Նոր հայրենասեր լիդերների ի հայտ գալը՝ մեր երկրի անվտանգության և զարգացման գլխավոր գրավական

Հայաստանում նոր որակի և բովանդակության քաղաքական ուժի ձևավորման անհրաժեշտության մասին վկայող կարևորագույն ցուցիչներից մեկը Հայաստանի պետական կառավարման համակարգում առկա կադրային լրջագույն ճգնաժամն է: Հեղափոխությունից անմիջապես հետո Նիկոլ Փաշինյանը հայտարարեց, որ կադրային բանկ է ստեղծում՝ մոտիվացված ու բարձր մասնագետ հանդիսացող մարդկանց պետական ոլորտում ներգրավելու համար։ Այդ ժամանակ արդեն պարզ դարձավ, որ մարդկային ռեսուրսների կառավարումը և, ընդհանրապես, այդ ռեսուրսների առկայությունը ՔՊ-ի խոցելի կետերից է: Բերենք մի քանի օրինակ, թե արդյունքում ինչպիսի բարձր մասնագետ հանդիսացող մարդկանցով է Փաշինյանը համալրել պետական կառավարման համակարգը:

1 ՔՊ-ական պատգամավոր Գայանե Եղիազարյանը, ով ըստ տրամաբանության պետք է ԱԺ-ում բուռն օրենսդրական գործունեություն ծավալեր, անգամ բարձրագույն կրթություն չունի:

2 Մեկ այլ պատգամավոր Հռիփսիմե Հունանյանը թեև հասել է ԱԺ, սակայն նույնպես չունի բարձրագույն կրթություն:

3 Առողջապահության նախարարի պաշտոնը զբաղեցնում է մասնագիտությամբ իրավաբանը: Ընդ որում, իրավաբան Անահիտ Ավանեսյանի կազմած հրամանների վերլուծությունից պարզ է դառնում, որ վերջինիս իրավաբանական գիտելիքներն էլ են կաղում:

4 ՀՀ ԱԳՆ փոխնախարար է նշանակվում Վահան Կոստանյանը, ում աշխատանքային կարիերայի պիկը մամուլի խոսնակ աշխատելն էր և ով, բնականաբար, չունի իր պաշտոնին համապատասխան բարձրագույն դիվանագիտական կրթություն:

5. Իրաքում ՀՀ արտակարգ և լիազոր դեսպան նշանակված, ապա ամիսներ անց հետ կանչված Միսակ Բալասանյանը չուներ ո՛չ դիվանագիտական կրթություն, ո՛չ փորձառություն:

6. ԱԽ քարտուղար է նշանակվում Արմեն Գրիգորյանը, ում կենսագրության մեջ որպես միակ ձեռքբերում նշված է «Մերժիր Սերժին» նախաձեռնության անդամ լինելը:

7. Սփյուռքի հարցերի գլխավոր հանձնակատար նշանակված Զարեհ Սինանյանը Հայաստան-Սփյուք հարաբերությունները ռեստարտ տալու փոխարեն՝ դրանք հասցրեց պատմական մինիմումի: Սինանյանի դիլետանտիզմն անգամ քիչ էր մնում միջպետական սկանդալի պատճառ դառնար, այն բանից հետո, երբ նա հրապարավ հայտարարեց, որ ճապոնացիները կորեացիների ու չինացիների սինթեզ են։

8. Պատերազմից հինգ պակաս երկրի ՊՆ ղեկավար Սուրեն Պապիկյանը պատմաբան է, պատմության ուսուցիչ:

Ցանկը կարելի է շատ երկար շարունակել: Այս իշխանության մոտ առկա կադրային ճգնաժամի հետևանքներն այնքան կատաստրոֆիկ են, որ անզեն աչքով էլ են նկատելի. Փաշինյանի և նրա թիմակիցների ապիկարությունը, դիլետանտությունը հասցրեց մի իրավիճակի, երբ ունենք բազմաթիվ կուտակված և չլուծված խնդիրներ հանրային կյանքի գրեթե բոլոր բնագավառներում, իսկ այդ դիլետանտության կուլմինացիան էլ պարտված պատերազմն էր, խայտառակ կապիտուլյացիան, Արցախի հայաթափումը և այն հանգամանքը, որ Հայաստանը միջազգային հարաբերությունների լիիրավ սուբյեկտից վերածվել է այդ հարաբերությունների օբյեկտի, փչացրել հարաբերությունները գրեթե բոլոր դաշնակից երկրների հետ և մնացել մեն-մենակ բազմաթիվ մարտահրավերների առջև:

Այն, որ այս իշխանությունը չի կարողանալու նոր էլիտա ձևավորել, պարզ դարձավ շատ արագ։ Իր ներսի անհատների պոտենցիալը շատ արագ ճնշվեց և վերածվեց մեկ հոգու սպասարկման համակարգի։ Իսկ սա արդեն ենթադրում է սեփական տեսակետի, կարծիքի, ընդվզման, անհամաձայնության բացառում։  Պարզ է, որ այդ տրամաբանությամբ այն չի կարող կոնսոլիդացիոն կենտրոն դառնալ, չի կարող գաղափարների և տեսակետների բախման, համադրման և պրոգրեսի աղբյուր հանդիսանալ և նպաստել երկրի առջև ծառացած խնդիրների լուծմանը: Ելքը մեկն է՝ Հայաստանին անհրաժեշտ է նոր քաղաքական էլիտա, որն ի զորու կլինի ձևակերպել Հայաստանի ազգային շահը և մեր երկրի առջև ծառացած խնդիրները լուծել հենց այդ շահի վրա հիմնվելով: Հայաստանը պետք է կառավարեն նոր՝ պրոֆեսիոնալ,  հայրենիքը սիրող և պետական մտածելակերպ ունեցող կադրեր, իսկ դրա համար անհրաժեշտ է որպեսզի օր առաջ այլընտրանքային՝ երրորդ ուժ ձևավորվի: Արտաքին եւ ներքին համակարգված քաղաքականություն վարելու, Հայաստանը միջազգային հարաբերությունների օբյեկտից կրկին սուբյեկտ վերածելու, տնտեսական, անվտանգային բազմաթիվ խնդիրները լուծելու միակ գրավականը նոր քաղաքական ուժի կամ ուժերի կողմից իշխանության ստանձնումն է:

Այս թեմայով Երրորդ ռեյխի փոխֆյուրեր Հերման Գյորինգի տանը 5 կմախք է հայտնաբերվել (լուսանկարներ) Եվրոպական հանձնաժողովի գլխավոր տնօրենը կայցելի Հայաստան Մարսելի արքեպիսկոպոս կարդինալը ժամանել է Հայաստան Անկարա-Երևան հարաբերություններ այլևս չկան. Ադրբեջանն այժմ սեղանի շուրջ է՝ որպես երրորդ կողմ. թուրք լրագրող Փաշինյանը Բլինքենի հետ քննարկել է Հայաստան-Ադրբեջան խաղաղության գործընթացը Հայաստան ամրոց-պետությունն իր առջև պետք է առաջնային խնդիր դնի ձևավորելու արժանապատիվ զինվորականության դաս. Վարդան Ոսկանյան ՀՀ իշխանությունները հայտարարել են, որ Պուտինին չեն «ձերբակալի», եթե նա գա Հայաստան Հայաստանում մայիսի 1-ից կգործի փաթեթավորված խմելու ջրի պարտադիր դրոշմավորման պահանջը «Իրավունք». Լեո Նիկոլյանի վիճակն օր օրի վատթարանում է, իսկ նրա մուտքը Հայաստան շարունակում է փակ մնալ Քննարկվել են Հայաստան-Սիրիա միջխորհրդարանական հարաբերությունների ընդլայնման հեռանկարները