Քաղբանտարկյալ Արմեն Աշոտյանի գործով երեկ տեղի է ունեցել հերթական աննախադեպ ու զավեշտալի դրսևորումը

Իրավախաշտպան Ռուբեն Մելիքյանը գրում է․

«Քաղբանտարկյալ Արմեն Աշոտյանի գործով երեկ տեղի է ունեցել հերթական աննախադեպ ու զավեշտալի դրսևորումը. ՀՀ դատական դեպարտամենտի պաշտոնական ֆեյսբուքյան էջը «ինքնահարցուպատասխանի» ռեժիմով անդրադարձել է Աշոտյանի շարունակվող կալանքին։

Հրապարակման բովանդակությունը հետաքրքիր չէ, որովհետև այն գտնվում է իշխանական անհամ հեքիաթների տիրույթում։ Հետաքրքիրը նման հրապարակում կատարելու փաստն է ինքնին։

Առաջին, ես շուրջ 5 տարի աշխատել եմ դատական դեպարտամենտում և չեմ հիշում գեթ մեկ դեպք, երբ այդ կառույցը որևէ կոնկրետ գործով հարկ համարեր որևէ մեկնաբանություն տալ։ Ինչու՞՝ կհարցնեք դուք։ Որովհետև այդ կառույցը պարզապես չունի նման գործառույթ։ Այն ունի շատ հստակ խնդիր՝ ապահովելու դատարանների բնականոն գործունեությունը, բավարարելու դատական իշխանության կարիքները, ուստի «ի պատասխան հանրության շրջանում բազմաթիվ հարցադրումների»՝ ֆեյսբուքյան գրառում կատարելն այդ կառույցի իրավասությունից դուրս է։

Երկրորդ, հրապարակված տեքստը նման է դատավոր Դոլմազյանի որոշումից քաղվածքի։ Այստեղ՝ հարց. ո՞ր մի որոշումից է այդ մեջբերումը՝ նախո՞րդ, թե՞ նոր։ Եթե՝ նախորդ, ապա այն այլևս հիմք չէ Արմեն Աշոտյանին անազատության մեջ պահելու համար։ Եթե՝ նոր, ապա այդ որոշումը մենք դեռ չենք ստացել, թեպետ ամենօրյա ռեժիմով զանգահարում ենք դատարան ու պահանջում տրամադրել որոշման մեր օրինակը։

Համաձայնեք՝ զավեշտալի է։ Աշոտյանի՝ քաղբանտարկյալ լինելու հանգամանքը թե՛ երկրի ներսում, թե՛ դրսում արդեն այնքան ակնհայտ է, որ այն կոծկել փորձելու համար ռեժիմն այլևս ստիպված է դիմել ցածր ու մանր քայլերի։

Ազատությու՛ն քաղբանտարկյալներին»։

Այս թեմայով Վահագն Մախսուդյանի գործով իրավունքի և օրենքի նման ժխտողականություն վաղուց չէի տեսել. փաստաբան Տեղեկություններ են ստացվել, որ ադրբեջանցիները առաջխաղացում են ունեցել Ոսկեպարի հատվածում. Գառնիկ Դանիելյան (տեսանյութ) Եկեղեցին ճիշտ այնտեղ է, որտեղ պետք է լինի` իր ժողովրդի կողքին. Արմեն Աշոտյան Նիկոլի քաղաքականությունն էլ ավելի է ամրացնում Ադրբեջանի դիրքերը հյուսիսային ուղղությամբ․ Արմեն Աշոտյան Երեկ գիշեր անհայտ ինքնությամբ մարդիկ, եկել են գաղտագողի, մուտք են գործել, հանձնվելիք տարածքներ. Բագրատ Սրբազան «Կրոկուսում» տեղի ունեցածի հետքերը տանում են դեպի Ուկրաինա. Շոյգու Այսօր երեկոյան տեղի կունենա մոմավառություն՝ ի հիշատակ Սոնա Մնացականյանի և նրա չծնված երեխայի 2020թ․ Երևանում տեղի ունեցած զանգվածային անկարգություններին մասնակցած ևս երկու անձի վերաբերյալ քրեական վարույթով նախաքննությունն ավարտվել է Երեկ աշխարհին ապացուցեցինք, որ կով չենք․ Արմեն Աշոտյան Էդ ո՞վ ա էդ Արմեն Գրիգորյանը, թող գա տեսնենք՝ ինչ անվտանգություն կա, թող գա ստեղ աշխատի. կիրանցեցի (տեսանյութ)