Գարեգին Բ-ն ընդունել է Լատվիայի դեսպանին. անդրադարձել են տարածաշրջանում տիրող բարդ իրավիճակին

Փետրվարի 14-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Հայաստանում Լատվիայի Հանրապետության նորանշանակ արտակարգ և լիազոր դեսպան Էդիթ Մեդնեին:

Հանդիպմանը Նորին Սրբությունն իր բարեմաղթանքները բերեց դեսպանին և հաջողություններ մաղթեց նրան իր առաքելության մեջ։ Կարևորելով երկու պետությունների միջև հաստատված բարեկամական հարաբերությունները՝  Հայոց Հայրապետը վերհիշեց արցախյան գոյապայքարի սկզբնավորման օրերին հայ ժողովրդին լատվիացիների կողմից ցուցաբերված զորակցությունը:

Ամենայն Հայոց Կաթողիկոսը գոհունակությամբ անդրադարձավ նաև Լատվիայի իշխանությունների՝ հայ համայնքի հանդեպ դրսևորվող հոգատար վերաբերմունքին՝ նկատելով, որ լատվիահայ համայնքը ակտիվ ներգրավված է երկրի հասարակական կյանքում և կարևոր առաքելություն ունի երկու երկրների փոխհարաբերությունների զորացման գործում:

Վեհափառ Հայրապետն անդրադարձ կատարեց տարածաշրջանում տիրող բարդ իրավիճակին, Ադրբեջանի կողմից շարունակվող ոտնձգություններին, Հայաստանի առջև ծառացած անվտանգային, Արցախից բռնի տեղահանված հայորդիների արդար իրավունքների պաշտպանության, գերիների վերադարձման, Արցախի հոգևոր-մշակութային ժառանգության պահպանման հիմնախնդիրներին՝ հույս հայտնելով, որ միջազգային հանրության և բարեկամ երկրների գործուն աջակցությամբ հայ ժողովուրդը կկարողանա պաշտպանել իր արդար իրավունքները։

Դեսպան Էդիթ Մեդնեն ևս անդրադարձ կատարեց երկկողմ բարեկամական հարաբերություններին և դրանց ընդլայնման ուղղությամբ տարվող աշխատանքներին: Դեսպանը կարևորեց առանց բռնի ուժի կիրառման, երկխոսության միջոցով տարածաշրջանում խաղաղության և կայունության հաստատումը, ինչպես նաև տեղահանված արցախցիների լիարժեք ինտեգրումը Հայաստանում։

Այս թեմայով Բերման են ենթարկվել Գարեգին Չուգասզյանը, Վոլոդյա Ավետիսյանը. ընդհանուր՝ բողոքի ակցիայի 96 մասնակից Պաշտոնյաների ծախսերը` պետության հաշվին. Գարեգին Բաղրամյան Փորձությունով լցված այս օրերին, Սուրբ Կույսին ուղղված հրեշտակի ավետիսը ձեզ համար է՝ Աստված ձեզ հետ է. Գարեգին Բ Մեր ժողովրդի սեպուհ պարտքն է հաղթահարել ներազգային տարաձայնություններն ու անմիաբանությունը. Գարեգին Բ Գարեգին Նժդեհի փողոցում այրվել է ավտոմեքենա Գարեգին Խումարյանը կմասնակցի Հանրային ռադիոընկերության գործադիր տնօրենի մրցույթին ՃՏՊ Գարեգին Նժդեհի փողոցում․ կա տուժած ԱԺ-ն Գարեգին Բաղրամյանին ընտրեց ՀԾԿՀ նախագահ, իսկ Գեղամ Գևորգյանին՝ ՄԾՀ նախագահ Գարեգին Նժդեհի և Մանթաշյան փողոցների խաչմերուկի մոտ բախվել է երկու ավտոմեքենա, երեք մարդ հոսպիտալացվել է Պաշտոնյաների ուշագրավ գնումները՝ բյուջեի հաշվին. Գարեգին Բաղրամյան