Ինչ է ներառում ԵՄ-ի՝ Ռուսաստանի դեմ պատժամիջոցների 13-րդ փաթեթը

Եվրամիությունը ներկայացրել է հակառուսական պատժամիջոցների նոր՝ 13-րդ փաթեթը, որը ներառում է 194 ֆիզիկական և իրավաբանական անձ։ Այսպիսով՝ պատժամիջոցների ենթարկված անձանց ընդհանուր թիվը գերազանցել է երկու հազարը, գրում է ՌԻԱ Նովոստին։

Խորհուրդը որոշել է սահմանափումներ սահմանել ևս 106 ֆիզիկական անձի և 88 իրավաբանական անձի նկատմամբ։

ԵՄ խորհուրդն ընդգծել է, որ պատժամիջոցների նոր փաթեթն ուղղված է անօդաչու թռչող սարքերի բաղադրիչներին Ռուսաստանի Դաշնության հասանելիությունը սահմանափակելուն։

«Այսօրվա որոշումն ընդլայնում է արգելված ապրանքների ցանկը, որոնք կարող են նպաստել Ռուսաստանի պաշտպանության և անվտանգության ոլորտի տեխնոլոգիական զարգացմանը, ներառյալ այն բաղադրիչները, որոնք հարկավոր են անօդաչու թռչող սարքերի մշակման և արտադրության համար», - ասված է հայտարարության տեքստում։

Նշվում է նաև, որ պատժամիջոցներ են սահմանվել 27 կազմակերպության նկատմամբ, որոնք «ուղղակիորեն աջակցում են ՌԴ-ի ռազմարդյունաբերական ոլորտին Ուկրաինայի դեմ ագրեսիվ պատերազմում»։ Այդ կազմակերպությունների վրա կտարածվեն արտահանման ավելի խիստ սահմանափակումներ՝ կապված երկակի նշանակության, ինչպես նաև Ռուսաստանի պաշտպանության և անվտանգության ոլորտի տեխնոլոգիական բարելավմանը նպաստող ապրանքների ու տեխնոլոգիաների արտահանման հետ։ Ընդ որում՝ այս կազմակերպություններից որոշները գտնվում են երրորդ երկրներում։

Լրացուցիչ սահմանափակումներ են սահմանվել նաև այն ապրանքների արտահանման համար, որոնք, մասնավորապես, նպաստում են ռուսական արդյունաբերական ներուժի ամրապնդմանը։

ԵՄ խորհուրդը վերջնականապես հաստատել է պատժամիջոցների 13-րդ փաթեթը, և այն ուժի մեջ կմտնի միության պաշտոնական մատյանում հրապարակվելուց հետո։

Այս թեմայով Իրանի դեմ պատժամիջոցների կիրառումը ոչնչի չի հանգեցնի. Ռաիսի Ռուսաստանի և ՆԱՏՕ-ի միջև բախումն անթույլատրելի է. Շոլց Ռուսաստանը հարցում կուղարկի Ալեն Սիմոնյանի՝ Ռուսաստանի Դաշնության հասցեին հնչեցրած մեղադրանքների վերաբերյալ Ցավալի է. Իրանն արձագանքել է ԵՄ նոր պատժամիջոցների մասին հայտարարությանը Ադրբեջանը Ռուսաստանի մեծ բարեկամն ու դաշնակիցն է. Պեսկով Հայաստանին ուզում են արագացված տեմպերով պոկել Ռուսաստանի Դաշնությունից. Լավրով Ռուս խաղաղապահներին դուրս բերելու որոշումը կայացրել է Ռուսաստանի և Ադրբեջանի բարձրագույն ղեկավարությունը. Հաջիև Չեռնիգովում Ռուսաստանի հրթիռային հարվածից զոհերի թիվը հասել է 14-ի (լուսանկարներ) Ռուսաստանի հետ առճակատման վտանգավորության ու անթույլատրելիության սահմանը. «Փաստ» Ջուրն ամբողջությամբ հեղեղել է Ռուսաստանի Օրենբուրգի քոթեջային բնակավայրը (տեսանյութ)