ԱՄՆ-ն ոգևորված է, որ Հայաստանն ու Ադրբեջանը շարունակում են երկկողմ ամուր օրակարգ ունենալ․ Ջեյմս Օ’Բրայեն

Մենք աջակցում ենք խաղաղության համաձայնագրի կնքմանն ու կայուն և արժանապատիվ խաղաղության հաստատմանը Հայաստանի և Ադրբեջանի միջև։ Այս մասին այսօր կայացած մամուլի առցանց ասուլիսում հայտարարել է ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ’Բրայենը։

Նա ընդգծել է՝ իրենք շատ ոգևորված են, որ Երևանն ու Բաքուն շարունակում են երկկողմ ամուր օրակարգ ունենալ և լուծել մնացած խնդիրները։

«Դեռևս աշխատանք կա կատարելու, և մենք ուրախ կլինենք աջակցել, որքանով որ կկարողանանք օգտակար լինել։ Մենք երկու երկրների հետ էլ լիարժեք հարաբերություններ ունենք՝ տնտեսությունից մինչև անվտանգություն և քաղաքական կապեր, ուստի կցանկանայինք, որ երկուսն էլ օգուտ քաղեն խաղաղության համաձայնությունից, և մենք կաշխատենք այդ նպատակով առավել ընդունելի տարբերակով: Սա իրենց ժողովուրդների համար ավելի շատ արդյունքներ ապահովելու ևս մեկ հիանալի հնարավորություն է երկու կառավարությունների համար»,- ասել է Օ’Բրայենը:

Հայաստանում կատարվող բարեփոխումների օրակարգը, ամերիկացի պաշտոնյայի բնորոշմամբ, շատ տպավորիչ է։

«Ադրբեջանում ընտրություններ են սպասվում, և կարող եմ ասել, որ երկրրը ցանկանում է դեր խաղալ տարածաշրջանային տնտեսական զարգացման գործում։ Կարծում եմ՝ խաղաղության պայմանագիրը միայն կնպաստի այդ ծրագրերին: Այժմ մենք կցանկանայինք երկու երկրների հետ քննարկել մեր օրակարգային բոլոր հարցերը՝ սկսած կալանքի տակ գտնվող որոշ մարդկանց հետ կապված մեր մտահոգություններից մինչև երկկողմ հարցեր, շատ հագեցած օրակարգ կունենանք առաջ ընթանալու դեպքում, և այս ամենը՝ երկու երկրների միջև կայուն, արժանապատիվ խաղաղությունը խրախուսելու նպատակով»,- եզրափակել է Օ’Բրայենը։

Այս թեմայով Փոխվարչապետ Տիգրան Խաչատրյանն ընդունել է Ջեյմս Թուֆենկյանին Մենք աջակցում ենք Հայաստանի ժողովրդի ընտրությանը․ Օ'Բրայեն Օ՛Բրայենը բացահայտել է Բրյուսելում եռակողմ հանդիպման նպատակը Մեր նպատակն է աջակցել ՀՀ տարածքային ամբողջականությանը․ Ջեյմս Օ՛Բրայեն Կիլիան Մերֆին կարող է դառնալ հաջորդ Ջեյմս Բոնդը (լուսանկարներ) Նա պատմության մեջ լավագույն ֆուտբոլիստն է․ Լեբրոն Ջեյմս Կարևոր է, որ Բաքուն և Երևանը խոսում են միմյանց հետ և համաձայնությունների հասնում. Ջեյմս Օ՛Բրայան Բլինկենն անհամբեր է` Վաշինգտոնում բանակցությունների համար հյուրընկալելու Միրզոյանին և Բայրամովին. Օ'Բրայեն ԱՄՆ-ն ողջունում է Փաշինյանի՝ Արևմուտքի հետ հարաբերությունների ընդլայնումը․ Օ’Բրայեն Հայաստանի պատմության թանգարանում բացվել է Ջեյմս Թուֆենկյանի գորգերի հավաքածուի ցուցադրությունը