Փաստերը խեղաթյուրող ստահոդ լուրեր «Արմենիա» հեռուստաընկերության «Ժամը» լրատվականի եթերում

Երեկ՝ փետրվարի 15-ին, «Արմենիա» հեռուստաընկերության «Ժամը» լրատվական ծրագրի գլխավոր՝ ժամը 20։00-ի թողարկման ընթացքում անդրադարձ է եղել ՀՀ ԱՆ «Վանաձոր» քրեակատարողական հիմնարկում իրականացված խուզարկություններին։ Մասնավորապես հիմնվելով դատապարտյալներից մեկի կնոջ խոսքերի վրա՝ լրագրող Տաթևիկ Աբրահամյանի պատրաստած ռեպորտաժով հրապարակվել են ստահոդ լուրեր այն մասին, թե խուզարկություններն իրականացվել են ոչ բոլոր խցերում, խուզարկությունների ընթացքում «իրավապահները» մահակներով հարվածներ են հասցրել ազատազրկված անձանց, ինչի հետևանքով ոմանք ստացել են վնասվածքներ, պատռել են ազատազրկվածների հագուստները, ինչպես նաև վնասել ազատազրկված անձանց էլեկտրատեխնիկան։ Ռեպորտաժում նաև ասվում է, որ այդ միջադեպի կապակցությամբ շուրջ 5 տասնյակ ազատազրկված անձ գտնվում է հացադուլի մեջ։   

Հրապարակման կապակցությամբ շեշտենք, որ առնվազն տարակուսելի է, թե ինչպես կարող է իրեն պրոֆեսիոնալ համարող հեռուստաընկերության լրատվական գործակալությունը, հիմնվելով շիզոֆրենիա և խրոնիկ նևրոզ հիվանդություններով տառապող անձի (ըստ ազատազրկված անձի կնոջ հայտարարության) կնոջ միակողմանի հայտարարության վրա, հարկ չհամարելով փաստերը ճշտել Քրեակատարողական ծառայությունից, կառուցել օրվա գլխավոր լուրը և մատուցել հանրությանը։ Տվյալ դեպքում և՛ լրագրողի պրոֆեսիոնալիզմն է կասկածելի, և՛ լրատվականի խմբագրակազմի։

Մեկ անգամ ևս ընդգծենք, որ խուզարկություններն իրականացվել են «Վանաձոր» ՔԿՀ-ի բոլոր խցերում առանց բացառության, խուզարկությունների ընթացքում ազատազրկված անձանց արժանապատվությունը նվաստացնող վերաբերմունք չի դրսևորվել, չեն վնասվել կամ ոչնչացվել վերջիններիս մոտ առկա թույլատրելի իրերը։

Նշված միջադեպի կապակցությամբ հացադուլ հայտարարած դատապարտյալների թիվը չի գերազանցել 30-ը, դեռ ավելին՝ ռեպորտաժի թողարկման ժամին՝ փետրվարի 15-ի երեկոյան, հացադուլի մեջ է եղել 16 ազատազրկված անձ, իսկ այս պահի դրությամբ վերոնշյալ ազատազրկված անձինք բոլորը դուրս են եկել հացադուլից։ 

Ուստի «Արմենիա» հեռուստաընկերության «Ժամը» լրատվական ծրագրի խմբագրակազմից պահանջում ենք անհապաղ հերքել փաստերը խեղաթյուրող լուրերը և ներողություն խնդրել Քրեակատարողական ծառայությունից և հանրությունից՝  զրպարտանք տարածելու համար։ 

Այս թեմայով Հավաքվում ենք ժամը 12:00-ին կառավարության շենքի մոտ. Վահագն Չախալյան Սրբազանի մասին ստահոդ լուրեր տարածելով` կարճաժամկետ հաջողություն կարձանագրես․ հայտարարություն Մայր Աթոռն ինքն է որոշում՝ ով պիտի ներկայացնի իր դիրքորոշումները. տեղեկացրեք նկարահանման տեղն ու ժամը Վայոց ձորում իրանական համարանիշերով բեռնատարը կողաշրջվել է Վաղը՝ ժամը 12։00-ին, միացեք կառավարության դիմաց բողոքի ակցիային. իրենք 1+1 եկան, իրենց հնարավոր է կանգնեցնել 1+1-ով. Վահագն Չախալյան Հինգշաբթի օրը` ժամը 12։00-ին, միացեք կառավարության դիմաց մեր բողոքի ակցիային. Վահագն Չախալյան «Կենսաբանական մահ» ախտորոշմամբ «Արմենիա» ԲԿ է տեղափոխվել 5-ամյա երեխա Կեղծ լուրեր են տարածվում, թե իբր Երևանի դպրոցներում ահաբեկչական հարձակում է պատրաստվում Հայտնի է Փաշինյան-Բլինքեն-ֆոն դեր Լայեն հանդիպման ժամը Պնդում եմ՝ ՀՌՀ-ն ոչինչ չի անում, ասում ենք՝ ի՞նչ է կատարվում եթերում, ասում են՝ մենք մենակ նայող ենք