35-ամյա կինն ապացուցել է, որ ինքը միլիարդատեր Տոնինո Լամբորջինիի ապօրինի դուստրն է

Իտալիայում դատավարություն է ընթանում Նեապոլից կոսմետոլոգի գործով, ով հայտարարել է, որ ինքը միլիարդատեր Տոնինո Լամբորջինիի ապօրինի դուստրն է և Lamborghini ընկերության ժառանգորդը։ Այս մասին գրում է The Daily Telegraph-ը։

35-ամյա Ֆլավիա Բորզոնեն դիմել է դատարան և հայտարարել, որ ծնվել է 1988 թվականին մոր՝ Ռոզալբա Կոլոսիմոյի և Լամբորջինիի սիրավեպի արդյունքում։ Լեգենդար ավտոմեքենաների բրենդի հիմնադիր Ֆերուչչո Լամբորջինիի որդու հետ կինը իբր հանդիպել է 1980 թվականին Միլանում։ Լամբորջինի ընտանիքի ներկայացուցիչները հայտնել են, որ Կոլոսիմոն ու Բորզոնեն ստում են։ Սակայն հունվարի 29-ին կինը Ֆերարայի համալսարանի մասնագետների կողմից անցկացված ԴՆԹ թեստի տեսքով ապացույցներ է ներկայացրել դատարանին գործարարի հետ իր հարաբերությունների մասին։

Հետազոտությունների համաձայն՝ նա իսկապես 76-ամյա Լամբորջինիի  դուստրն է։ Որպես թեստի համեմատական ​​նյութ օգտագործվել է գործարարի դստեր՝ 29-ամյա երգչուհի Էլետրա Լամբորջինիի թուքը։ 

Բորզոնեն նաև ասել է, որ 2019 թվականին հանդիպել է ենթադրյալ հոր հետ և գաղտնի ձայնագրել նրա հետ խոսակցությունը։ Զրույցի ընթացքում նա հաստատել է, որ հարաբերություններ է ունեցել Բորզոնեի մոր հետ։ Այս ձայնագրությունը նույնպես տրամադրվել է դատարանին։

Իր հերթին, Լամբորջինի ընտանիքի փաստաբանները հայտնել են, որ Էլետրայի ԴՆԹ-ի նմուշը ձեռք է բերվել ապօրինի կերպով, և թեստն իրականացվել է առանց նրա համաձայնության, ուստի այն չի կարող ընդունվել որպես պաշտոնական ապացույց։ Դատավարությունը հետաձգվել է մինչև մարտ։

Ներկայումս Lamborghini ավտոմեքենայի ապրանքանիշը պատկանում է «Volkswagen Group»–ին։ Տոնինո Լամբորջինին գլխավորում է «Tonino Lamborghini Ltd» ընկերությունը։

Այս թեմայով Երկնաքերի գագաթին կառուցված $20 միլիոն արժողությամբ առանձնատան սեփականատերը գուցե երբեք չկարողանա այնտեղ ապրել Եվս մեկ միլիարդատեր հրաժարվել է ՌԴ քաղաքացիությունից 2023 թվականին Forbes-ի ցուցակից 21 միլիարդատեր է մահացել Հայտնի են 2023 թվականի աշխարհի ամենահարուստ ընտանիքները Միլիարդատերը որոշել է այգեպանին որդեգրել և իր կարողությունը նրան կտակել Մահացել է եգիպտացի միլիարդատեր Ալ Ֆայեդը Միլիարդատերը պատասխանել է բլոգերի՝ իրեն 1 միլիարդ դոլար տալու խնդրանքին Եմենցի միլիարդատիրոջ որդին 15 տարի անց խոստովանել է, որ կապ ունի ուսանողուհու մահվան հետ Գերհարուստ մարդիկ բողոքել են մեկ խնդրից. CNBC Լոնդոնում մի խումբ երիտասարդներ գրավել են ռուս միլիարդատեր Օլեգ Դերիպասկայի առանձնատունը (լուսանկարներ)