Քվորում կա․ նիստին մասնակցում են ավագանու 65 անդամներից 35-ը

Երևանի ավագանին այսօր արտահերթ նիստում քննարկում է ավագանու ընդդիմադիր հինգ անդամների լիազորությունները վաղաժամկետ դադարեցնելու հարցը։

Քվորում կա․ նիստին մասնակցում են ավագանու 65 անդամներից 35-ը։

Ավագանին ցանկանում է մանդատից զրկել «Ազգային առաջընթաց» խմբակցության անդամ, նախկին քաղաքապետ Հայկ Մարությանին, «Մայր Հայաստան» խմբակցության անդամներ Նարինե Հայրապետյանին, Զարուհի Փոստանջյանին, Սոնա Աղեկյանին և Գևորգ Ստեփանյանին։

Երևանի ավագանու «Քաղաքացիական պայմանագիր» և «Հանրապետություն» խմբակցությունների հիմնավորմամբ, ավագանու ընդդիմադիր անդամները առանց հիմնավորման բացակայել են նիստերից։ Այս մասին հայտնում է Azatutyun.am-ը։

Այսօրվա նիստը կգումարվի, եթե դրան մասնակցի ավագանու ամբողջ կազմի առվազն կեսից ավելին՝ 33 հոգի։ Իշխանական խմբակցություններին ընդամենը մեկ ձայն է պակասում, որ մանդատից զրկեն ընդդիմադիրներին։ Այդ քվեն կարող է ապահովել «Հանրային ձայն»-ը: Այս կուսակցության նախկին առաջնորդ, հետախուզվող Վարդան Ղուկասյանը երեկ կոչ արեց առհասարակ բոյկոտել ավագանու նիստերը, առայժմ պարզ չէ՝ խմբակցության հինգ անդամները կհետևե՞ն վերջերս կուսակցությունից հեռացված Ղուկասյանի հորդորին, թե՞՝ ոչ։

Նախկին պատգամավոր, «Մայր Հայաստան» խմբակցության առաջնորդ Անդրանիկ Թևանյանն ավագանու հինգ անդամներին մանդատից զրկելն ակնհայտ քաղաքական հետապնդման փորձ է համարում։

Հայկ Մարությանն էլ հայտարարել է, թե իշխող «Քաղաքացիական պայմանագրի» և «իր կցորդների» որոշումը «բացառապես մեկ նպատակ է հետապնդում՝ լռեցնել ընդդիմության ձայնը և զրկել նրան կոռումպացված ու ապաշնորհ քաղաքային իշխանության վնասաբեր որոշումների դեմ պայքարելու հնարավորությունից»:

Այս թեմայով Ռուսաստանում ռազմական ինքնաթիռ է կործանվել. անձնակազմի անդամներից մեկը կորել է (լուսանկարներ, տեսանյութ) ՔՊ-ական Նարեկ Մանուկյանի ամսական աշխատավարձը 2մլն դրամով գերաազանցում է Փաշինյանի ամսական աշխատավարձին ԵԱՏՄ-ի մայիսի 8-ի նիստին Հայաստանի մասնակցության հարցը քննարկվում է․ վարչապետ 10 պատգամավորի թույլ չտրվեց մասնակցել ԱԺ փակ նիստին Կարողանալու եք չէ՞ էնպես անեք, որ մետրոյի նոր կայարանի կառուցման հետհաշվարկ սկսենք. Ավինյանը՝ նիստին Մենք գրկաբաց սպասում ենք «Գոյին», որ միասին աշխատենք. Մարությանը՝ ավագանու ընդդիմադիր անդամներին «Տվորչեսկի» հարց ա, ընկել եք բնակարանի կռվի հետևի՞ց. Մարությանը՝ ավագանու ընդդիմադիր անդամին Նոր փոփոխություն Երևանի ավագանու կազմում. ո՞վ է վայր դնում մանդատը. «Փաստ» ԿԸՀ-ն արտահերթ նիստում Երևանի ավագանու անդամ է գրանցել ՊԵԿ պատվիրակությունը մասնակցել է ՀՀ-ԵՄ համաձայնագրի ներքո գործող մաքսային հարցերով ենթակոմիտեի չորրորդ նիստին