Դոնալդ Թրամփն ԱՄՆ–ի համար քաղաքացիական պատերազմ է կանխատեսում

ԱՄՆ-ում ներկայացվել է «Քաղաքացիական պատերազմ» ապոկալիպտիկ մարտաֆիլմի առաջին թրեյլերը, որը կթողարկվի 2024 թվականին Ամերիկայում կայանալիք նախագահական ընտրությունների նախօրեին։ Ուտոպիական ֆիլմի դրամատիկ վերնագիրը և բովանդակությունը լիարժեք կերպով բացահայտում են դրա նպատակները՝ նախազգուշացնել բևեռացված ամերիկյան հասարակությանը, որպեսզի երկու անգամ մտածեն նախքան գործող վարչակարգի օգտին քվեարկելը, որը, ըստ ֆիլմի, չի սպասարկում ԱՄՆ–ի շահերը: Ֆիլմում, չցանկանալով կորցնել իշխանությունը, ԱՄՆ նախագահը, խախտելով Սահմանադրությունը, հրամայում է ռմբակոծել սեփական քաղաքացիներին:

Ամենաուշագրավն այս պատմության մեջ այն է, որ Ալեքս Գարդների այս նախագիծը կյանքի է կոչվել ԱՄՆ նախկին նախագահ Դոնալդ Թրամփի ֆինանսավորմամբ: Վերջինս արդեն իսկ հայտարարել է նոյեմբերին սպասվող ընտրություններում առաջադրվելու մասին և ըստ սոցհարցումների՝ նրա հաղթելու շանսերը բավական բարձր են գնահատվում: Ստացվում է, որ ԱՄՆ-ում սպասվող նախագահական ընտրություններին ընդառաջ Թրամփն իր երկրի համար քաղաքացիական պատերազմ է կանխագուշակում: Եվ պետք է նկատենք, որ նախկին նախագահի կանխատեսումներն այնքան էլ հեռու չեն իրականությունից: Թրամփը գործող նախագահ Ջո Բայդենին անվանել է ամենավատ և ամենակոռումպացված նախագահը՝ երկրի ողջ պատմության ընթացքում։ Ավելի վաղ Թրամփը հայտարարել էր, որ եթե այժմ գտնվեր Սպիտակ տան ղեկավարի պաշտոնում, ապա մեկ օրվա ընթացքում կկարողանար հասնել Ուկրաինայում հակամարտության խաղաղ կարգավորմանը: Իր հերթին Բայդենը սեպտեմբերի 28-ին ունեցած ելույթում Թրամփի կողմնակիցներին ԱՄՆ-ում ժողովրդավարության համար սպառնալիք է անվանել՝ պիտակավորելով վերջիններիս իբրև «ծայրահեղական շարժում»։ Վաշինգտոնյան փորձագիտական շրջանակներն այն կարծիքին են, որ ամերիկյան քաղաքական համակարգը կորցրել է իր հավասարակշռությունը, հետևաբար ցանկացած գործողություն կարող է սրել թեկնածուների և նրանց կողմնակիցների միջև առանց այդ էլ լարված հարաբերությունները և հանգեցնել բացահայտ հակամարտության: Նշվում է նաև վատագույն սցենարը, որը կարող է իրականություն դառնալ, այն է՝ հանրապետական նահանգների առանձնացումն ԱՄՆ-ից և ինքնուրույն կոնֆեդերացիայի ձևավորումը: Ինչպես տեսնում ենք՝ Թրամփի կողմից ֆինանսավորված նախագծում նկարագրված ապոկալիպտիկ զարգացումներն այնքան էլ հեռու չեն իրականությունից...

Այս թեմայով Ահա թե ինչու Իսրայելը պետք է դադարեցնի Գազայի հատվածում պատերազմը. Թրամփ Եթե ես լինեի նախագահ, չէին լինի ո'չ ՀԱՄԱՍ-ի հարձակումը, ո'չ Ուկրաինայի հակամարտությունը. Թրամփ Բայդենը կործանում է ԱՄՆ-ն. Թրամփ Ես ԱՄՆ-ն դուրս չեմ բերի ՆԱՏՕ-ից, քանի դեռ եվրոպացիները վճարում են. Թրամփ Bild-ը հայտնել է Թրամփի գաղտնի ծրագրի մասին Հրաշալի և ոգեշնչող օր է. Թրամփ Դոնալդ Թրամփ կրտսերը փոստով սպիտակ փոշի պարունակող ծրար է ստացել Թրամփը խոստացել է ընտրություններում հաղթելու դեպքում փակել ԱՄՆ սահմանը Պուտին-Թրամփ առաջին հեռակա բանակցությունները՝ Ուկրաինայի ապագայի շուրջ Կա մեկ էկզիստենցիալ սպառնալիք, դա Դոնալդ Թրամփն է. Բայդեն