Հեղափոխական պաշտոնյաների աշխատանքի ՕԳԳ-ն. Հայկ Ղալումյան

Շարունակելով ներկայացնել հեղափոխական պաշտոնյաների աշխատանքի արդյունավետությունը՝ այսօր կանդրադառնանք Տավուշի մարզպետ Հայկ Ղալումյանին:

Երևանի ավագանու նախկին անդամ Դավիթ Խաժակյանը հետաքրքիր բացահայտում էր արել, որից պարզ դարձավ, որ Երևանի քաղաքապետարանի կողմից հայտարարված բազմաբնակարան շենքերի շքամուտքերի վերանորոգման մրցույթը շահած ընկերությունը բանկային կեղծ երեշխավորություն էր ներկայացրել։ Հետագայում պարզվել էր նաև, որ կեղծ փաստաթուղթ ներկայացրած ընկերությունը պատկանում է Վահագն Ղալումյանին, ով  Հայկ Ղալումյանի մտերիմ ազգականն է։

Ամիսներ առաջ էլ մամուլը գրել էր, որ Ղալումյանն ընտրություններից հետո Աչաջուր համայնքի և Իջևանի բժշկական կենտրոնների տնօրեններին՝ Կորյուն Վարդապետյանին և Էդուարդ Գրիգորյանին, փոխանցել է՝ ազատման դիմումներ գրել․ առայժմ «լավով» են զգուշացրել։ Բուժկենտրոնի ղեկավարների հանցանքն այն է, որ իրենց շրջապատում ընդամենը չեն թաքցրել, որ ընտրելու են Ռոբերտ Քոչարյանի ղեկավարած «Հայաստան» դաշինքը։

Ղալումյանը 2021 թվականի օգոստոսի 19-ին որոշում է ստորագրել, որով փոփոխություններ են կատարվել ՀՀ  Տավուշի մարզի վտանգավոր տարածքներից բնակչության տարհանման մասին նախորդ որոշման մեջ։ Ղալումյանը նախ ստորագրել է 246-Ա որոշումը։ Ավելի ուշ, մարզում տագնապ տարածելուց հետո, Տավուշի մարզպետարանը պարզաբանում է տարածել՝ փորձելով հանգստացնել հանրությանը և պնդելով, որ այս փաստաթղթով որևէ տարհանում չի նախատեսվում։

Բավական ուշագրավ հայտարարություններ է արել Ղալումյանը նաև այսպես կոչված՝ անկլավների հարցով: 

Անգամ Նիկոլ Փաշինյանն է որոշակի վերապահումներով խոսում անկլավների մասին՝ հայտարարելով, որ դեռ պետք է հասկանալ իրավական հիմքերը, առհասարակ դրանք կան թե ոչ և չի բացառում, որ ամեն բան կմնա այնպես, ինչպես որ կա: Բայց արի տես, որ Փաշինյանի քավոր մարզպետն արդեն պատրաստակամ է Ադրբեջանին նորանոր տարածքներ նվիրել, նրան թերևս իրավական հիմքեր էլ անհրաժեշտ չեն: 

Օբյեկտիվ լինելու համար, սկանդալներից և ռեզոնանսային հայտարարություններից զատ, անդրադառնանք նաև այն դրական քայլերին, որոնք կատարվել են Տավուշի մարզպետարանի կողմից: Դիցուք՝ տեղի է ունեցել վերանորոգված «Դիլիջան» մարզահամալիրի բացման արարողությունը։ 2023թ. Բերդ քաղաքում իրականացվել է քաղաքի կենտրոնական զբոսայգու, Մաշտոցի պողոտայի մանկական զբոսայգու հիմնովին վերանորոգման, «Հերոսների պուրակի» կառուցման, հարակից տարածքների բարեկարգման ծրագիրը։

Այս թեմայով Փաստացի, ընթանում է Աստծո և սատանայի պայքար` բոլոր իմաստներով․ Հայկ Ֆարմանյան Ըմբիշներ Արթուր Սարգսյանը և Հայկ Մնացականյանը Փարիզի Օլիմպիական խաղերի ուղեգիր են նվաճել Շախմատիստներ Հայկ Մարտիրոսյանը և Սամվել Տեր-Սահակյանը Դուբայի մրցաշարի 4-րդ տուրում հաղթանակ են տոնել Արցախցիները պետք է վերադառնան Արցախ, առանց ադրբեջանցիների. Հայկ Բաբայան Օգոստոսին պատրաստվում ենք տրանսպորտի թանկացման դեմ շարժում սկսել. Հայկ Մարության (տեսանյութ) Հայկ Մարությանն ընտրվեց «Նոր ուժ» կուսակցության նախագահ Նիկոլ Փաշինյանն ու իր թիմն այլևս անելիք չունեն, նրանք պետք է հեռանան. Հայկ Մարության Ես անընդունելի եմ համարում արտաքին քաղաքական կողմնորոշումները որպես քաղաքական դավանանք. Հայկ Մարության (տեսանյութ) «2018-ին եկած իշխանությունը կորցրեց արագ ռեֆորմների հնարավորությունը». Հայկ Մարությանի նոր կուսակցության համագումարը Արևմուտքի համար Հայաստանը, ինչպես Ուկրաինան, ընդամենը մանրադրամ են ընդդեմ ՌԴ-ի և Իրանի․ Հայկ Բաբուխանյան (տեսանյութ)