Փրկարարները Սևանա լճից դուրս են բերել ջրահեղձ եղած 36-ամյա տղամարդու դի

Այսօր՝ հունվարի 23-ին, ողբերգական դեպք է տեղի ունեցել Գեղարքունիքի մարզում: Ժամը 11:00-ի սահմաններում ՀՀ Ներքին գործերի նախարարության Փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել Ծովակ գյուղի գյուղապետից, ով հայտնել է, որ Ծովակ բնակավայրի մոտակայքում՝ Սևանա լճում, քաղաքացին ջրահեղձ է եղել, դին դուրս բերելու համար անհրաժեշտ է ջրափրկարարների օգնությունը: Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել թիվ 34 հրշեջ-փրկարարական ջոկատից 1 մարտական հաշվարկ:

Ժամանել են նաև ՀՀ ՆԳՆ ոստիկանության Պարեկային ծառայության Գեղարքունիքի մարզի գումարտակի պարեկները՝ գումարտակի հրամանատար Ալբերտ Մարտիրոսյանի գլխավորությամբ: Դեպքի վայր են ժամանել ոստիկանության Գեղարքունիքի մարզային վարչության պետ Արթուր Զոհրաբյանը և ոստիկանության Վարդենիսի բաժնի պետ Արմենակ Մուրադյանը:

Քաղաքացու որոնողական աշխատանքներին մասնակցել են փրկարարները, ջրային պարեկներն ու քաղաքացիները: Մի քանի ժամ տևած որոնողական աշխատանքների արդյունքում քաղաքացիները ափից 300-400 մետր հեռավորությունից ու մոտ 5 մետր խորությունից դուրս են բերել դին, ապա մոտեցրել ափին, այնուհետև փրկարարները պատգարակով դին մոտեցրել են դիատարին:

Մանրամասն՝ սկզբնաղբյուր կայքում։

Այս թեմայով Առեղծվածային դեպք՝ Կոտայքի մարզում. հայտնաբերվել է տղամարդու կախված մարմին Առեղծվածային դեպք՝ Օշական գյուղում Ողբերգական դեպք՝ Ջրվեժում. հայտնաբերվել է տղամարդու կիսաայրված մարմին Ողբերգական ու առեղծվածային դեպք՝ Երևանում Քարի հանքում էքսկավատորն աշխատանքներ կատարելիս հայտնաբերել է տղամարդու մարմին Հայտնաբերվել է 54-ամյա տղամարդու դի Երևանում ՌԴ քաղաքացին ընկել է նորակառույց շենքից ու մահացել Սպանություն՝ Աբովյանում․ հայտնաբերվել է իրանցի տղամարդու դի Բագրևանդ-Ձորաղբյուր ավտոճանապարհին հայտնաբերվել է գազատար խողովակից կախված տղամարդու դի Ծաղկաձորում գործող «Գրողների տան» հյուրասենյակներից մեկում հայտնաբերվել է կնոջ դի