Գլխավոր դատախազին առընթեր որակավորման հանձնաժողովը 2023թ․ անցկացրել է 15 մրցույթ, 35՝ ատեստավորում

Հայաստանի Հանրապետության գլխավոր դատախազին առընթեր որակավորման հանձնաժողովը (այսուհետ՝ Հանձնաժողով) 2023 թվականին գումարել է 38 նիստ:

38 նիստերի ընթացքում Հանձնաժողովն անցկացրել է.

Մեկ բաց մրցույթ՝ դատախազների թեկնածությունների ցուցակը համալրելու նպատակով:

Բաց մրցույթին մասնակցելու համար հայտ է ներկայացրել 102 անձ, որոնցից 32-ը չեն ներկայացել մրցույթին: Բաց մրցույթին ներկայացած 70 հայտատուներից 13-ի վերաբերյալ Հանձնաժողովը ՀՀ գլխավոր դատախազին ներկայացրել է դրական եզրակացություն՝ դատախազների թեկնածությունների ցուցակում ընդգրկելու վերաբերյալ: Դրական եզրակացություն ստացած 13 հայտատուին Գլխավոր դատախազն ընդգրկել է դատախազների թեկնածությունների ցուցակում. դատախազների թեկնածությունների ցուցակում ընդգրկված 11 անձ Արդարադատության ակադեմիայում անցել է ուսումնառություն, իսկ 2-ն ազատված են եղել ուսումնառությունից:

Երկու մրցույթ՝ ապօրինի ծագում ունեցող գույքի բռնագանձմանն ուղղված գործառույթներ իրականացնող դատախազների թեկնածությունների ցուցակի համալրման նպատակով:

Երկու մրցույթին մասնակցելու համար դիմել է 14 քաղաքացի: Հանձնաժողովը 3 անձի վերաբերյալ ներկայացրել է դրական եզրակացություն: Գլխավոր դատախազի հրամանով՝ մեկն է ընդգրկվել ապօրինի ծագում ունեցող գույքի բռնագանձմանն ուղղված գործառույթներ իրականացնող դատախազների թեկնածությունների ցուցակում (2-ը բարեվարքությանը չեն համապատասխանել) և ուղարկվել Արդարադատության ակադեմիա՝ ուսումնառության:

12 փակ մրցույթ՝ դատախազների թեկնածությունների և (կամ) դատախազների ծառայողական առաջխաղացման ցուցակները համալրելու նպատակով:

2023 թվականին փակ մրցույթին մասնակցել է 26 դիմորդ, որից 17-ի վերաբերյալ Հանձնաժողովը ՀՀ գլխավոր դատախազին ներկայացրել է դրական եզրակացություն՝ դատախազների թեկնածությունների ցուցակում ընդգրկելու համար. դրական եզրակացություն ստացած դիմորդներից 9-ն ընդգրկվել է նաև դատախազների ծառայողական առաջխաղացման ցուցակներում:

18 հերթական ատեստավորում, որին ներկայացել է 98 դատախազ:

Հանձնաժողովի որոշումների համաձայն՝ 63 դատախազ համապատասխանել է զբաղեցրած պաշտոնին, 10-ը համապատասխանել է զբաղեցրած պաշտոնին և ընդգրկվել ծառայողական առաջխաղացման ցուցակներում, 11-ը համապատասխանել է զբաղեցրած պաշտոնին՝ լրացուցիչ վերապատրաստում անցնելու պայմանով, 2-ը համապատասխանել է զբաղեցրած պաշտոնին և ՀՀ գլխավոր դատախազին միջնորդություն է ներկայացվել նրանց արտահերթ դասային աստիճան շնորհելու վերաբերյալ, 8-ը չի համապատասխանել զբաղեցրած պաշտոնին և ՀՀ գլխավոր դատախազին միջնորդություն է ներկայացվել նրանց ավելի ցածր պաշտոնի փոխադրելու վերաբերյալ, 4-ը չի համապատասխանել զբաղեցրած պաշտոնին և ՀՀ գլխավոր դատախազի հրամաններով` նրանք ազատվել են զբաղեցրած պաշտոններից:

Գլխավոր դատախազի 08.05.2023 թվականի N 189-Ա և 27.06.2023 թվականի N 272-Ա հրամանների համաձայն՝ անցկացվել է 3 արտահերթ ատեստավորում, որոնց ներկայացել է 14 դատախազ:

Հանձնաժողովի որոշումների համաձայն՝ 7 դատախազ համապատասխանել է զբաղեցրած պաշտոնին, 3-ը համապատասխանել է զբաղեցրած պաշտոնին՝ լրացուցիչ վերապատրաստում անցնելու պայմանով, 1-ը չի համապատասխանել զբաղեցրած պաշտոնին և ՀՀ գլխավոր դատախազի հրամաններով՝ փոխադրվել են ավելի ցածր պաշտոնի, 3-ը՝ չի համապատասխանել զբաղեցրած պաշտոնին և ՀՀ գլխավոր դատախազի հրամաններով՝ ազատվել են զբաղեցրած պաշտոններից:

14 արտահերթ ատեստավորում, որին ներկայացել է 34 դատախազ:

Հանձնաժողովի որոշումների համաձայն՝ 33 դատախազի վերաբերյալ տրվել է դրական եզրակացություն՝ առաջխաղացման ցուցակներում ընդգրկելու համար, 1-ի վերաբերյալ տրվել է բացասական եզրակացություն՝ առաջխաղացման ցուցակում ընդգրկելու համար:

Վերոնշյալ բոլոր մրցույթներին մասնակցելու պարտադիր նախապայման է հանդիսացել բարեվարքության ստուգում անցած լինելը:

Այս թեմայով Իրանի զինված ուժերի գլխավոր շտաբի պետը կարգադրել է բոլոր ուժերն օգտագործել Ռաիսիի ուղղաթիռի որոնման համար Ռաիսիի ուղղաթիռի կործանման լուրից հետո Խամենեին Անվտանգության խորհրդի արտակարգ նիստ է անցկացրել Գազայում բռնությանը վերջ տալու միակ ճանապարհը Պաղեստինի ստեղծումն է. ՄԱԿ-ի գլխավոր քարտուղար Ինչո՞ւ հանկարծ նախկին գլխավոր դատախազ Արթուր Դավթյանը խոսեց Նիկոլ Փաշինյանի հրաժարականի մասին ԱԺ հանձնաժողովը հավանության արժանացրեց ճանապարհային ցանցի անվտանգության մակարդակի բարձրացմանը միտված օրենսդրական նախաձեռնությունը Նախկին գլխավոր դատախազ Արթուր Դավթյանը մասնակցում է Բագրատ Սրբազանի հետ հանդիպմանը (տեսանյութ) ԱԺ հանձնաժողովը դրական եզրակացություն տվեց «թրեյդ-ին»-ի միջոցով ավտոմեքենաների առևտուրը դյուրացնող նախագծին Այս տարի Ադրբեջանն արդեն 30 համատեղ և անհատական զորավարժություն ու վարժանք է անցկացրել ԵԽ գլխավոր քարտուղարը շնորհավորել է Հայաստանին Օվիեդոյի կոնվենցիային միանալու կապակցությամբ Վարչապետին է ներկայացվել Սփյուռքի գործերի գլխավոր հանձնակատարի գրասենյակի 2023 թ. գործունեության հաշվետվությունը