Ուկրաինական դասեր՝ Նիկոլ Փաշինյանի համար

Գերմանիայի պաշտպանության նախարար Բորիս Պիստորիուսն ուկրաինական ռազմաճակատում ստեղծված իրավիճակը փակուղային է համարում։ Այս մասին նա հայտնել է Bild տաբլոիդին տված մեկնաբանությունում։  «Իրավիճակը, փաստորեն, մտել է փակուղի։ Ոչ մի կողմից տարածքային ձեռքբերումներ չկան։», - ասել է Պիստորիուսը հրատարակության լրագրողին: Նա նաև հերքել է ԶԼՄ-ների հաղորդագրությունները Մեծ Բրիտանիայի հետ հեռահար հրթիռների հնարավոր շրջանաձև փոխանակման մասին՝ դրանք Ուկրաինային մատակարարելու նպատակով։  Պիստորիուսն ասել է, որ տեղյակ չէ այն պնդումների մասին, թե Լոնդոնն, իբր, առաջարկել է Բեռլինին Taurus հրթիռներ ուղարկել բրիտանացիներին, և որ Ուկրաինան դրա դիմաց կստանա բրիտանական «Storm Shadows»-ներ: Իր հերթին՝  Ուկրաինայի արտաքին գործերի նախարար Դմիտրի Կուլեբան էլ քննադատել է Արևմուտքին՝ նշելով, որ ԿԺԴՀ-ն ավելի լավ է օգնում Ռուսաստանին արկերով, քան Արևմուտքը՝ Ուկրաինային։

Կիևում գնալով սրվում է մտահոգությունը կապված նրա հետ, որ Ուկրաինան կարող է զրկվել ԱՄՆ-ի ու ԵՄ–ի ռազմական աջակցությունից և ստիպված կլինի նվազեցնել ռազմական գործողությունների ինտենսիվությունը` լրջորեն մտածելով ՌԴ–ի հետ բանակցելու մասին։ Ընդ որում, Ուկրաինային ՌԴ–ի հետ բանակցելու մեսիջները հղում է հենց Արևմուտքը՝ հեղինակավոր լրատվամիջոցներում լույս տեսնող հոդվածներում ակնարկելով, որ Կիևը պետք է դիտարկի Մոսկվայի հետ բանակցությունների սեղանի շուրջ նստելու տարբերակը: Պետդեպարտամենտի մամուլի ծառայության ղեկավար Մեթյու Միլլերի խոսքով՝ Վաշինգտոնը երբեք չի պնդել, որ Կիևը կտրականապես հրաժարվի բանակցություններից։ Փաստացի Արևմուտքը լվանում է ձեռքերն Ուկրաինայից, իսկ ընդամենը մեկ տարի առաջ  ԱՄՆ-ն և ԵՄ-ն խոստանում էին աջակցել Կիևին մինչև վերջ և նպաստել ՌԴ–ի դեմ վերջինիս հաղթանակին:

Այս իրավիճակը լավագույն կերպով ի ցույց է դնում այն թեզը, որ Արևմուտքը հմուտ կերպով օգտագործում է հետխորհրդային երկրները ՌԴ–ի դեմ՝ ձգտվելով նրանց միջոցով և նրանց ձեռքերով թուլացնել Մոսկվայի դիրքերն աշխարհաքաղաքական խաղատախտակի վրա: Այնուհետև, առանց աչքն անգամ թարթելու, զոհաբերում է այդ երկրները հանուն իր շահերի: Հենց դա է այսօր տեղի ունենում Ուկրաինայի հետ և հենց այս իրավիճակից պետք է դասեր քաղեն ՀՀ իշխանությունները, որոնք պատերազմից հինգ պակաս իրավիճակում շարունակում են լարել հարաբերությունները ռազմավարական դաշնակից ՌԴ-ի հետ և համառորեն թեքվում են դեպի Արևմուտք և ՆԱՏՕ՝ վտանգելով ՀՀ անվտանգությունն ու կենսական շահերը:

Այս թեմայով «Ծիծեռնակաբերդում» «ցեղասպան Նիկոլ» բառի համար կալանավորվել է 1անձ, մյուս 6 ձերբակալվածները ազատ են արձակվել «Նիկոլ, դավաճան», «2 րոպե ժամանակ ունեք, բացեք ճանապարհը». Արմավիր-Գյումրի ճանապարհին գերլարված է (տեսանյութ) «Վարչապետի գավաթ»-ն ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան Նիկոլ Փաշինյանին ու Աննա Հակոբյանին նկարահանել են Սևանում գտնվող սրճարանում (տեսանյութ) Փաշինյանը տիկնոջ հետ հանդիպել է «ՀՀ վարչապետի գավաթ» սեղանի թենիսի մրցաշարի եզրափակիչ փուլի մասնակիցներին Փաշինյանը հետևել է Գավառի հրապարակում քյուֆթայի և փախլավայի պատրաստման վարպետաց դասին (լուսանկարներ) Մենք 4 գյուղը չենք տալիս Ադրբեջանին, մենք 4 գյուղը վերցնում ենք Ադրբեջանից․ Փաշինյան ՈւՂԻՂ. Նիկոլ Փաշինյանը Գավառում է. հանդես է գալիս դասախոսությամբ «Այսօր Նիկոլ Փաշինյանը կգնա Գավառ. արժանապատիվ քաղաքացիներ դուք գիտեք ինչ անել. սատանաները պետք է հանգիստ չունենան ոչ մի տեղ» Փաշինյանը ողջ հանրապետությունով համերգներ է կազմակերպել