ՌԴ–ում տղամարդը փորձել է սպիտակ ձիով մտնել բնակարան՝ իր կնոջը զարմացնելու համար (տեսանյութ)
ВидеоՌԴ Կեմերովոյի մարզում ոստիկանները բերման են ենթարկել տղամարդուն, ով ձի է բերել բազմաբնակարան շենքի բնակարան։ Այս մասին հայտնում է Gazeta.ru–ն։
Նշվում է, որ ըստ հարևանների՝ տղամարդը գիշերվա ժամը երեքին փորձել է կենդանուն մտցնել բնակարան, սակայն կինը նրան ներս չի թողել։
Միջադեպը ֆիքսել են տեսախցիկները, ոստիկանությունը հայտնաբերել է համացանցում հրապարակված տեսաձայնագրությունը և հետաքննություն է սկսել։ Նրանք պարզել են բնակիչների անդորրը խախտած քաղաքացու ինքնությունը։ Պարզվել է, որ նա ֆերմայում աշխատող տեղի 33-ամյա բնակիչ է։ Նրան բերման են ենթարկել և տարել ոստիկանության բաժին։
Քաղաքացին բացատրել է, որ նախորդ գիշեր ֆերմայի մոտ գտնվելով, նկատել է սպիտակ ձի ու որոշել է այն ցույց տալ իր ընտանիքին։ Նա բարձրացել է 5-րդ հարկ, մոտ մեկուկես ժամ անցկացրել բնակարանում, իսկ հետո մուտքից դուրս է բերել ձիուն ու վերադարձրել ֆերմա։ Տղամարդը պատմել է, որ իր կինը հումորով է արձագանքել դրան, սակայն ինքը չի կարող բացատրել իր արարքի պատճառը։
Արդյունքում ձերբակալվածի նկատմամբ «Մանր խուլիգանություն» հոդվածով արձանագրություն է կազմվել։
Самое популярное 
Архиепископ: Алиев с включенной в машине песней «Нолду Пашинян» разъезжает по Арцаху
