Առաջարկում են ավելացնել քրեական մասնագիտացման դատավորների և Դատական դեպարտամենտի աշխատակիցների թիվը. կա նաև հոգեբանների պակաս. «Փաստ»

«Փաստ» օրաթերթը գրում է.

Արդարադատության նախարարությունն առաջարկում է ավելացնել առաջին ատյանի ընդհանուր իրավասության դատարանների՝ քրեական մասնագիտացման դատավորների թվակազմը 10 դատավորով և կյանքի կոչել Քրեական դատավարության օրենսգրքի համապատասխան կարգավորումները: Նախագծի ընդունման արդյունքում 2024 թ.-ի տարեկան բյուջեում նախատեսվում է ավելացում: Որպես այս նախագծի տրամաբանական շարունակություն, առաջարկվում է 30 անձով ավելացնել Դատական դեպարտամենտի աշխատակիցների թիվը, ավելի կոնկրետ՝ յուրաքանչյուր դատավորի աշխատակազմում ընդգրկված 3 աշխատակցով՝ դատավորի օգնական, դատավորի գործավար և նիստերի քարտուղար:

Բնական է, որ այս նախագծի կյանքի կոչումը ևս ենթադրում է հավել յալ ֆինանսական միջոցներ, ինչպես և նախորդը: Այս օրերին Արդարադատության նախարարության հանրային քննարկման ներկայացված երրորդ նախագիծը պետբյուջեում եկամուտների էական նվազեցում կամ ծախսերի ավելացում չի նախատեսում։ Առաջարկվում է լրացում կատարել կառավարության 2023 թ.-ի դեկտեմբերի 21-ի N 2276-Ն որոշման մեջ: Քրեական դատավարության օրենսգրքի 212-րդ հոդվածի 1-ին մասը նախատեսում է անչափահասի, անգործունակի, հոգեկան առողջության խնդիր ունեցող անձի մասնակցությամբ քննչական գործողության կատարմանը կառավարության սահմանած կարգով որակավորված հոգեբանի ներգրավման պահանջ:

Այդ համատեքստում այժմ գործում է «Կառավարության 2022 թ.-ի հունիսի 9-ի N 847-Ն որոշման մեջ փոփոխություններ և լրացումներ կատարելու մասին» որոշումը, որի գործնական կիրառման արդյունքում ի հայտ են եկել մի շարք խնդիրներ: Կարգը պարունակում է հոգեբանի մասնագիտական պահանջների վերաբերյալ կարգավորումներ, որոնց կիրառումը անհրաժեշտ է հետաձգել՝ գործընթացն արդյունավետ իրականացնելու և կադրեր ներգրավելու համար:

Միևնույն ժամանակ, Քննչական կոմիտեի տվյալներով՝ 2023 թ.-ի հունվարի 1-ից մինչև հոկտեմբերի 1-ն ընկած ժամանակահատվածում 1144 քրեական վարույթով որակավորված հոգեբանների մասնակցությամբ կատարվել է 1619 քննչական գործողություն, և 2024 թ.-ին մոտավոր հաշվարկով կարիք կլինի նվազագույնը 25 որակավորված հոգեբանի: Ներկայիս կարգավորման համաձայն 25 որակավորված հոգեբանների որակավորման վկայականի ժամկետը երկարաձգվել է մինչև հունիս ամիս, սակայն վերջիններիս շարքում կան անձինք, ովքեր չեն բավարարում միաժամանակյա բակալավրի և մագիստրոսի որակավորում ունենալու պահանջին, ինչպես նաև տվյալ կարգավորման պայմաններում ներկայումս բարդ կլինի ապահովել պահանջվող որակավորմամբ կադրերի ներգրավումը, ուստի անհրաժեշտություն է առաջացել կատարել նախագծով առաջարկվող լրացումը:

Առաջարկվում է, հաշվի առնելով ներկայիս իրավիրճակը և ակնկալելով առավել մասնագիտացված կադրերի ներգրավում, գործող որոշմամբ բակալավրի և մագիստրոսի կամ դիպլոմավորված մասնագետի որակավորման, մասնագիտական առնվազն մեկ տարվա ստաժ ունենալու պահանջ նախատեսող դրույթի ուժի մեջ մտնելու ժամկետ սահմանել 2026 թ.-ի հունվարի 1-ը:

Այս թեմայով ԲԴԽ-ն 10-ից ավելի կին դատավորների ծանուցում է ուղարկել. հրաժարականի հետքերով. «Ժողովուրդ» Լիտվայի ոստիկանությունը կաջակցի ՀՀ Քրեական ոստիկանության ծառայողների կրթության և վերապատրաստման աշխատանքներին «Տավուշը հանուն հայրենիքի» շարժման աջակիցների թիվը ավելանում է Լրագրողին առերևույթ վրաերթի ենթարկելու դեպքի առթիվ նախաձեռնվել է քրեական վարույթ ՀԻՄԱ. Արմեն Աշոտյանի գործով դատական նիստը Հարավաֆրիկյան Հանրապետությունում շենքի փլուզման զոհերի թիվը հասել է 24- ի Բրազիլիայում հեղեղումների զոհերի թիվը հասել է 143-ի Հայաստանում կարմրուկի լաբորատոր հաստատված դեպքերի թիվը հասել է 399-ի՝ մեկ շաբաթում ավելանալով 10-ով Գազայում իսրայելական հարվածների հետևանքով զոհերի թիվը գերազանցել է 35 հազարը Աֆղանստանում ջրհեղեղի հետևանքով զոհերի թիվը հասել է 300-ի