Անցնող շաբաթվա ամենակարևոր լուրերի ընտրանին

Ձեր ուշադրությանն ենք ներկայացնում անցնող շաբաթվա ամենակարևոր լուրերի ընտրանին: Եվ այսպես՝

Դեկտեմբերի 4

Ազգային ժողովում լրագրողների հետ ճեպազրույցում ՀՀ փոխարտգործնախարար Մնացական Սաֆարյանը հայտարարել է, որ խաղաղության պայմանագրի 6-րդ տարբերակի շուրջ Հայաստանի առաջարկներին Ադրբեջանը դեռ չի արձագանքել։

«ՀայաՔվե» նախաձեռնության կողմնակիցները բողոքի ցույց են իրականացրել Ազգային ժողովի շենքի մոտ։ Նրանք պահանջում էին, որ ԱԺ պետաիրավական հանձնաժողովը դրական եզրակացություն տա «Հայաքվե» քաղաքացիական նախաձեռնության ներկայացրած օրենքի նախագծին։

Դեկտեմբերի 5

Ալավերդի խոշորացված համայնքի ավագանու 27 անդամից 14-ն այսօր կայացած քվեարկությամբ անվստահություն հայտնեց համայնքի ղեկավար Արկադի Թամազյանին։ Գաղտնի քվեարկությամբ համայնքապետ ընտրվեց ավագանու ՔՊ խմբակցության ղեկավար, Շնողի նախկին համայնքապետ Դավիթ Ղումաշյանը։

ԱՄՆ աշխատանքային այցի ընթացքում ՀՀ ԱԽ քարտուղար Արմեն Գրիգորյանն ԱՄՆ Պաշտպանության դեպարտամենտում հանդիպել է Պաշտպանության քարտուղարի փոխտեղակալ Լաուրա Կուպերի հետ: ՀՀ ԱԽՔ գրասենյակից հայտնում են, որ հանդիպմանը կողմերը քննարկել են երկկողմ պաշտպանական համագործակցությանը վերաբերող հարցեր և ընդգծել մեր տարածաշրջանի կայունության ապահովման անհրաժեշտությունը:

Դեկտեմբերի 6

Ազգային ժողովը փակ գաղտնի քվեարկությամբ Վճռաբեկ դատարանի հակակոռուպցիոն պալատի դատավոր ընտրեց Սերգեյ Մարաբյանին: 

ՄՊՀ նախագահ Գեղամ Գևորգյանը հյուրընկալել է Հայաստանում ԵՄ պատվիրակության ղեկավար Վասիլիս Մարագոսին: ՄՊՀ նախագահը բարձր է գնահատել ԵՄ ֆինանսավորմամբ մրցակցության պաշտպանության ոլորտում իրականացված  ծրագրերի արդյունքում արձանագրված ձեռքբերումները:

Թունիս կատարած աշխատանքային այցի շրջանակներում ՀՀ ԱԳ նախարարի տեղակալ Վահան Կոստանյանը հանդիպում է ունեցել ԹՀ արտաքին գործերի, միգրացիայի և արտերկրում թունիսցիների հարցերով նախարար Նաբիլ Ամմարի հետ։

Դեկտեմբերի 7

Կառավարության նիստում որոշվեց Արարատ Գրիգորյանին ազատել ՀՀ Վայոց ձորի մարզպետի պաշտոնից: Մեկ այլ որոշմամբ՝ Վայոց Ձորի մարզպետ կնշանակվի Կոլյա Միքաելյանը

Հայաստանի վարչապետի աշխատակազմը և Ադրբեջանի նախագահի վարչակազմը համատեղ հայտարարությամբ են հանդես եկել, համաձայն որի՝ որպես բարի կամքի դրսևորում՝ Հայաստանն ազատ է արձակում 2 ադրբեջանցի, Ադրբեջանը՝ 32 հայ զինծառայողների։

Դեկտեմբերի 8

Հայաստանի անվտանգության խորհրդի քարտուղար Արմեն Գրիգորյանը Լոնդոն կատարած աշխատանքային այցի ընթացքում հանդիպել է Մեծ Բրիտանիայի և Հյուսիսային Իռլանդիայի Միացյալ Թագավորության վարչապետի ազգային անվտանգության հարցերով խորհրդական Թիմ Բարոունի հետ: 

ՀՀ բարձր տեխնոլոգիական արդյունաբերության նախարար Ռոբերտ Խաչատրյանը Կահիրեում հանդիպել է Արաբական արդյունաբերական կազմակերպության նախագահ Մոխթար Աբդելլաթիֆին:

Դեկտեմբերի 9

ՀՀ ԱԳՆ-ն հայտարարել է, որ Բրյուսելում Հայաստանի եւ Ադրբեջանի արտգործնախարարների միջև բանակցություններ չեն նախատեսվում:

Հայաստանի Հանրապետության նախագահ Վահագն Խաչատուրյանը աշխատանքային այցով մեկնել է Արգենտինայի Հանրապետություն։ Նշվում է, որ նախագահն Արգենտինայում է լինելու մինչև դեկտեմբերի 12-ը, այցի ընթացքում մասնակցելու է Արգենտինայի նորընտիր նախագահ Խավիեր Միլեյի երդմնակալության հանդիսավոր արարողությանը։

Էկոնոմիկայի նախարար Վահան Քերոբյանը մասնակցել է ՀՀ ԷՆ Զբոսաշրջության կոմիտեի տարեկան ամփոփիչ միջոցառմանը, որի ընթացքում հայտնել է, որ այս տարվա 11 ամսվա տվյալներով` Հայաստան է այցելել 2.2 մլն զբոսաշրջիկ, ինչը երկրի համար բացարձակ ռեկորդ է։

Այս թեմայով Ցանկանում ենք՝ նախանշած ծրագիրն այս շաբաթվա մեջ ավարտել․ Բագրատ Սրբազան Էրդողանը հեղաշրջման փորձի մասին լուրերի ֆոնին՝ արտակարգ խորհրդակցություն է անցկացրել Լևոն Քոչարյանի գործով անցնող կարմիր բերետավորը հրել է օպերատորին, վերջինս վնասվել է (տեսանյութ) «Ողջունելի է, որ Հայաստանում ծայր է առել ազգային-կրոնական վերելք»․ Տեր Բագրատ արքեպիսկոպոսի գլխավորած շարժման լուրերի արձագանքը պարսկատառ մամուլում․ Տիգրան Դավուդյան Եկող շաբաթվա ընթացքում կարևոր գործեր կան անելու. Դանիելյան (տեսանյութ) Նախորդ շաբաթվա համեմատ` կարմրուկի լաբորատոր հաստատված դեպքերն աճել են 27-ով Անցնող մեքենաները ողջունում են Տավուշից մեկնարկած քայլերթին` Բագրատ Սրբազանի առաջնորդությամբ (տեսանյութ) Եկեղեցին մեզ մեր երկրի հետ կապող ամենակարևոր օղակներից է. Սիրուշո Իշխանության կողմից մեծաքանակ կեղծ լուրերի դաշտ նետելը ցույց է տալիս իրենց ներսում առկա խորը մտահոգությունը. Աբրահամյան Մինչև մայիսի 15-ը Ադրբեջանը և Թուրքիան կստանան նվեր Տավուշի ամենակարևոր 4 կետերը. Գեղամյան