Բժիշկները պացիենտի քթից 150 կենդանի միջատ են հեռացրել (տեսանյութ)

ԱՄՆ-ում բժիշկները պացիենտի քթից հեռացրել են 150 կենդանի միջատ, գրում է HuffPost-ը։

Լրատվամիջոցների տեղեկություններով՝ տղամարդը հիվանդանոց է դիմել բողոքներով, որ դեմքի մաշկը այրվում է՝ անհանգստություն պատճառելով։ Բացի այդ, ամերիկացու քիթը և շուրթերն ուռել էին, և նա հազիվ էր կարողանում խոսել։

«Ես նույնիսկ չէի կարողանում վեր կենալ, որ գնամ զուգարան, քանի որ քթիցս անմիջապես արյունահոսություն էր սկսվում», - դժգոհել է նա:

Այն բանից հետո, երբ բժիշկները հատուկ տեսախցիկի միջոցով հետազոտել են պացիենտի քիթը, այնտեղ տեսել են հարյուրավոր մանր միջատներ, որոնք բառացիորեն սնվում էին ամերիկացու մաշկով:

Բժիշկները տղամարդու քթից 150 մանր միջատ են հանել ու ուղարկել հետազոտության։ Հաղորդվում է, որ դրանից հետո պացիենտն սկսել է ապաքինվել։ Մասնագետները ենթադրում են, որ միջատները հայտնվել են ամերիկացու մարմնում՝ վարակված ձկների հետ շփման և հիգիենայի վատ պայմանների պատճառով։

«Նախկինում ձեռքերս լվանում էի գետում, հիմա օճառ եմ օգտագործում և քթիս չեմ դիպչում»,- խոստովանել է տղամարդը։

Այս թեմայով Բժիշկները կնոջ աչքից կենդանի որդ են հեռացրել Տղամարդը բժշկին խնդրել է անդամահատել իր երկու մատները, քանի որ դրանք նյարդայնացնում էին իրեն Ինչպես ազատվել մղձավանջներից և բարելավել քնի որակը Բժիշկները հղի պացիենտին շփոթել են հիվանդ կնոջ հետ և աբորտ արել նրան Տղամարդկանց զգուշացրել են վտանգավոր հիվանդության առաջին նշանների մասին Սոմնոլոգը հայտնել է, թե որքան կարող է տևել առողջ քունը Որոնք են քրոնիկ հոգնածության համախտանիշի նշանները Բժիշկը բացատրել է՝ ինչով է վտանգավոր քնի ժամանակ խռմփացնելը Գիշերային քրտնարտադրությունը կարող է քաղցկեղի նշան լինել Բժիշկը նշել է տարեց մարդկանց համար վնասակար մթերքները