Կառավարությունը մեկ տարով երկարաձգեց սահմանամերձ բնակավայրերում բնակարան կառուցելու ծրագիրը

Կառավարությունը մինչև 2025 թվականի դեկտեմբերի 31-ը երկարաձգեց Հայաստանի սահմանամերձ բնակավայրերում ընտանիքների բնակարանային մատչելիության ապահովման պետական ծրագիրը։

Նախագիծը ներկայացրեց աշխատանքի և սոցիալական հարցերի նախարար Նարեկ Մկրտչյանը։ 

«Այս պահի դրությամբ գործընկեր բանկերի կողմից ստացվել և միասնական սոցիալական ծառայության կողմից հաստատվել է 412 շահառուի հայտ, և դրանք բաշխված են ըստ մարզերի հետևյալ կերպ․ Տավուշի մարզում՝ 239 հայտ, Սյունիքի մարզում՝ 54 հայտ, Արարատի մարզում՝ 50 հայտ, Վայոց Ձորի մարզում՝ 47 հայտ, Գեղարքունիքի մարզում՝ 22 հայտ։ Հաստատված հայտերը գտնվում են շինարարության ամենատարբեր փուլերում»,- ասաց Մկրտչյանը։

Նախարարը նաև հայտնեց, որ ծրագրի շրջանակներում մինչ այս պահը տրամադրվել է շուրջ 1,5 միլիարդ դրամի վարկ։

Միջոցառման շրջանակում աջակցություն է տրամադրվում սահմանամերձ գյուղական բնակավայրերում անհատական բնակելի տուն կառուցելու նպատակով գործընկեր բանկերի կամ վարկային կազմակերպությունների կողմից հիփոթեքային վարկ ստացած շահառուին՝ պետական աջակցությունն ուղղելով հիփոթեքային վարկի ամենամսյա մայր գումարի և տոկոսագումարների մարմանը։ Աջակցությունը տրամադրվում է հիփոթեքային վարկի մայր գումարի 16 մլն դրամի և դրա գծով մինչև 13 տոկոս տոկոսադրույքի չափով մարման համար։ 

Ծրագրին կարող են դիմել Քաղաքացիական կացության ակտերի պետական գրանցում իրականացնող մարմիններում գրանցված ամուսինները, որոնցից առնվազն մեկն ունի ՀՀ քաղաքացիություն (առանց տարիքային սահմանափակման և անկախ երեխա ունենալու հանգամանքից)։ 

Այս թեմայով Նախատեսվում է ավելացնել թվային ծառայություններ մատուցող օպերատորների թիվը բնակավայրերում Հայաստանի կառավարությունը Թավրիզում գլխավոր հյուպատոսություն բացելու որոշում է ընդունել «Ժողովուրդ». Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը Նոյեմբերյան համայնքը չի աջակցում սահմանազատման գործընթացին Կառավարությունը հաստատեց Դավիթ Գյուրջինյանին Բրյուսովի համալսարանի ռեկտորի պաշտոնում «Ручной» ռեժիմով փորձել ենք կարգավորել խնդիրը, թե չէ էլի կձգձգվի «Ինժեներական քաղաք»-ի ծրագիրը Հայաստանի կառավարությունը նախատեսում է բժշկական կենտրոններից մեկում ստեղծել սիմուլյացիոն կրթական կենտրոն Կառավարությունը կաջակցի գյուղատնտեսական ապահովագրություն իրականացնող ընկերություններին Կարթագենը պետք է կործանվի. ոնց ֆռում եք, էս կառավարության գնալուց եք խոսում, մեր ծրագիրը պատմական է ՀՀ-ն առողջապահական ծրագրերը դիտարկում է ոչ թե ծախս, այլ ներդրում ինքնիշխան երկիր կառուցելու մեջ (տեսանյութ)