Փաշինյանի՝ միաժամանակ երկու աթոռի վրա նստելու հերթական փորձը

Այսօր հայկական լրատվական դաշտում երկու ուշագրավ տեղեկություններ տարածվեցին, և դրանցից առաջինի հեղինակը Հայաստանում ՌԴ դեսպան Սերգեյ Կոպիրկինն էր: Վերջինս ՏԱՍՍ-ին տված հարցազրույցում նշել էր, որ Հայաստանի հետ ռազմատեխնիկական ոլորտում կնքված գրեթե բոլոր պայմանագրերը կա՛մ արդեն իրականացված են, կա՛մ գտնվում են իրականացման վերջնական փուլում: Ավելին՝ դեսպանը հայտարարել էր, որ այս պահին քննարկվում են նաև ռազմատեխնիկական համագործակցության ոլորտում մեր երկրների միջև նոր համաձայնագրեր:

Եվ հենց այսօր էլ հայտնի դարձավ, որ Փարիզում տեղի են ունեցել հայ-ֆրանսիական ռազմաքաղաքական խորհրդակցություններ։ Մասնավորապես, ՀՀ ՊՆ մամուլի ծառայությունից հայտնել են, որ խորհրդակցությունների ընթացքում հանգամանորեն քննարկվել են միջազգային և տարածաշրջանային անվտանգությանն առնչվող խնդիրներ, նաև համագործակցության օրակարգային հարցեր, ձեռք են բերվել մի շարք պայմանավորվածություններ:

Ինչպես տեսնում ենք, Արևմուտքից ռազմատեխնիկական աջակցություն ակնկալող Փաշինյանը միևնույն ժամանակ այդ նույն ոլորտում նոր համաձայնագրեր է քննարկում Մոսկվայի հետ: Մի կողմից՝ նա և իր թիմակիցները հայտարարում են, որ պետք է նվազեցնել ռազմատեխնիկական ոլորտում ՌԴ-ից կախվածությունը և որպես այլընտրանք, իհարկե, հայացք նետել Արևմուտքի ուղղությամբ, մյուս կողմից այդ նույն ՌԴ հետ խորացնում է ռազմատեխնիկական համագործակցությունը և անգամ նոր պայմանագրեր պատրաստվում կնքել: Սա Հայաստանի վարչապետի կողմից միաժամանակ երկու աթոռին նստելու հերթական դրսևորումն է, ինչը, անշուշտ, չի վրիպում ոչ Մոսկվայի հայացքից, ոչ էլ Արևմուտքի: Արևմուտքը շարունակելու է Փաշինյանի օգնությամբ ՌԴ-ին Հայաստանից դուրս մղելու փորձերը, փոխարենը՝ վերջինիս խոստանալով իշխանության պահպանման որոշակի երաշխիքներ: Այդ ընթացքում Հայաստանի իշխանություններից պահանջելու են գործնականում ապացուցել լոյալությունն Արևմուտքին, ինչն էլ ենթադրում է հակառուսական քաղաքականության խորացում՝ դրանից բխող բոլոր բացասական հետևանքներով: ՌԴ-ն,  իր հերթին, հայտարարել է, որ չի պատրաստվում հեռանալ Հարավային Կովկասից, սա նշանակում է, որ հակառուսական քաղաքականությունը հստակ հակազդեցության է արժանանալու: Ստացվում է, որ Փաշինյանն իր սեփական իշխանության պահպանման և երկարաձգման նպատակով կրկին փորձում է մանևրել՝ հարվածի տակ դնելով ՀՀ անվտանգությունը, մոռանալով, որ դեռ ոչ մի քաղաքական գործչի չի հաջողվել երկար նստել միաժամանակ երկու աթոռի վրա:

Այս թեմայով Նիկոլ Փաշինյանն ընդունել է ՀԲ-ի և Միջազգային ֆինանսական կորպորացիայի ղեկավարությանը Դանիայի Թագավորությունում Նիկոլ Փաշինյանին դիմավորեցին «Ամո՜թ» վանկարկումներով (տեսանյութ) Ձեզ կեղեքել են, չեն թողել կրթվեք. Նիկոլ Փաշինյանը խաբել է. Մաս 207. «Ժողովուրդ» Հուսով ենք` գլոբալ ժողովրդավարությունը կկանգնի մեր կողքին մարտահրավերներին դիմակայելու հարցում. Փաշինյան Մեր տարածաշրջանում տեղի ունեցած պատերազմը հետագա զարգացումների նախերգանք էր․ Նիկոլ Փաշինյան Նիկոլ Փաշինյանը հանդիպում է ունեցել Դանիայի վարչապետ Մետտե Ֆրեդերիկսենի հետ Փաշինյանն Արագածի դպրոցում ստուգել է ծորակներն ու պատերի ներկը (տեսանյութ) Չեք նեղվո՞ւմ առաստաղի ցածրությունից․ Փաշինյանը ծանոթացել է դպրոցի դահլիճի ավարտական աշխատաքներին (տեսանյութ) Լեմկինի ինստիտուտը մեղադրել է Նիկոլ Փաշինյանին Հայոց ցեղասպանությունը կասկածի տակ դնելու մեջ Նիկոլ Փաշինյա՛ն, խոփդ քարին է կպել, պարզապես ժամանակ ես ձգում, մենք ավելի համառ ենք. Բագրատ Սրբազան (տեսանյութ)