Տեսչական մարմնի ենթակայությանը հանձնված լաբորատորիան ընդլայնել է հավատարմագրման ոլորտը

Սննդամթերքի անվտանգության տեսչական մարմնի ենթակայությանը հանձնված «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն» ՊՈԱԿ-ի սննդամթերքի անվտանգության հետազոտությունների փորձարկման լաբորատորիան 2017թ-ից Ամերիկյան ազգային հավատարմագրման մարմնի (ANAB) կողմից հավատարմագրվել է ԻՍՕ/ԻԷԿ 17025։2017 «Փորձարկման և տրամաչափարկման լաբորատորիաների իրազեկությանը ներկայացվող ընդհանուր պահանջներ» (ISO/IEC 17025:2017 «General requirements for the competence of testing and calibration laboratories») ստանդարտի պահանջներին համապատասխան՝ պարբերաբար ընդլայնելով հավատարմագրման ոլորտը։

2023թ․ հոկտեմբերի 25-27-ը տեղի է ունեցել պարբերական գնահատման գործընթաց, որի ընթացքում հավատարմագրման է ներկայացվել նաև Հատուկ վտանգավոր ախտածինների ռեֆերենս փորձարկման լաբորատորիան։ Հաջողությամբ ավարտելով գնահատման գործընթացը՝ 2023թ․ դեկտեմբերի 22-ին «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն» ՊՈԱԿ-ը ստացել է նոր սերտիֆիկատ և ընդլայնել հավատարմագրման ոլորտն արդեն երկու փորձարկման լաբորատորիաների համար։

Հարկ է նշել, որ Հատուկ վտանգավոր ախտածինների ռեֆերենս փորձարկման լաբորատորիան անասնաբուժության ոլորտում միջազգային հավատարմագրում ունեցող միակ լաբորատորիան է Հայաստանում։

Ներկայումս «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն» ՊՈԱԿ-ի երկու՝ Սննդամթերքի անվտանգության հետազոտությունների և Հատուկ վտանգավոր ախտածինների ռեֆերենս փորձարկման լաբորատորիաները, Ամերիկյան ազգային հավատարմագրման մարմնի (ANAB) կողմից հավատարմագրված են ԻՍՕ/ԻԷԿ 17025։2017 «Փորձարկման և տրամաչափարկման լաբորատորիաների իրազեկությանը ներկայացվող ընդհանուր պահանջներ» (ISO/IEC 17025:2017 «General requirements for the competence of testing and calibration laboratories») ստանդարտի պահանջներին համապատասխան։

Հատուկ վտանգավոր ախտածինների ռեֆերենս փորձարկման լաբորատորիայի հավատարմագրման նախապատրաստման գործընթացին զգալի աջակցություն են ցուցաբերել MSBC և «Ամաս» ընկերությունները։

Այս թեմայով ՀՀ-ի արբանյակների թիվը երեքի ենք հասցնելու, տիեզերական ոլորտը մեզ համար առաջնակարգ ուղղություն է ՆԳՆ-ն մտադիր է հանցավորության դեմ պայքարի ոլորտում ընդլայնել իր համագործակցությունը ԱՄՆ-ի հետ ՀՀ-ն և Ֆրանսիան ԿԳՄՍ նախարարների մակարդակով պայմանավորվել են ընդլայնել համագործակցությունը Արարատի կոնյակի գործարանում վերահսկողություն կիրականացվի ՏԿԵ նախարարությունում տեղի է ունեցել ՀՀ ՔՏՀԱ տեսչական մարմնի կառավարման խորհրդի հերթական նիստը Կառավարությունն ընդունել է մի հակահայկական որոշում, որով սահմանափակում է հայոց լեզվի գործածության ոլորտը. Արմեն Այվազյան Ներկայացվել է ՀՀ կրթության տեսչական մարմնի ստուգման գործընթացում փորձարկվող նոր գործիքակազմը ՄՊՀ-ն ուսումնասիրել է առցանց տաքսի ծառայությունների ոլորտը Դուք հանձնված գյուղի մասին տեղեկություն ունե՞ք. ՊՆ փոխնախարարը՝ լրագրողներին Ուշադիր եղեք և խուսափեք A00101 սերիայով դեղի օգտագործումից. տեսչական մարմին