ՔՊ-ականների ուշագրավ և կասկածելի գնումները բյուջեի հաշվին. Տավրոս Սափեյան

Ձեր ուշադրությանն ենք ներկայացնում ուշագրավ և կասկածելի գնումներով աչքի ընկած ՔՊ-ական պաշտոնյաներին: Այսօր կանդրադառնանք Թալինի քաղաքապետ Տավրոս Սափեյանին:

Թալին համայնքի ղեկավար Տավրոս Սափեյանն այս տարի երկու պայմանագիր է կնքել իր ընտանիքին պատկանող գազալցակայանի հետ։ Երկու պայմանագրերի հանրագումարը կազմում է 15 մլն 714 000 դրամ։ «Սափեյան եղբայրներ» ՍՊԸ-ն այս տարի երեք անգամ մասնակցել է Թալինի համայնքապետարանի համար հեղուկ և սեղմված բնական գազ ձեռք բերելու նպատակով հայտարարված գնումներին, որից երկուսում հաղթող է ճանաչվել։ Ընդ որում, այդ երկու մրցույթների ժամանակ նա միակ հայտատուն է եղել։  Տավրոս Սափեյանը հորեղբոր՝ «Սափեյան եղբայրներ» ՍՊԸ–ի գործադիր տնօրեն Ժորա Սափեյանի հետ պայմանագրերից մեկը կնքել է 2023թ․ հունվարի 3-ին, մյուսը՝ այս տարվա ապրիլի 5–ին։  «Սափեյան եղբայրներ» ՍՊԸ–ն պետական ռեգիստրում գրանցվել է 1999թ․–ին։ Ընկերությունում հավասար բաժեմասեր ունեն Թալին համայնքի ղեկավար Տավրոս Սափեյանի հայրը՝ Էդիկ Սափեյանը և հորեղբայրը՝ Ժորա Սափեյանը։  

Ուշագրավ են նաև Թալինի համայնքապետարանի գնումները: Դիցուք՝ դիզվառելիքի գնման մրցույթին մասնակցել է նաև «Սափեյան եղբայրներ» ՍՊԸ-ն: Որքան էլ զարմանալի է, սակայն, մրցույթում արդյունքում հաղթող է ճանաչվել «Մաքս Օիլ»-ը։

Իսկ, ըստ 2023 թվականի գնումների պլանի, համայքնապետարանը նախատեսում էր 600 հազար դրամի գրադարակներ ձեռք բերել, 300 հազար դրամի հուշանվերներ, 1800000 դրամի բազկաթոռ, 900 հազար դրամի գրապահարան, 900 հազար դրամի նոութբուք և այլն։

2017-ին այն ժամանակվա ընդդիմադիրները քննադատում էին Թալինի ՀՀԿ-ական համայնքապետին, որ վերջինս գնել էր 200 հատ վարդ, որի համար ծախսվել է 100 հազար դրամ, 500 հատ մեխակ` 50 հազար դրամ, 50 հատ ծաղկեպսակ` 600 հազար դրամ: Ինչպես տեսնում ենք՝ հեղափոխությունից հետո հեղափոխական թիմի անդամների ախորժակը նախկին պաշտոնյաների ախորժակին ոչնչով չի զիջում:

Շարունակելի...

Այս թեմայով Փաշինյանի թիմակիցների մանիպուլյացիաները. Տավրոս Սափեյան Հեղափոխական պաշտոնյաների աշխատանքի ՕԳԳ-ն. Տավրոս Սափեյան Կահույք, տեխնիկա և հուշանվերներ. ինչի վրա է ծախսում բյուջեի գումարները Տավրոս Սափեյանը Թալինի ՔՊ-ական համայնքապետ Տավրոս Սափեյանի ուշագրավ գնումները Տավրոս Սափեյանի և ՔՊ հույսը կրկին «մերժված նախկիննե՞րն» են Տավրոս Սափեյանի պաթոսախառն խոստումները հօ՞դս ցնդեցին. ինչո՞վ է զբաղված Թալինի քաղաքապետը «Տավրոս Սափեյանի կյանքի նպատակը եղել է համայնքի ղեկավար դառնալը» Թալինի ավագանու խմբակցությունները պատրաստ են շարունակել իրենց աթոռակռիվը. Տավրոս Սափեյան Տավրոս Սափեյանը նշանակվել է Թալին համայնքի ղեկավարի պաշտոնակատար