Մահացել է դիզայներ, նորաձևության իկոնա Այրիս Ափֆելը

102 տարեկանում մահացել է տեքստիլի և ինտերիերի դիզայներ, ամերիկյան նորաձևության իկոնա  Այրիս Ափֆելը, The New York Times-ին հայտնել է նրա ներկայացուցիչ Ստյու Լոզերը։

Ափֆելը մահացել է ուրբաթ օրը՝ մարտի 1-ին, Ֆլորիդայի Փալմ Բիչ քաղաքում գտնվող իր տանը:

Այրիսը ծնվել է 1921 թվականի օգոստոսի 29-ին Քուինսում, Նյու Յորք Սամուել Բուրելի (ով ուներ ապակիների և հայելիների խանութ), և ռուսաստանցի Սադիի ընտանիքում, ով ուներ նորաձևության աքսեսուարներ վաճառող բուտիկ: Այրիսը սովորել է Նյու Յորքի համալսարանում, որտեղ սովորել է արվեստի պատմություն, և Վիսկոնսինի համալսարանում, որտեղ սովորել է արվեստ:

1948 թվականին նա ամուսնացել է գովազդային գործադիր տնօրեն Կարլ Ափֆելի հետ։ Նրանք միասին ապրել են 67 տարի և երեխաներ չունեն։ Կարլ Ափֆելը մահացել է 2015 թվականին՝ 100 տարեկանում։

Կարլը և Այրիսը միասին հիմնել են Old World Weavers անունով տեքստիլ ընկերությունը, որը մասնագիտացած էր հնաոճ գործվածքների վերստեղծման մեջ: Ընկերությունը պայմանագրեր ուներ Սպիտակ տան հետ, այդ թվում՝ ԱՄՆ ինը նախագահներ Հարի Թրումենի, Դեյվիդ Էյզենհաուերի, Ջոն Քենեդիի, Լինդոն Ջոնսոնի, Ռիչարդ Նիքսոնի, Ջերալդ Ֆորդի, Ջիմի Քարթերի, Ռոնալդ Ռեյգանի և Բիլ Քլինթոնի հետ։

Այրիսը հայտնի էր նաև հագուստի իր էքստրավագանտ ոճով` մեծ կլոր ակնոցներով, մեծ հուլունքներով, վառ գործվածքներով: «Ես հագնվում եմ ոչ թե նրա համար, որ ինձ նայեն, այլ ինձ համար: Երբ դու նման չես ուրիշներին, քեզ պետք չէ նաև ուրիշների պես մտածել»,- ասել է Ափֆելը:

Նա նաև դարձավ այն քիչ ժամանակակից մոդելներից մեկը, ով 97 տարեկանում պայմանագիր կնքեց մոդելային գործակալության հետ:

Այս թեմայով Մահացել է Պարույր Սևակի որդին` Արմեն Ղազարյանը Բետոնագործն ընկել է տեղափոխվող տնակից ու մահացել Մահացել է պրոֆեսոր Նիկոլայ Հովհաննիսյանը Դիզայներ Արամ Նիկոլյանը Տավուշում է. միացել է հայրենիքի պաշտպանությանը (տեսանյութ) Որդին դանակահարել էր հորը, նա հիվանդանոցում մահացել է Շրի լանկայում մեքենան մխրճվել է ամբոխի մեջ. 7 մարդ, այդ թվում՝ ութամյա մի աղջիկ մահացել են (տեսանյութ ) Մահացել է «Իզվեստիայի» ռազմական թղթակիցը Մահացել է ԵԱՀԿ ՄԽ ՌԴ առաջին համանախագահ Վլադիմիր Կազիմիրովը Երևանում 25-ամյա վարորդը «Hyundai»-ով վրաերթի է ենթարկել հետիոտնին․ նա տեղում մահացել Կոտորած Սիդնեյում. անհայտ անձը դանակով հարձակվել է առևտրի կենտրոնում գնորդների վրա՝ սպանելով 5 մարդու (տեսանյութ)