Երուսաղեմի հայերը դատարանում վիճարկում են «Կովերի պարտեզը» իսրայելական ընկերությանը հանձնելը

Հայ համայնքը դատական ​​հայց է ներկայացրել՝ պատրիարքարանի և իսրայելական Xana Capital ընկերության միջև Երուսաղեմի հայկական թաղամասի «Կովերի այգի» հողամասի վարձակալության պայմանագիրը անվավեր ճանաչելու համար։

«Համաձայն անօտարելի գույքի մասին փաստաթղթի (որն ունի իրավաբանական ուժ), գույքը չի կարող վարձակալության տրվել կամ վաճառվել պատրիարքարանի կողմից, եթե գործարքն ուղղակի օգուտ չի բերում հայ համայնքին, և եթե գործարքը չի ստացել հայ համայնքի համաձայնությունը»,- այդ մասին ասվում է X-ի միկրոբլոգում։ 

Գործը կքննվի Երուսաղեմի շրջանային դատարանում։ Շարժումը հայկական թաղամասի ամբողջականության նկատմամբ էքզիստենցիալ սպառնալիքի առաջացման պատճառ է համարել թափանցիկության և համայնքի հետ համագործակցության բացակայությունը։

Հիշեցնենք, որ դեռ երկու տարի առաջ Երուսաղեմի հայոց Նուրհան Պատրիարքը և Պարետ Երիցյանը գործարք էին կնքել հրեա գործարարի հետ և 99 տարով վարձակալության հանձնել «Կովերի պարտեզ» կալվածքը: Սա լուրջ բողոքի առիթ էր դարձել, քանի որ շատերը նշում էին, որ 99 տարով տարածքը վարձակալությամբ տալու համաձայնագիրն անօրինական է հենց այն առումով, որ որևէ մեկն իրավունք չունի հայկական կալվածքներն 99 տարով վարձակալության տալ, պատրիարքության կանոնադրությամբ, առավելագույն ժամկետը 49 տարին է:

Այս որոշմանը դեմ էին արտահայտվել նաեւ պաղեստինյան իշխանությունները, քանի որ հայկական տարածքը հանձնվում էր հրեա գործարարի՝ անտեղ հյուրանոց կառուցելու համար:

Այս թեմայով Երուսաղեմի հայերը ոստիկաններին զգուշացրել են` Հայկական թաղամասի վրա հարձակում է լինելու Քարեր են նետել հոգևորականների վրա․ նոր կադրեր՝ Երուսաղեմի հայկական թաղամասի վրա հարձակումներից (տեսանյութ) Արամ Ա–ն իր զորակցությունն է հայտնել Երուսաղեմի Հայոց պատրիարքարանին և հայ համայնքին Ահաբեկիչների մեջ կային արաբներ, հրեաներ․ մանրամասներ՝ Երուսաղեմի հայկական թաղամասի վրա հարձակումից Երուսաղեմում հայկական թաղամասի վրա հարձակումից հետո 2 հայ երիտասարդ է ձերբակալվել․ նոր մանրամասներ Սա հարձակում է Երուսաղեմի Հայոց պատրիարքության նկատմամբ․ մանրամասներ՝ «Կովերի պարտեզի» միջադեպից Երուսաղեմում զինված անձինք հարձակվել են հայ համայնքի անդամների վրա (տեսանյութ) «SaveTheArQ» շարժումը Երուսաղեմի պատրիարքին է ներկայացրել հայկական թաղամասի շուրջ ստեղծված իրավիճակը Երուսաղեմի լատինական նախկին պատրիարքն այցելել է «Կովերի պարտեզ»՝ աջակցելու հայկական թաղամասի պաշտպանության շարժմանը «Կովերի պարտեզ» հողատարածքում հայ երիտասարդների վրա հարձակում է եղել, 4 հոգի ձերբակալվել է. News.am