ՔՊ-ականների կասկածելի որոշումները՝ խոշորացույցի տակ. Անահիտ Ավանեսյան
Аналитический
Առողջապահության նախարար Անահիտ Ավանեսյանը, լինելով իրավաբան, ամենաշատն է հանդես գալիս այնպիսի հրամաններով, որոշումներով և նույնիսկ հանցավոր անգործությամբ, որոնք միանշանակ օրենքի տեսանկյունից կոպիտ խախտումներ են համարվում: Եվ երբ նախարարը վրդովվում է, որ իր նկատմամբ խախտվում է բժշկական գատնիքը և անձնական տվյալները հայտնվում են մամուլի ձեռքում, թերևս պետք է նաև հիշի, թե քանի օրենք է խախտել ինքը՝ իրավաբան լինելով հանդերձ:
Եվ այսպես, Ավանեսյանն իր հրամաններով և որոշումներով խախտել է ՀՀ ԱՕ 3-րդ հոդվածի 2-րդ մասը, համաձայն որի՝ աշխատանքային իրավունքները կարող են սահմանափակվել միայն օրենքով, որն Ավանեսյանի՝ պատվաստումը պարտադիր դարձնելու որոշման դեպքում չկա:
Ավանեսյանի՝ 20.08.2021 թվականի N-65 հրամանով քաղաքացիների վրա է դրվել հակաիրավական պարտավորություն: Վերոնշյալ հրամանով խախտվում են ՀՀ սահմանադրության սահմանված համաչափության սկզբունքը (78-րդ հոդված), ինչպես նաև՝ Սահմանադրության 57-րդ հոդվածը (Աշխատանքի ընտրության ազատությունը և աշխատանքային իրավունքները) և ՀՀ աշխատանքային օրենսգրքի մի շարք էական դրույթներ։
Դեռ օգոստոսին պարզ դարձավ, որ Ավանեսյանը դատարանում պարտվել է պետական առողջապահական գործակալության նախկին պետ Ծաղիկ Վարդանյանին։ Դատարանն Ավանեսյանին պարտավորեցրել էր վճարել Ծաղիկ Վարդանյանի պարապուրդի ամբողջ աշխատավարձը, տույժ ու տուգանքը ու վերականգնել նրան գործակալության պետի պաշտոնում։ Պաշտոնին նշանակվելուց հետո Ծաղիկ Վարդանյանն ինքը ազատման դիմում գրեց՝ չցանկանալով աշխատել Ավանեսյանի հետ։ 2023 թվականի ապրիլին Անահիտ Ավանեսյանն ազատեց իր իսկ կողմից նշանակված ևս մեկ աշխատողի։ Ավանեսյանի քմահաճության հաջորդ զոհն այս անգամ Թոքաբանության ազգային կենտրոնի տնօրեն Արտակ Մանուկյանն էր։ Երեկ հրապարակվեց դատարանի վճիռը Արտակ Մանուկյանին հարկադիր պարապուրդի ամբողջ ժամանակահատվածի համար վճարելու ու պաշտոնում վերականգնելու մասին։ Ըստ դատական վճիռների՝ ապօրինի ազատումների այս շքերթի հետևանքով պետությունը տասնյակ միլիոնավոր դրամի վնաս է կրում։
Самое популярное 
Шакира показала подросших сыновей от Пике
