Վրաստանի հատուկ քննչական ծառայության ղեկավարն այցելել է Շիրակի մարզ

Վրաստանի հատուկ քննչական ծառայության ղեկավար Կառլո Կացիտաձեի գլխավորած պատվիրակության այցը Հայաստան շարունակվում է։

Մարտի 6-ին ՀՀ քննչական կոմիտեի նախագահ Արգիշտի Քյարամյանի ուղեկցությամբ Վրաստանի հատուկ քննչական ծառայության ղեկավարն այցելել է Շիրակի մարզ, հյուրընկալվել ՀՀ քննչական կոմիտեի Շիրակի մարզային քննչական վարչությունում։

Պարոն Կացիտաձեն շրջայցի միջոցով հետևել է ՀՀ քննչական կոմիտեի մարզային նշված ստորաբաժանման աշխատանքի ընթացքին, ծանոթացել քննիչների ծառայողական պարտականությունների կատարման համար ստեղծված պայմաններին, նախաքննություն կատարելու համար անհրաժեշտ նյութատեխնիկական ռեսուրսներին և հնարավորություններին։

Շիրակի մարզային քննչական վարչության օրինակով Վրաստանի հատուկ քննչական ծառայության ղեկավարին ներկայացվել է Հայաստանի իրավապահ համակարգում քննչական մարմինների կառուցվածքը, Քննչական կոմիտեի զբաղեցրած դիրքն ու դերակատարությունը, գործառույթների, իրավապահ մյուս մարմինների հետ հարաբերությունների ինստիտուցիոնալ շրջանակը։

Քննարկվել են իրավապահ համակարգում կատարվող բարեփոխումները՝ մասնավորապես վերջին տարիներին ՀՀ քննչական կոմիտեի տանիքի ներքո նախաքննական մարմինների կենտրոնացման գործընթացը, դրա նպատակներն ու խնդիրները։

Տեղում մտքերի փոխանակման ընթացքում ընդգծվել է ճանաչողական նման այցերի կարևորությունը՝ միմյանց կարողություններին ծանոթանալու, համագործակցության առավել առարկայական ուղղություններ նախանշելու տեսանկյունից։

Վրաստանի հատուկ քննչական ծառայության ղեկավար Կառլո Կացիտաձեն ՀՀ գործընկերների հետ շրջել է Գյումրիում, ծանոթացել քաղաքի պատմամշակութային արժեքներին։  

Այս թեմայով Կիրանցից 2 ոստիկան և 3 քաղաքացիական անձ է տեղափոխվել ԲԿ, նախաձեռնվել է քրեական վարույթ. ՔԿ Երևանում շարունակվում են անհնազանդության ակցիաները, փակ է Շիրակի փողոցը Հայոց Ցեղասպանության 109-րդ տարելիցի օրը հիշատակվեց և ոգեկոչվեց Շիրակի մարզում Արարատ Միրզոյանն այցելել է Ծիծեռնակաբերդի հուշահամալիր Ընդդիմադիր պատգամավորներն այցելել են Կիրանցում ակցիա իրականացնողներին (տեսանյութ) «Լադանիվա» խմբի անդամներն այցելել են Ծիծեռնակաբերդի հուշահամալիր Գնդապետը ծանր վնասվածքներ ունի, բայց կյանքին վտանգ չի սպառնում․ Չալաբյանն այցելել է Միհրան Մախսուդյանին Անահիտ Մանասյանը ՄԻՊ աշխատակազմի հետ ապրիլի 24-ին այցելել է Ծիծեռնակաբերդի հուշահամալիր ՀՀ ՊՆ, ԶՈՒ և ԶՈՒ ԳՇ ղեկավար կազմը այցելել է Ծիծեռնակաբերդի հուշահամալիր (տեսանյութ) Սուրեն Պետրոսյանին հատուկ են մեկուսացրել Տավուշի պրոցեսներից. Տիգրան Աբրահամյան (տեսանյութ)