«Ապագայի խաղեր» մրցաշարում Հայաստանը մասնակիցներ կունենա MMA-ի և ֆուտբոլի մրցումներում

ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանն աշխատանքային այցով գտնվում է Ռուսաստանի Դաշնության Կազան քաղաքում, որտեղ առաջին անգամ անցկացվելու է վիրտուալ իրականության տարրերով և առցանց քվեստներով «Ապագայի խաղեր» մրցաշարը:

ԿԳՄՍՆ-ից տեղեկացնում են, որ մրցաշարի մեկնարկից առաջ ԿԳՄՍ նախարարի տեղակալն այցելել է Պովոլժիեի ֆիզիկական կուլտուրայի, սպորտի և զբոսաշրջության պետական ակադեմիայի ֆիջիթալ սպորտի նորաբաց կենտրոն, ծանոթացել ենթակառուցվածքներին, ինչպես նաև հետևել «Ֆիջիթալ-հոկեյի» մրցմանը:

Այցի շրջանակում Կարեն Գիլոյանը հանդիպում է ունեցել նաև Թաթարստանի սպորտի նախարար Վլադիմիր Լեոնովի հետ, քննարկել երկկողմ համագործակցության հեռանկարներն ու առաջին անգամ անցկացվող մրցաշարի մանրամասները:

«Ապագայի խաղեր» մրցաշարում Հայաստանը մասնակիցներ կունենա MMA-ի և ֆուտբոլի մրցումներում: Հայաստանի ֆուտբոլի հավաքականը հանդես կգա «Դիջիթալ-ֆուտբոլ», իսկ խառը մենամարտերի ներկայացուցիչը՝ «Ֆիջիթալ-մարտարվեստ» մրցաձևում:

Ֆիջիթալ սպորտը ձգտում է պահպանել իրական սպորտային խաղերի արդիականությունը՝ համատեղելով վիրտուալն ու իրականը: Մրցաշարն անցկացվելու է նախ առցանց, ապա՝ իրական դաշտում։

«Ապագայի խաղերը» լայնածավալ մրցաշար է, որը կունենա միջազգային մրցույթի կարգավիճակ։ Այն կանցկացվի 2024 թվականի փետրվարի 23-ից մարտի 3-ը և կներկայացնի 21 հիբրիդային դիսցիպլիններ։ «Ապագայի խաղերին» կմասնակցի 2000 մարզիկ՝ ավելի քան 100 երկրից։

Այս թեմայով Սրբազան, սրբազան. երեխաները ողջունում են Բագրատ Սրբազանին ու նրա հետ ֆուտբոլ խաղում (տեսանյութ) Ֆուտզալի Հայաստանի հավաքականը 32-րդն է ՖԻՖԱ-ի վարկանիշային աղյուսակում Վերջին 13 տարվա ընթացքում առաջին անգամ Հայաստանի ֆուտբոլի կանանց հավաքականը հաղթել է Մ-19 ԵԱ․ Հայաստան - Թուրքիա՝ 0:7 Խվիչան կարող է կարիերան շարունակել «Բարսելոնայում» Կայծակը հարվածել է ֆուտբոլ խաղացող դպրոցականներին․ կա 18 տուժած (տեսանյութ) Հայաստանի ֆուտբոլի կանանց հավաքականը պարտվեց ռումինացիներին՝ 0:5 (տեսանյութ) «Ուրարտուն» ու «Վանը» խաղացին ոչ ոքի (տեսանյութ) Շատ ուրախ եմ, որ նորամուտս նշեցի ազգային հավաքականում․ Տիգրան Ավանեսյան «Ժողովուրդ». Ես ավելի լավ ֆուտբոլ եմ խաղում, քան մեր հավաքականը. Նիկոլ Փաշինյանը խաբել է. մաս 189