Աղետների ռիսկի կառավարումն առաջնահերթություն է, պահանջում է հետևողական քաղաքականություն. Ղազարյան

Հունվարի 26-ին տեղի է ունեցել Աղետների ռիսկի կառավարման 2023-2030 թթ. ռազմավարությամբ և 2023-2026 թթ. գործողությունների ծրագրով սահմանված միջոցառումների իրականացման գործընթացը համակարգող միջգերատեսչական աշխատանքային խմբի անդրանիկ նիստը, որը վարում էր ՆԳ նախարար Վահե Ղազարյանը։

Մասնակցում էին համապատասխան գերատեսչությունների ղեկավար կազմի ներկայացուցիչներ։

Ողջունելով ներկաներին՝ ՆԳ նախարար Վահե Ղազարյանը մասնակցության համար շնորհակալություն է հայտնել աշխատանքային խմբին: Նա կարևորել է միջգերատեսչական աշխատանքային խմբի ձևավորումը, որի նպատակը ռազմավարության առաջընթացի իրականացումն արդյունավետ համակարգելն ու կազմակերպելն է:

ՆԳ նախարարի տեղակալ Արփինե Սարգսյանը ներկայացրել է նախորդ տարվա ընթացքում կատարված աշխատանքները՝ Ռազմավարության գործողությունների ծրագրով սահմանված միջոցառումների վերաբերյալ։

Նա մասնավորապես անդրադարձել է «Աղետների ռիսկի կառավարման և բնակչության պաշտպանության մասին» ՀՀ օրենքի նախագծին՝ նշելով, որ այն ՆԳ նախարարությունը արդեն մշակել է, և այն առաջիկայում կներկայացվի շահագրգիռ գերատեսչություններին։

Արփինե Սարգսյանն իր խոսքում անդրադարձել է նաև «Ազգային մակարդակում աղետների ռիսկի գնահատման և ինդեքսավորման ուղեցույցը հաստատելու մասին» Կառավարության որոշման նախագծի մշակմանն ու ներկայացմանը, ինչպես նաև համայնքներում աղետների ռիսկի կառավարման պլանների մշակմանն ու ներդրմանը։

Նա խոսել է նաև արտակարգ իրավիճակներում փրկարար կամավորական գործունեության կազմակերպման գործընթացի մասին, ինչպես նաև ընդգծել քաղաքաշինության ոլորտի նորմատիվ իրավական ակտերի վերանայման կարևորությունը՝ աղետների ռիսկի կառավարման պահանջների համատեքստում։

Նիստի ընթացքում ներակայացվել են նաև Ռազմավարության գործողությունների ծրագրով սահմանված այլ միջոցառումների կատարման ընթացքը։ Քննարկվել են Ռազմավարությամբ նախատեսված միջոցառումների իրականացմանն ուղղված առաջիկա վեց ամիսների անելիքները, մասնավորապես՝ անդրադարձ է կատարվել այն միջոցառումներին, որոնց վերջնաժամկետ է սահմանված 2024 թվականը։

Միջգերատեսչական աշխատանքային խմբի անդամներից յուրաքանչյուրը ներկայացրել է համապատասխան գերատեսչության ոլորտի շրջանակում կատարված աշխատանքները։

Ընդգծվել է համագործակցության կարևորությունը, ինչպես նաև մասնակիցները քննարկել են Ռազմավարության իրականացմանը խոչընդոտող և դրանց լուծմանն ուղղված հարցեր:

Ամփոփելով միջգերատեսչական աշխատանքային խմբի անդրանիկ նիստը՝ ՆԳ նախարար Վահե Ղազարյանը նշել է, որ աղետների ռիսկի կառավարումն առաջնահերթություն է, որը պահանջում է հետևողական քաղաքականություն՝ պետության դիմակայուն զարգացումն ապահովելու, վտանգներին ժամանակին և արդյունավետ դիմագրավելու, արագ վերականգնվելու կարողություններ ստեղծելու նպատակով։

Այս թեմայով Վահե Ղազարյանը ժամանեց կառավարություն՝ Փաշինյանի հետ մասնակցելու կիրանցիների հանդիպմանը (տեսանյութ) Որքա՞ն դրամ և գույք է պահանջում դատախազությունը Ռ. Քոչարյանից, Գ. Ծառուկյանից և Գ. Խաչատրյանից (տեսանյութ) Ի՞նչ եղավ «Ազգային հպարտության հանրային տրիբունալի» հարցը. Արշակ Կարապետյանը հետևողական կլինի՞. «Փաստ» ՈՒՂԻՂ. Բողոքի ակցիա ԱԺ-ի դիմաց. պահանջում են Փաշինյանի հրաժարականը Ադրբեջանից կներկրվի գազը, Թուրքմենստանից, թե Եգիպտոսից, միևնույն է՝ երկրի ներսում սակագնային քաղաքականություն թելադրողը հենց «Գազպրոմն» է լինելու․ Դավթյան Ոսկեպարի եկեղեցու մոտ սակրավորներն ականներ են փնտրում, բնակիչները պահանջում են դադարեցնել (տեսանյութ) Անձամբ ՄԻՊ-ի հետ հանդիպում եմ պահանջում․ ինձ անհիմն և անօրինական են պահում կալանքի տակ․ Տոնոյան Ներքին զգացողություն ունեմ, որ այս տարվա Ջահերով երթը չի լինի պարզապես հերթական զբոսանքը Երևանի փողոցներով․ Էդգար Ղազարյան Կիրանցում իրավիճակը լարված է. ոստիկանությունը պահանջում է բացել ճանապարհը (տեսանյութ) Մատով հետս չխոսաս. վիճաբանություն՝ Վահե Ղազարյանի և պահեստազորի գնդապետի միջև (տեսանյութ)