Փաշինյանի «խոսափողները» բացահայտում են նոր Սահմանադրության իրական շահառուներին

Օրեր առաջ Նիկոլ Փաշինյանը հայտարարեց, որ Հայաստանը կարիք ունի ոչ թե սահմանադրական փոփոխությունների, այլ նոր Սահմանադրության: Վարչապետի այս հայտարարությունը լայն հանրային ռեզոնանս առաջացրեց, փորձագիտական շրջանակները միանգամից առաջ քաշեցին այն թեզը, որ Փաշինյանի կողմից Սահմանադրություն փոխելն ինքնանպատակ քայլ չէ և դրա հետևում ՀՀ իշխանությունների՝ հայ ազգի ինքնությունը, անկախությունը վերջնականապես թշնամուն զիջելու և ջնջելու մտադրությունն է: Ուշագրավ է, որ սահմանադրական բարեփոխումների հանձնաժողովի անդամ, «Իրազեկ քաղաքացիների միավորում» ՀԿ-ի նախագահ Դանիել Իոաննիսյանը երեկ իր տված հարցազրույցի ընթացքում փաստացի հաստատեց հանրության լայն շրջանակների մոտ եղած մտահոգությունները: Ըստ Իոաննիսյանի՝ Սահմանադրությունը փոխելու անհրաժեշտություն է առաջացել, քանի որ «Սահմանադրության նախաբանում հղում է արվում Անկախության հռչակագրին, որտեղ նաև Արցախի հետ կապված հարցեր կան։ Եվ Ադրբեջանի դիվանագիտությունը սա հաճախ օգտագործում է, որ փորձի աշխարհին ցույց տալ, որ Հայաստանը ռևանշիստական պետություն է կամ ռևանշիստական մտադրություններով պետություն է»։

Ինչպես տեսնում ենք՝ Նիկոլ Փաշինյանն իր խոսափողների միջոցով փորձում է հանրային տրամադրությունների զոնդաժ իրականացնել և հասկանալ, թե որքանով է Սահմանադրությունը փոխելու և Արցախի հանձնումը լեգիտիմացնելու իր մտադրությունն ընդունելի հանրության լայն շրջանակների կողմից: Դանիել Իոնննիսյանը բացում է այն փակագծերը, որոնք ինքը՝ Փաշինյանն, իրեն չի կարող թույլ տալ բացել: Մյուս ուշագրավ հանգամանքն այն է, որ փաստացի Իոաննիսյանի շուրթերով Արևմուտքը հաստատում է այն թեզը, որ Հայաստանում Սահմանադրությունը փոխելու և նոր Սահմանադրության մեջ հակահայկական, հայ ինքնությանը հարվածող կետեր առաջ քաշելու գլխավոր շահառուն հենց Արևմուտքն է: Գաղտնիք չէ, որ Իոաննիսյանի ղեկավարած ՀԿ-ն տարիներ շարունակ ֆինանսավորվել է Բաց Հասարակություններ հիմնադրամից, որը հայտնի է որպես՝ Սորոսի հիմնադրամ: «Իրազեկ քաղաքացիների միավորում» հասարակական-խորհրդատվական կազմակերպությունը Սորոսի հիմնադրամից դրամաշնորհներ սկսել է ստանալ 2016 թվականից: Իր գործունեության  ընթացքում կազմակերպությունը տարբեր արևմտյան հիմնադրամների կողմից ստացել է մոտ 590 000 դոլար արժողությամբ դրամաշնորհներ, ըստ որում, այդ գումարի մոտ կեսը (մոտ 289 000 դոլար)՝ անցած երեք տարիներին Սորոսի հիմնադրամի կողմից:

Հետևաբար, պատահական չէ, որ նոր Սահմանադրության գլխավոր լոբբիստը և սահմանադրական բարեփոխումների հանձնաժողովի անդամը, հենց արևմտյան հիմնադրամներից սնվող ՀԿ-ներից մեկի ղեկավարն է, ով էլ փաստացի բացահայտում է Արևմուտքի հետաքրքրվածությունը Նոր Սահմանադրությամբ, որտեղ չի լինի Արցախը, Հայ Առաքելական եկեղեցու առանցքային դերը և Արարատը: Ինչպես ասում են՝ Արևմուտքը թեև դանդաղ, սակայն բացում է խաղաքարտերը:

Այս թեմայով Փաշինյանը մերժել է Ֆրանսիայի նախագահի խնդրանքը․ 168.am Փաշինյանի գլխավորությամբ կառավարությունում տեղի է ունեցել խորհրդակցություն «Եթե մնա Նիկոլը». քաղաքացիների իրազեկման ակցիան ամբողջ Հայաստանով մեկ Փաշինյանը կուսակիցների հետ քննարկել է կրթության ոլորտի բարեփոխումները՝ «Հայրենիքը պետությունն է» հայեցակարգի դիտանկյունից Պետությունը շոու բիզնեսի ներկայացուցիչներից պահանջում է եկամտային հարկ և այս քաղաքականությունը պետք է ընդլայնել․ Փաշինյան Լևոն Շանթի անվան թիվ 4 դպրոցի աշակերտները վանկարկում են «Նիկոլ դավաճան» Աստվածաշունչն ասում է՝ «ամեն իշխանությունն Աստծուց է»․ Փաշինյան (տեսանյութ) Զինվորն ի՞նչ գործ ունի սահմանին կանգնած․ Փաշինյան (տեսանյութ) Լեգիտիմությունն ավելի լավ երաշխավոր է, քան լավ երաշխավորը. Նիկոլ Փաշինյան (տեսանյութ) Ի՞նչ գործընթաց է սպասվում մոտակա օրերին Կիրանցում. Փաշինյանը մանրամասներ է ներկայացրել (տեսանյութ)