Արամ Հովհաննիսյանը պարգևատրել է Բելառուսի ՆԳ նախարարության ներկայացուցիչներին

Դեկտեմբերի 14-ին ոստիկանության պետ-ներքին գործերի նախարարի տեղակալ, ոստիկանության գեներալ-մայոր Արամ Հովհաննիսյանն ընդունել է Բելառուսի Հանրապետության ՆԳ նախարարության Պահպանության դեպարտամենտի պետի առաջին տեղակալ-ոստիկանական, ռազմականացված և պահակային պահպանության պետ, ոստիկանության գեներալ-մայոր Մաքսիմ Միրոնովի գլխավորած պատվիրակությանը, հայտնում են ՆԳՆ-ից։

Հաղորդագրությունում նշված է․

«Ողջունելով ներկաներին՝ Արամ Հովհաննիսյանը բարձր է գնահատել երկու երկրների Ներքին գործերի նախարարությունների միջև ձևավորված համագործակցությունը։ Նա ընդգծել է հատկապես համագործակցության զարգացման հնարավորությունները՝ անդրադառնալով փոխգործակցության արդյունավետության բարձրացման ուղղությամբ ներդրվող ջանքերին։

Բելառուսի Հանրապետության ՆԳ նախարարության Պահպանության դեպարտամենտի պետի առաջին տեղակալ Մաքսիմ Միրոնովը, շնորհակալություն հայտնելով ջերմ ընդունելության համար, կարևորել է երկկողմ արդյունավետ համագործակցությունը, երկու պետություններում հասարակական կարգի պահպանության և հասարակական անվտանգության ապահովման խնդիրների լուծման ուղղությամբ համատեղ իրականացվող աշխատանքները։

Արամ Հովհաննիսյանը շնորհակալություն է հայտնել Բելառուսի ՆԳ նախարարությանը՝ հայկական կողմին ծառայողական շներ տրամադրելու համար, ինչը ոստիկաններին կօգնի օպերատիվ-հետախուզական և որոնողական աշխատանքներում առավել արդյունավետ կատարելու իրենց խնդիրները։

Հանդիպման ավարտին ոստիկանության պետ Արամ Հովհաննիսյանը պարգևատրել է պատվիրակության անդամներին։

Պատվիրակությունն այցելել է նաև Հայոց ցեղասպանության զոհերի հուշահամալիր, որտեղ ծաղիկներ են խոնարհել՝ մեկ րոպե լռությամբ հարգելով Հայոց ցեղասպանության զոհերի հիշատակը, իսկ Ցեղասպանության թանգարանում ծանոթացել են մշտական և ժամանակավոր ցուցադրություններին»։

Այս թեմայով Խորհրդակցությունը թեժ է անցել. Վահե Ղազարյանը պաշտոնանկ է արել Չարենցավանի ոստիկանապետին․ Shamshyan․com «Ժողովուրդ». Գաղտնալսել են եւ բացահայտել. Գորիսի ոստիկանապետ Մուշեղ Գեւորգյանին ազատ են արձակել Դա ձեր երևակայությունն է, անչափահասին չեն խեղդել, չեմ տեսել. ոստիկանապետ Կառավարության դիմաց ակցիայի գործողությունների արդյունքում տուժել է ՀՀ ոստիկանապետը․ 24News Փաստաբանները եռօրյա գործադուլ են սկսում․ պահանջում են ՀՀ ոստիկանապետ Արամ Հովհաննիսյանի հրաժարականը Նախկին ոստիկանապետն ու Արաբկիրի բաժնի նախկին պետը դիմել են հակակոռուպցիոն կոմիտեի նախագահին․ Shamshyan.com Երևանի նախկին ոստիկանապետ Արտակ Պողոսյանը նշանակվել է Հակակոռուպցիոն կոմիտեի նախագահի տեղակալ Ոստիկանությունը կրկին կոռուպցիայի, սոցիալական անարդարության դեմ պայքարի առաջին գծում էր․ ոստիկանապետ «Հրապարակ». Փաշինյանը հակված չէ իր ընկեր ոստիկանապետ Վահե Ղազարյանին ներքին գործերի նախարար նշանակել Դատախազը հանրային քրեական հետապնդում է հարուցել նախկին ոստիկանապետ Վլադիմիր Գասպարյանի կնոջ նկատմամբ