Նոր ուժի ձևավորման և բանակցողի փոփոխության դեպքում հնարավոր կլինի հասնել ՝ Արցախի հարցում հայանպաստ լուծումների

Օրեր առաջ անրադարձել էինք այն թեզին, որ Հայաստանի առջև ծառացած խնդիրների լուծման համար անհրաժեշտ է նոր, այլընտրանքային քաղաքական ուժի կամ ուժերի երևան գալը, որոնք էլ նոր շունչ կհաղորդեն քաղաքական գործընթացներին և կկարողանան երկիրը դուրս բերել ստեղծված ծանր իրավիճակից:

Ի թիվս մի շարք փաստարկների նշել էինք նաև այն հանգամանքը, որ պատերազմում պարտություն կրած, կապիտուլյացիա ստորագրած և Հայաստանին նորանոր զիջումների շեմին կանգնեցրած իշխանությունները չեն կարող շարունակել ներկայացնել մեր երկիրը Ադրբեջանի հետ բանակցային գործընթացում և հավուր պատշաճի առաջ մղել Հայաստանի և Արցախի շահերը: Այս իշխանությունները ակնհայտ կերպով ձեռքերը լվացել են արցախահայության խնդիրներից և բանակցային գործընթացում՝ արցախահայության ոտնահարված իրավունքների ցանկացած հիշատակում նրանց կողմից համարվում է Հայաստանի շահերի դեմ արված քայլ: Ավելին, գործող իշխանությունները փորձում են ստեղծել տպավորություն, ասես Արցախի էջը վերջնականապես փակված է , ինչը անշուշտ այդպես չէ:

Հենց այս համատեքստում էլ կարևոր է, որպեսզի օր առաջ փոխվի հայկական կողմի բանակցողը: Փորձագիտական հանրությունը միակարծիք է, որ այդ դեպքում ավելի քան հնարավոր է բեկում մտցնել բանակցային գործընթացում: Հայաստանյան հանրության մեծ մասը անընդունելի է համարում իշխանությունների` Արցախն Ադրբեջանի կազմում ճանաչելու մոտեցումը, առավել ևս, որ այդ քայլը որևէ կերպ չի հանգեցրել Հայաստանի տարածքների դեօկուպացիային։ Ասվածի վառ վկայությունը պատերազմից հետո անցկացված սոց. հարցումներն են:  Gallup International Association-ի կողմից 2023 թ. հունվարի 17-ից 24-ն անցկացված սոցհարցումների արդյունքների համաձայն՝ 94,0%-ը դեմ է, որ Արցախը լինի Ադրբեջանի կազմում (2022թ. մայիսին նրանց թիվը կազմում էր 83,3%-ը:  Այնուհետ (2023թ. մայիս) ԱՄՆ Միջազգային հանրապետական ​​ինստիտուտը (IRI) հրապարակեց Հայաստանում 2023 թ. հունվար-մարտի ամիսների հերթական սոցհարցման արդյունքները: Ըստ IRI-ի՝ «Ինչպե՞ս եք վերաբերվում վերջին վեց ամիսների ընթացքում Լեռնային Ղարաբաղի նկատմամբ ՀՀ քաղաքականությանը» հարցին` հարցվածների 87%-ը հավանություն չի տվել այդ քաղաքականությանը, իսկ 69%-ը` նկատել է հետընթաց։ Ադրբեջանական վերջին ագրեսիայից և Արցախում տեղի ունեցած էթնիկ զտումներից հետո անցկացված սոց.հարցումների տվյալներով հարցվածքների 46.6 տոկոսը նշել է, որ Հայաստանի Հանրապետությունը պետք է պայքարի անկախ Արցախի Հանրապետության համար, որից հետո արցախահայությունը պետք է վերադառնա իրենց տները: Ասել է թե՝ հանրության մեծամասնությունը չի ընդունում այն կեցվածքը, որն այսօր իշխանությունները որդեգրել են Արցախի հարցում:

Հետևաբար, բանակցողի փոփոխությունը առաջին հերթին հենց հանրային պահանջ է, որը հստակ կերպով ձևակերպված է հայ ժողովրդի մեծամասնության կողմից: Գործող իշխանությունները այնքան սխալներ են արել, այնքան ստվերային պարտավորություններ  ստանձնել, միևնույն ժամանակ իրենց վարած անհաշվենկատ արտաքին քաղաքականության արդյունքում այնքան ցածր վարկ ունեն գործընկերների և այնքան ցածր վստահություն՝ հանրության շրջանում, որ այլևս ի վիճակի չեն ներկայացնել հայ ժողովրդի շահերը Ադրբեջանի հետ տարվող բանակցություններում:

Միայն նոր, երրորդ ուժի ձևավորման և այդ ուժի կողմից իշխանությունը ստանձնելու պարագայում Հայաստանը հնարավորություն կստանա բանակցություններին մոտենալ նոր, ավելի ուժեղ և համոզիչ փաստարկներով: Հայկական շահով առաջնորդվող բանակցողի դեպքում հնարավոր կլինի Հայաստանի և Արցախի համար անընդունելի հունով ընթացող բանակցային գործընթացը դարձնել առավել հայանպաստ և բեկում մտցնել այդ գործընթացի մեջ:

Այս թեմայով «Եթե ադրբեջանը պնդում է, որ Արցախն իր տարածքն է եղել, այդ դեպքում իրենք որպես մուսուլման ազգ ինչո՞ւ են կառուցել հայկական եկեղեցիներ» Սոլովյովի հաղորդման մասին կարող ենք մոռանալ, շուտով դրա փոխարեն այլ ռուսական ծրագիր կլինի. ՀՌՀ ՀԻՄԱ․ «Ոտքի կանգնեք, հակառակ դեպքում` Երեւանը կարող է կրկնել Ստեփանակերտի ճակատագիրը». ակցիա` մայրաքաղաքում Այո, Մակրոնի քավորությամբ Արցախը ճանաչվեց Ադրբեջանի մաս. Արցախի էջը փակել չի կարելի. Շարմազանով Գործ ունենք ՀՀ արտաքին քաղաքական սխալ հաշվարկների հետ՝ Արցախի հարցը փակված չէ. Աշոտ Ղուլյան (տեսանյութ) Արցախի մեծ եռագույնը Հրապարակում. «Տանան հեռու խոխեք» նախաձեռնության ակցիան՝ ի աջակցություն Տավուշի Ոստիկանները բերման են ենթարկել կառավարության մոտ Արցախի դրոշով միայնակ ակցիա անող երիտասարդին (տեսանյութ) Որ դեպքում է դատարանը քաղաքացուն անհայտ բացակայող ճանաչում․ իրազեկում Կիրանցում է Արցախի թեմի առաջնորդը «Իրավիճակը հնարավոր է փոխել, եթե լինի իշխանափոխություն». «Փաստ»