 հազարի տնտեսական և կենցաղային ապրանքներ, 65 հազար դրամի շարժական աթոռ: Գնումների մյուս բաժինն էլ ավելի ուշագրավ է՝ սափրվելու փրփուրից մինչև ձեռքի ժամացույց։

Խուդաթյանը քաղաքը ժառանգել էր մի իրավիճակում, երբ Արմավիրը թե՛ կենսամակարդակի, թե՛ ներգրավված ներդրումների առումով Հայաստանի առաջատար քաղաքներից մեկն էր: Հեղափոխությունից հետո Արմավիրի մարզում աղքատության մակարդակը կազմել է 32.2 տոկոս, ինչն ընդհանուր վերցրած հանրապետության մասշտաբներով ամենավատ ցուցանիշներից մեկն է:

Ինչ վերաբերվում է Խուդաթյանի երրորդ հաջողությանը՝ ԵՄ-ից գյուղատնտեսությանն աջակցող վարկեր ստանալուն, ապա փաստենք, որ Արմավիր քաղաքում ԵՄ կողմից գյուղատնտեսության աջակցման տարբեր ծրագրեր լայն թափ են ստացել հենց նախկին քաղաքապետի օրոք:

Սոցիալապես անապահով ընտանիքների երեխաների համար ամառային ճամբարներ կազմակերպելու նոու-հաուն նույնպես Խուդաթյանինը չէ, նմանատիպ ճամբարներ Արմավիր քաղաքում քաղաքապետի հանձնարարականով կազմակերպվել են յուրաքանչյուր տարի: 

Սակայն, օբյեկտիվ լինելով, չենք կարող չնշել նաև այն դրական քայլերը, որոնք կատարվել են այս ընթացքում համայնքապետի կողմից: Դիցուք՝ Արմավիր համայնքի 2023 թվականի նոյեմբեր ամսվա սեփական եկամուտների հավաքագրման ցուցանիշը՝ գույքահարկի, վարձակալության վճարների և տեղական տուրքերի մասով, կազմել է 85.169.705 դրամ, ինչը նախորդ տարվա նույն ամսվա ցուցանիշից ավել է շուրջ 10.795.800 դրամով կամ 14.5%-ով: Նորոգվել և ընդլայնվել է Սարդարապատ գյուղի գիշերային լուսավորության ցանցը: Արմավիր համայնքի ղեկավար Դավիթ Խուդաթյանն Էստոնիայի մայրաքաղաք Տալլինում մասնակցել է Բաց կառավարման գործընկերության (OGP) 2023 թվականի տարեկան համաժողովին: Համաժողովին մասնակցում էին աշխարհի ավելի քան 70 երկրների կառավարությունների անդամներ, քաղաքապետեր, քաղաքացիական հասարակության ներկայացուցիչներ, փորձագետներ:

Այս թեմայով Վրաստանում ոստիկանները դաժանաբար ծեծել են ընդդիմության առաջնորդ Դավիթ Կացարավային Ես հավատում եմ Սրբազանին. մի քանի ճիշտ քայլ, ու իշխանափոխությունը կհաջողի. Դավիթ Մկրտչյան Առկա են որոշ մարտահրավերներ՝ կապված շարժման քաղաքական օրակարգի ձևավորման և իրականացման հետ․ Դավիթ Անանյան Եթե Դավիթ Գյուրջինյանը ուսանողներին սպառնացել է հեռացնել, դա դառնալու է միջազգային սկանդալ (տեսանյութ) Ես պատրաստ եմ աջակցել այս պայքարին այնքան, որքան կպահանջվի. Դավիթ Սահակյանց (տեսանյութ) Կառչում են ամեն մի փրփուրից, բարակ ձողից, որ պահպանեն իրենց աթոռը. Դավիթ Սահակյանցն՝ իշխանության ներկայացուցիչների մասին (տեսանյութ) Ատելությունով եկել են, թող սիրով վերանան. Դավիթ Ամալյան (տեսանյութ) Դավիթ Գյուրջինյան, ամոթ. քո դասավանդած արժեքներին ստել ես. Բագրատ Սրբազան (տեսանյութ) Շտապօգնության մասնակցությամբ ավտովթար՝ Արմավիր քաղաքում. բուժքույրը տեղափոխվել է հիվանդանոց Մենք դատապարտված ենք հաղթանակի այլ ճանապարհ չունենք, այս դեպքում հաղթելու է հանուն սիրո ուժը. Դավիթ Ամալյան (տեսանյութ)