Փաշինյանի թիմակիցների մանիպուլյացիաները. Գեղամ Գևորգյան

Շարունակելով ընթերցողի ուշադրությանը ներկայացնել այն պաշտոնյաներին, ովքեր, մեղմ ասած, անկեղծ չեն գտնվել հանրության հետ, փորձել են դիմել մանիպուլյատիվ հնարքների, խմբագրել սեփական հայտարարություններն ու քայլերը՝ այսօր կանդրադառնանք ՄՊՀ նախագահ Գեղամ Գևորգյանին:

Հեղափոխությունից ամիսներ անց  կտրուկ թանկացել էր բենզինը, մեկ օրում ՝30-40 դրամով: Սակայն, ուշագրավ է, որ ՄՊՀ-ն, որը պետք է զբաղվեր թանկացումները ուսումնասիրելով, դրանց պատճառները վերհանելով և մեղավորներին պատժելով, մտահոգվել էր ոչ թե բենզինի գնի թանկացմամբ, այլ` հակառակը: «Մենք, իհարկե, գիտենք, որ բենզինի գինը բարձրացել է, բայց մենք այստեղ այլ խնդիր ենք տեսնում։ Մենք կարծում ենք, որ Հայաստանում առկա բենզինի վաճառքի գները, մեր պատկերացմամբ, ավելի ցածր են, քան պետք է լինեն»,-  Ազգային ժողովում հայտարարում էր Հանձնաժողովի նախագահ Գեղամ  Գևորգյանը։

Պաշտոնը ստանձնելով՝ Գևորգյանը  հայտարարեց, որ Հայաստանում մենաշնորհ չկա, կա գերիշխող դիրք, սակայն վերջինիս դեմ էլ ՏՄՊՊՀ նախագահի պայքարը, եթե այդպիսին, իհարկե, ընդհանրապես կար, տապալվեց: Եվ դա ստիպված էր ընդունել ինքը՝ Գևորգյանը, իր իսկ տարածած հաշվետվություններում: Հիմնական շուկաներում, այնտեղ, որտեղ մշտապես նշմարելի են եղել  ներմուծող մի շարք օլիգարխների շահեր, փոփոխություններ տեղի չունեցան: Շուկաներում խաղացողների թվի ավելացումը, որը կառույցում ներկայացնում են իբրև մեծագույն ձեռքբերում, իրականում մեծագույն մանիպուլյացիա էր: Դիցուք՝ 2017-ի համեմատ՝ 2018-ին շաքարավազի շուկայի մասնակիցների թիվն ավելացել է ընդամենը 1-ով, ընդհանուր առմամբ, տեղի է ունեցել նաև մասնակիցների փոփոխություն: 2018-ին ներկրող ընկերութունների ցանկում ավելացել է «Ալեքս էնդ հոլդինգ» ՍՊԸ-ն, որը հիմնադրվել է անմիջապես իշխանափոխությունից հետո՝ 2018-ի մայիսի 22-ին: Իրավաբանական անձանց պետական ռեգիստրում որպես հիմնադիր գրված է Հրաչյա Շարոյանի անունը: Հետաքրքիր է, որ Շարոյանը բնակվում է Սամվել Ալեքսանյանի հարևանությամբ՝ Մալաթիա-Սեբաստիա վարչական շրջանի Ծերենց փողոցում:

Թեև ՄՊՀ նախագահն ինքը բազմիցս է հայտարարել, որ ամեն բան անելու է թափանցիկության ավելացման համար, այդ թվում՝ իր կառույցի աշխատանքներում, ՄՊՀ-ն որոշել է, որ հետհեղափոխական Հայաստանը չպետք է հրապարակայնացնի այն վարչական ակտերը, որոնք առնչվում են շուկայում խոշորացող ընկերությունների հետ, ինչի իրավունքը բացարձակապես չունի՝ թե՛ հանրային շահի դիտանկյունից, թե՛ տեղեկատվության ազատության մասին օրենքը խախտելու առումով: Սա հակասում է ՀՀ գործող բոլոր իրավական նորմերին՝ թաքցնել հասարակությունից արդեն ուժի մեջ մտած գործարքի բոլոր մանրամասները:

Նշենք, որ նույն խնդիրը կարող է ծագել ապահովագրումների, բանկերի և հանրային սպասարկման ցանկացած ոլորտում, ուստի փակ և գաղտնի պահել հասարակությունից ուղիղ իրեն առնչվող տեղեկատվությունը՝ ոչ մի ռացիոնալ հիմնավորում չունի, որքան էլ վարչապետին կամ մեզ «նորեկ չինովնիկները» փորձեն կերակրել «առևտրային գաղտնիք», «կոմերցիոն շահ» անհեթեթ ձևակերպումներով:

Մյուս կողմից, թեև Գևորգյանը պնդում էր, որ իր գործունեությունը միտված է լինելու սպառողների շահերը պաշտպանելուն՝ բերենք հակառակ վարքագծի ցայտուն օրինակ: Ամիսներ առաջ ՄՊՀ-ն հայտարարություն էր տարածել, որով փորձել է բացատրել, թե որոնք են եղել դեպի ՌԴ տոմսերի կտրուկ թանկացման պատճառները: ՏՄՊՊՀ տարածած հաղորդագրությունը, սակայն, ամբողջությամբ կրկնում է «Արմենիա» ավիաընկերության տարածած պաշտոնական բացատրությունն առ այն, որ տոմսերի թանկացման պատճառ է հանդիսացել էժան տոմսերի արագ սպառումը:

Այս թեմայով Որ քաղմաս մտնում ես, Նիկոլ են հայհոյում, ինքը գիտի՝ ոստիկաններն իր հետ են. Գեղամ Մանուկյան (տեսանյութ) Մինչև այսօր չունենք Արցախի ցեղասպանությունը վկայող փաստաթուղթ. Գեղամ Ստեփանյան (տեսանյութ) Վայոց ձորում իրանական համարանիշերով բեռնատարը կողաշրջվել է Վերընտրվելու շնորհավորանքներն Ալիևն ընկալել է հայերի դեմ քաղաքականությունը շարունակելու եվրոպական մանդատ. Գևորգյան Սիրելի հայրենակից, խաբում են քեզ․ Գեղամ Մանուկյանը փակագծեր բացեց Բաքուն հայ գերիների հետ հարցազրույցներ էր հրապարկելու, ինչը չեղարկվեց. Գեղամ Ստեփանյան Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին Մեր ցավակցությունները փոխանցեցի ռուս ժողովրդին, մաղթեցի ուժ, կորով․ Գեղամ Մանուկյան Ախր ափսոս է պատմությունը, ափսոս է անցյալը․ Գեղամ Մանուկյանը՝ Արարատ Միրզոյանին Լինենք իրազեկ, որպես սպառողներ կայացնենք գրագետ որոշումներ. Գեղամ Գևորգյան