Միասնական սոցիալական ծառայության պետ Էդուարդ Պետրոսյանը նախագահի կողմից պարգևատրվել է պետական բարձր պարգևով

Հանրապետության նախագահի հրամանագրերով, տարբեր բնագավառներում ներդրած ավանդի և արդյունավետ գործունեության համար, մի խումբ անձինք պարգևատրվել են պետական բարձր պարգևներով:

Նախագահի նստավայրում տեղի ունեցած պարգևատրման հանդիսավոր արարողության ժամանակ նախագահ Վահագն Խաչատուրյանը հանձնել է պետական բարձր պարգևները:

Միասնական սոցիալական ծառայության պետ Էդուարդ Պետրոսյանը նախագահի կողմից պարգևատրվել է պետական բարձր պարգևով։

Միջոցառմանը ներկա են գտնվել ՀՀ վարչապետ Նիկոլ Փաշինյանը, ԱԺ նախագահ Ալեն Սիմոնյանը, ՍԴ նախագահ Արման Դիլանյանը, ԲԴԽ նախագահ Կարեն Անդրեասյանը, կառավարության անդամներ և ԱԺ պատգամավորներ:

Հանրապետության նախագահը շնորհավորել է բարձր պարգևներ և կոչումներ ստացած գործիչներին և մաղթել հաջողություններ:

Նախագահն իր խոսքում ասել է.

«Մեկ անգամ ևս ուզում եմ շնորհավորել այսօր պետական բարձր պարգևներ և կոչումներ ստացած մեր գործընկերներին:

Մենք ապրում ենք դժվարին ժամանակներում և մեր պետությունն ունի բոլորիս անձնվեր ու անխոնջ աշխատանքի կարիքը: Մեզանից յուրաքանչյուրն իր ոլորտում հարկ է, որ անի հնարավորությունների առավելագույնը, որպեսզի միասնական ջանքով կարողանանք դիմագրավել մեր պետության և ժողովրդի առջև առկա մարտահրավերներին:

Իսկ պետության կամ պետական պաշտոնյաներիս կարևոր գործառույթներից մեկն է արժանին մատուցել իրենց գործի նվիրյալներին, պարգևատրել ու խրախուսել, քանի որ նրանց աշխատանքը ոգևորում է բոլորիս, ուժ ու հավատ է ներշնչում և մղում է նորանոր հաջողությունների:

Այսօր պարգևատրվածներին միավորում է մեկ բան՝ դուք բոլորդ ձեր գիտելիքները, ունակություններն ու կարողություններն օգտագործում եք հանուն և ի նպաստ Հայաստանի զարգացման ու հզորացման և այս գործում հավասարապես կարևոր են թե գիտնականի, թե զինվորական և թե պետական պաշտոնյայի կամ սպորտսմենի աշխատանքը:

Հարգելի ներկաներ,

Օգտվելով առիթից շնորհավորում եմ գալիք տոների կապակցությամբ, մաղթում բոլորիս ընտանիքներին անսպառ երջանկություն, անվտանգ ու խաղաղ հայրենիքում արարելու բերկրանք, կերտելու ու կառուցելու կորով՝ հանուն Հայաստանի Հանրապետության հզորության ու բարօրության»:

Այս թեմայով Չի կարելի բեկել այս գործընթացը. սա ցանցային պայքար է. Սուրեն Պետրոսյանը Կիրանցում է (տեսանյութ) Լևոն Տեր-Պետրոսյանը դուրս է գրվել հիվանդանոցից ԱՍՀ նախարարությունը գործարկելու է աշխատանք գտնելու առաջին մասշտաբային պետական հարթակը «Մարտական եղբայրություն» միաբանության 6 անդամներ ազատ են արձակվել, Արման Պետրոսյանը կալանավորվել է Պետական ​​սահմանի մոտ 10-12 կմ-ն արդեն կարելի է սահմանազատված համարել. Ալիև «Նահանջել չկա». Սուրեն Պետրոսյանը խնդրել է տավուշցիներին փոխանցել` իր ժամանակավոր մեկուսացումը չի կարող կասեցնել հայրենիքի համար մղվող պայքարը Սուրեն Պետրոսյանը կոչ էր անում Տավուշում պայքարը շարունակել, նրան Փաշինյանի հրահանգով են ձերբակալել Սա երբևէ ամենախայտառակ տեքստն էր Ցեղասպանության օրվա առթիվ` արված Հայաստանի ղեկավարի կողմից. թուրքագետ Հայատան-Ադրբեջան շփման գծի մի փոքր կտոր դարձավ բոլորի կողմից ճանաչված սահման. Իոանիսյան Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը