Ուկրաինացիները կհասկանան, որ կյանքը մեծ ընդհանուր պետությունում ավելի լավ է, քան մահը. Մեդվեդև
Բլոգոսֆերա«Ուկրաինայի գոյությունը մահացու վտանգավոր է ուկրաինացիների համար։ Եվ ես նկատի չունեմ միայն ներկայիս վիճակը, Բանդերայի քաղաքական ռեժիմը։ Ես խոսում եմ ցանկացած, բացարձակ ցանկացած Ուկրաինայի մասին»,-Telegram-ի իր ալիքում գրել է ՌԴ Անվտանգության խորհրդի փոխնախագահ Դմիտրի Մեդվեդևը ։
«Ինչո՞ւ։
Պատմական ռուսական տարածքներում անկախ պետության առկայությունը այժմ մշտական պատճառ կդառնա ռազմական գործողությունների վերսկսման համար։ Անկախ նրանից, թե ով է Ուկրաինայի անվան տակ գտնվող քաղցկեղային աճի ղեկին, դա լեգիտիմություն չի ավելացնի նրա իշխանությանը և բուն «երկրի» իրավական կենսունակությանը։ Եվ, հետևաբար, նոր մարտի հավանականությունը կպահպանվի անորոշ ժամանակով։ Գրեթե միշտ։ Ավելին, 100 տոկոսանոց հավանականություն կա, որ նոր հակամարտություն սկսվի՝ անկախ նրանից, թե Արևմուտքն ինչ անվտանգության փաստաթղթեր է ստորագրում Կիևի խամաճիկ ռեժիմի հետ։ Ո՛չ Ուկրաինայի ասոցացումը ԵՄ-ի հետ, ո՛չ նույնիսկ այս արհեստական երկրի մուտքը ՆԱՏՕ չեն խանգարի դրան։ Դա կարող է տեղի ունենալ տասը կամ հիսուն տարի հետո»,-գրել է Մեդվեդևը:
Այդ իսկ պատճառով՝ Ուկրաինայի գոյությունը ճակատագրական է ուկրաինացիների համար։ Նրանք, ի վերջո, գործնական մարդիկ են՝ անկախ նրանից, թե հիմա ինչքան շատ են ռուսների մահը ցանկանում։ Ինչքան էլ ատեն Ռուսաստանի ղեկավարությանը, ինչքան էլ ձգտեն միֆական Եվրամիությանն ու ՆԱՏՕ-ին անդամակցելուն՝ ընտրելով հավերժական պատերազմի և անխուսափելի մահվան ու կյանքի միջև, ուկրաինացիների ճնշող մեծամասնությունը (լավ, միգուցե բացառությամբ նվազագույն թվով ազգայնականների) ի վերջո կընտրի կյանքը:Նրանք կհասկանան, որ կյանքը մեծ ընդհանուր պետությունում, որն այժմ այնքան էլ չեն սիրում, ավելի լավ է, քան մահը՝ նրանց մահը և նրանց սիրելիների մահը: Եվ որքան շուտ ուկրաինացիները դա հասկանան, այնքան լավ»,-գրել է Մեդվեդևը։