Լաստանավային հաղորդակցությունը բավարար հետաքրքրություն չի առաջացրել. Քերոբյան

Լաստանավային հաղորդակցությունը, որը պետք է Վերին Լարսի անցակետին այլընտրանք լիներ և թույլ տար հայկական բեռները հասցնել Ռուսաստան, գործարկվել և աշխատել է մի քանի ամիս, սակայն արտահանողների և ներմուծողների համար բավարար հետաքրքրություն չի առաջացրել:

«Արմենպրես»-ի հարցին ի պատասխան՝ ասուլիսում այս մասին ասաց Հայաստանի Էկոնոմիկայի նախարար Վահան Քերոբյանը

«Մենք լաստանավային ուղղությունը որոշ ժամանակ աշխատեցրինք, սակայն զարգացումները ցույց տվեցին, որ մեր հիմնական ջանքերը պետք է ուղղենք այլ երկրներ արտահանումն ակտիվացնելու ուղղությամբ»,-ասաց Քերոբյանը:

Արտահանման դիվերսիֆիկացման համար տարբեր քայլեր են իրականացվում: Ըստ նախարարի՝ գլխավոր ուղղությունը լինելու է մերձավորարևելյան ուղղությունը, Ծոցի երկրները, կարևոր են նաև ասիական, եվրոպական, ամերիկյան ուղղությունները: Այսպիսով, Քերոբյանի խոսքով՝ ջանքեր են գործադրում դիվերսիֆիկացնելու արտահանման ուղղությունները,այլ  ոչ թե մեկ ուղղության մեջ այլ ճանապարհներ փորձել գտնելու: Քննարկվում են արտահանման խրախուսման մի շարք նախագծեր՝ օժանդակություն տրամադրելու այն ընկերություններին, որոնք նոր ուղղություններով արտահանում են իրականացնում:

«Միայն մեկ ուղղության վրա ջանքերը կենտրոնացնելուց տեղափոխվելու ենք խորը դիվերսիֆիկացիայի ուղղությամբ կատարվող աշխատանքների»,-ասաց նախարարը:

Ըստ նախարարի՝ լաստանավը աշխատել է մի քանի ամիս: «Մեր գնահատմամբ՝ այն չի առաջացրել բավարար հետաքրքրություն արտահանողների և ներմուծողների մոտ: Եվ մենք չենք տեսել, որ արտահանող և ներմուծող ընկերություններն օգտագործում են այդ լաստանավն այնպես, որ մենք ինքներս մեզ և մեր գործընկերներին համոզենք այդ ծրագիրը շարունակելու վերաբերյալ»,-ասաց Քերոբյանը:

Այս թեմայով Վահան Քերոբյանի նկատմամբ կիրառված տնային կալանքը երկարաձգվել է ևս 2 ամսով. պաշտպան Քերոբյանի նկատմամբ որպես խափանման միջոց տնային կալանք կիրառելու մասին որոշումը կբողոքարկվի․ «Փաստինֆո» Բայց Նիկոլ Փաշինյանն ի՞նչ կապ ունի․ Վահան Քերոբյան Վահան Քերոբյանին կալանավորելու միջնորդություն է ներկայացվել դատարան․ պաշտպան Քերոբյանի կալանքի հարցն է քննվում, նա չի ընդունում մեղադրանքը. փաստաբան (տեսանյութ) Քերոբյանին մեղադրանք է առաջադրվել․ նա տեղափոխվել է Հակակոռուպցիոն դատարան Վահան Քերոբյանի նկատմամբ քրեական հետապնդում է հարուցվել. ՔԿ Վահան Քերոբյանը դեռ ՔԿ-ում է, կա տեղեկություն, որ նրան ցանկանում են կալանավորել․ 24News.am Վահան Քերոբյանի հարցաքննությունն ընդմիջվել է (տեսանյութ) ՀՀ նախագահն ստորագրել է Վահան Քերոբյանին պաշտոնից ազատման հրամանագիրը