Ոստիկանությունն ինձ համար ավելին է եղել, քան աշխատավայր․ Աշոտ Ահարոնյանը հեռանում է ոստիկանությունից

Աշոտ Ահարոնյանն ազատվել է ՆԳՆ հասարակայնության հետ կապի և լրատվության վարչության պետի պաշտոնից: Այս մասին Ֆեյսբուքի իր էջում հայտնել է Ահարոնյանը: 

«Ավարտվեց իմ կենսագրության մի կարևոր հատված, որ երեսունամյա ծառայություն էր ոստիկանությունում: Թղթակցից մինչև լրատվության վարչության պետ, լեյտենանտից՝ գնդապետ, անփորձ լրագրողից մինչև այն կարգավիճակը, երբ մարդիկ կարևորում ու գնահատում են խոսքդ:

Առաջին հերթին ցանկանում եմ շնորհակալություն հայտնել այդ մարդկանց՝ մեր քաղաքացիներին, ովքեր պարզապես ունկնդիր ու ակնդիր չեն եղել, այլև համախոհ ու գաղափարակից, նաև՝ ընդդիմախոս ու քննադատ:

Շնորհակալություն բոլոր նրանց, ովքեր հասկացել են լրատվության արժեքը, ուժեղացրել մեր վարչությունը տեխնիկական աջակցությամբ, թիկունք եղել՝ մեր գործի ըմբռնումով, հարկ եղած դեպքում՝ դրվատանքով, նաև ադեկվատ քննադատությամբ, որ շատ կարևոր է, եթե աշխատանքդ կյանքի գործ է, որն ուզում ես կատարյալ անել:

Շնորհակալություն լրագրողական համայնքի գործընկերներիս՝ տասնամյակների համագործակցության, փոխըմբռնման, փոխվստահության համար:

Երեք տասնամյակ ոստիկանությունն ինձ համար ավելին է եղել, քան աշխատավայր:

Շնորհակալության հետ ակնկալում եմ նաև բոլորի ներողամտությունը անխուսափելի թերացումների ու բացթողումների համար և բոլորիդ՝ քաղաքացիներին, ծառայակիցներիս, ընկերներիս, մաղթում մեր ընդհանուր գործի ազնիվ շարունակություն ու գնահատված ընթացք: Շարունակեք ապրել ու գործել ոչ հանուն ես-ի, այլ հանուն մենք-ի»,-գրել է նա։

Աշոտ Ահարոնյանը երկար տարիներ իր ավանդն ու նշանակալի դերն է ունեցել համակարգի գործունեության մեջ: 

Նա 1994թ. ավարտել է Երևանի պետական համալսարանի բանասիրական ֆակուլտետի ժուռնալիստիկայի բաժինը, իսկ 2005 թ.ավարտել է ՀՀ ոստիկանության ակադեմիան։ Եղել է ՀՀ ՆԳՆ հասարակական կապերի և լրատվության վարչության թղթակից, «02» շաբաթաթերթի խմբագրության բաժանմունքի պետ։ 2011 թ. մայիսի 4-ից ՀՀ ոստիկանության հասարակայնության հետ կապի և լրատվության վարչության պետ։

Աշոտ Ահարոնյանը ունի ոստիկանության գնդապետի հատուկ կոչում, նաև «Հասարակական կարգի գերազանց պահպանման համար» մեդալ։ 2014թ․ արժանացել է ՀՀ վարչապետի հուշամեդալի։

Ամուսնացած է, ունի երկու որդի։

Այս թեմայով «Հրապարակ». «Քարֆուրի» տերերը հեռանում են Հայաստանից Կրկնվում է նույն սցենարը, որ եղավ Արցախում․ Աշոտ Ղուլյան «Հրապարակ». Խաղաղապահները հեռանում են, բայց ոչ բոլորը Ոստիկանությանը մաղթում եմ ազնիվ ծառայություն պետությանը, ոչ թե ինչ-ինչ խմբերի ու խմբային շահերի. Աշոտ Ահարոնյան Աշոտ Փաշինյանը վիրտուալ հայրենիքում չէր ծառայում, այլ՝ իրական հայրենիքում. Աննա Գրիգորյան «Ժողովուրդ». Սիսակ Գաբրիելյանի և «Հայաստան» խմբակցությունից Աշոտ Սիմոնյանի մասնակցությամբ քրգործը դատարանում կանգ է առել Գործընթացը բանակցությունների իմիտացիայի է նման, փափուկ բարձ դրեցին գլխներիս տակ. Աշոտ Տեր-Մաթևոսյան ՈՒՂԻՂ. ՀՀԿ-ն Աշոտ Նավասարդյանի ծննդյան առթիվ այցելել է Եռաբլուր Աշոտ Սարգսյանը նոր պաշտոն ունի Ես երևի պետք է ներողություն խնդրեմ, որ հարուստ չեմ․ Աշոտ Փաշինյան