Պետք է ապահովել, որ Հայաստանը կարողանա ինքնուրույն իրականացնել իր արտաքին քաղաքական ընտրությունը․ Բորել

Հայաստան-Ադրբեջան հարաբերությունների կարգավորման գործընթացին մեր ամուր հանձնառությունը մնում է անփոփոխ։ Մենք պատրաստ ենք աջակցել կայուն խաղաղությանը, որը հիմնված է երկու երկրների ինքնիշխանության, սահմանների անձեռնմխելիության և տարածքային ամբողջականության ճանաչման սկզբունքների վրա, Եվրամիության արտաքին քաղաքականության ծառայության ղեկավար Ժոզեպ Բորելի խոսքերն է փոխանցել փոխնախագահ Յուտա Ուրպիլայնենը։

«Մենք մերժում ենք ցանկացած ուժի կիրառում կամ ուժի կիրառման սպառնալիք և շարունակում ենք աջակցել հակամարտությունների խաղաղ կարգավորմանը։

Այժմ մեր առաջնահերթությունն է ուժեղացնել Հայաստանի ճկունությունը, ապահովել, որ Հայաստանը կարողանա ինքնուրույն իրականացնել իր արտաքին քաղաքական ընտրությունը։ Եվ սա է պատճառը, որ մենք ամրապնդում ենք մեր ոլորտային համագործակցությունը, ավելի ենք զարգացնում մեր համագործակցությունը անվտանգության և պաշտպանության ոլորտներում և խթանում ենք տնտեսական ներդրումները:

Շատ կարևոր է Հարավային Կովկասում կայուն խաղաղությունը։ Եվ սա է պատճառը, որ վերջերս մենք ուժեղացրինք ԵՄ առաքելությունը Հայաստանում։ Մենք նաև կոչ ենք անում կողմերին՝ ներգրավվել բարեխղճորեն․ պատրաստ ենք շարունակել հեշտացնել փոխանակումները»,– հայտարարել է Բորելը։

Այս թեմայով Առանց արևմտյան զենքի մատակարարումների՝ Ուկրաինան երկու շաբաթից կապիտուլյացիայի կենթարկվի․ Բորել Եվրոպացիները չեն մեռնի Դոնբասի համար․ Բորել Մերձավոր Արևելքն անդունդի եզրին է. Բորել Բորելը դիմել է ԵՄ երկրներին՝ խնդրելով զինամթերք փնտրել Ուկրաինայի համար ԱՄՆ-ն այլևս պատրաստ չէ պաշտպանել ՆԱՏՕ-ի բոլոր դաշնակիցներին․ Բորել Ուժեղ և կայուն Հայաստան նշանակում է ավելի ուժեղ և կայուն Հարավային Կովկաս․ Բորել Բորելը հայտարարել է, որ ԵՄ-ն չի պատրաստվում պատերազմել ԵՄ–ին մոտենալու Հայաստանի ճանապարհը երբեմն կարող է դժվար լինել. Բորել Մեր գերիշխանության դարաշրջանն ավարտվեց, Եվրոպայի ապագան մռայլ է․ Բորել Բորելը կայցելի Հայաստան