Բենիկ Խլղաթյան-Էլմիրա Կարապետյան զույգը՝ ISSF World Cup-ի փոխչեմպիոն

Հայաստանի հրաձգության ֆեդերացիան հայտնում է.

Կահիրեում մեկնարկել է Աշխարհի գավաթի խաղարկությունը։

Մրցումային 2-րդ օրը կրակում ատրճանակ մրցաձևի մարզիկներն էին։

10մ օդամղիչ ատրճանակ միքս մրցաձևի որակավորման փուլում Բենիկ Խլղաթյան-Էլմիրա Կարապետյան զույգը, փայլուն արդյունք գրանցելով, (581 - 292/289) 1-ին հորիզոնականով անցավ եզրափակիչ փուլ: 

Եզրափակչում մերոնք 7/17 հաշվով զիջեցին Հնդկաստանի թիմին և դարձան մրցաշարի արծաթե մեդալակիր։

Նույն մրցաձևում Գևորգ Մելքոնյան-Նարե Գաբրիելյան զույգը 568 (283/285) միավոր արդյունքով զբաղեցրեց 20-րդ հորիզոնականը։

Նախօրեին մեր մարզիկները հանդես էին եկել նաև անհատական պայքարում։ 

10մ օդամղիչ ատրճանակ տղամարդկանց պայքարի որակավորման փուլում լավ մեկնարկ էր տվել Բենիկ Խլղաթյանը, սակայն վերջին կրակոցների արդյունքում նրան 2 միավոր չբավարարեց, որպեսզի դուրս գա եզրափակիչ փուլ։ 

Խլղաթյանը 578 միավորով գրավեց 13֊րդ հորիզոնականը։ Այս պայքարում Գևորգ Մելքոնյանը 568 միավոր արդյունքով զբաղեցրեց 39֊րդ տեղը։

 Նույն մրցաձևի կանանց պայքարում պայքարի մեջ էին Էլմիրա Կարապետյանը և Նարե Գաբրիելյանը։

Կարապետյանը 570 միավոր արդյունքով զբաղեցրեց 23֊րդ հորիզոնականը, իսկ Գաբրիելյանը, առաջին անգամ անհատական պայքարում մրցելով մեծահասակների հետ, 564 միավորով զբաղեցրեց 34֊րդ հորիզոնականը։

По теме Seven Visions, The Dvin победил в 6 номинациях на престижной гала-церемонии World Travel Awards Europe 2024. Еще две медали завоевали армянские стрелки на «Гран-при ISSF» в Русе.