Ավինյանը՝ շտապօգնության բժիշկներին բռնության ենթարկելու դեպքերի մասին
Общество
Երևանի քաղաքապետ Տիգրան Ավինյանը կարևորեց շտապօգնության անձնակազմին բռնության ենթարկելուն առնչվող միջադեպերին իրավապահ մարմինների արագ և ճիշտ արձագանքը:
Քաղաքապետը նման տեսակետ է հայտնել հունվարի 22-ին Երևանի քաղաքապետարանի գործակարգավարական նիստի ընթացքում՝ հավելելով, որ նման դեպքերին կա համաչափ արձագանք:
«Պետք է նշեմ, որ այս դեպքերով քննչական մարմինները շատ արագ և ճիշտ են գործել: Այս դեպքերը հաճախակի են, սա էլ մեր մշակույթից պետք է մի փուլում դուրս գա, որովհետև տարօրինակ երևույթ է անընդհատ բժիշկների նկատմամբ բռնություն գործադրելը:
Մենք բոլորս մեր հարազատներին շատ սիրում ենք, բայց դա չի նշանակում, որ թույլատրելի սահմանները կարող ենք անցնել այն պայմաններում, երբ մարդը, բժիշկը եկել է մեր հարազատին օգնելու: Եվ երբ բժիշկը եկել է, պետք է թույլ տալ, որպեսզի նա իր պարտականությունները կատարի»,- ասաց Ավինյանը:
Վերջին օրերին Երևանում շտապօգնության բժիշկների նկատմամբ բռնություն գործադրելու երկու դեպք էր գրանցվել։
Самое популярное 
Баграт Галстанян: Мы зафиксировали первую победу
