Հրազդանում 7 երիտասարդ վիճաբանել են համաքաղաքացի 4 երիտասարդի հետ, կրակոցներ են հնչել

Փետրվարի 17-ի կեսգիշերն անց ՆԳՆ ոստիկանության Կոտայքի մարզի օպերատիվ կառավարման կենտրոն հաղորդում է ստացվել, որ Հրազդանի Կենտրոն թաղամասում վիճաբանություն է, կրակոցներ են հնչում։ Հաջորդ հաղորդումը «Հրազդան» բժշկական կենտրոնից էր. մարմնական վնասվածքներով բուժօգնության էին տեղափոխվել 25 և 27 տարեկան երկու երիտասարդ:

Ոստիկանության Հրազդանի բաժնի ծառայողների ձեռնարկած օպերատիվ-հետախուզական միջոցառումների արդյունքում պարզվել է, որ կեսգիշերին Կենտրոն թաղամասի 6-րդ շենքի մոտ հրազդանցի յոթ երիտասարդ վիճաբանել են համաքաղաքացի չորս երիտասարդի հետ, կոպիտ կերպով խախտելով հասարակական կարգը՝ հայհոյել, փոխադարձ հարվածներ են հասցրել իրար, որի ընթացքում էլ 25-ամյա և 27-ամյա երիտասարդները մարմնական վնասվածքներ են ստացել: Վիճաբանության ժամանակ 21-ամյա երիտասարդը գազային ատրճանակով կրակոց է արձակել օդ։

Ձեռնարկված միջոցառումների արդյունքում երիտասարդներից չորսը հայտնաբերվել և տեղափոխվել են Հրազդանի բաժին, իսկ հինգ երիտասարդ ներկայացել են բացատրական աշխատանքի արդյունքում: Բաժին ներկայացած 21-ամյա երիտասարդը ներկայացրել է «Ekol Gediz» տիպի 9 մմ տրամաչափի մեկնարկային ատրճանակը:

Երիտասարդները և կազմված փաստաթղթերը ներկայացվել են վարույթն իրականացնող մարմին:

Նախաձեռնվել է քրեական վարույթ:

Այս թեմայով ՈւՂԻՂ․ Բողոքի ակցիա Հրազդանում Քաշքշուկ Հրազդանում ճանապարհ փակած քաղաքացիների և ոստիկանների միջև (տեսանյութ) Որեւէ հայտարարություն, որը չի հնչել վարչապետի կողմից, պաշտոնապես հերքվում է Դատաբժշկական քննություն թող անեն, պարզեն՝ խոշտանգում եղե՞լ է․ Ասլանյանը խոշտանգված երիտասարդի մասին Երիտասարդ բռնցքամարտիկները ԵԱ-ում նվաճել են 5 մեդալ Կրակոցներ՝ Արարատի մարզում․ կա վիրավոր Վարազդատ Լալայանի պատվին Թաիլանդում հնչել է ՀՀ օրհներգը (տեսանյութ) Երիտասարդ բռնցքամարտիկները ԵԱ-ում առնվազն երեք մեդալ են ապահովել Կրակոցներ՝ Երևանում. «ռազբորկայի» մասնակիցների թիվն անցնում է 20-ից. կրակել են «Կալաշնիկովից», «Մակարովից». կա վիրավոր Պետք է հասնենք նրան որ կրակոցներ չլինեն. Քոչարյան (տեսանյութ)