Հութիների հարձակումների պատճառով՝ Կարմիր ծովի կենդական աշխարհը վտանգված է. IFLScience

Փետրվարի 18-ին հութիները հականավային բալիստիկ հրթիռ են արձակել, որը խորտակել է Բրիտանիային պատկանող Բելիզի դրոշով Rubymar բեռնատար նավը։ Նավը տեղափոխում էր մոտավորապես 21 000 տոննա ամոնիումի սուլֆատ՝ որպես պարարտանյութ: Այժմ բնապահպանները վախենում են, որ Կարմիր ծովը կանգնած է «էկոլոգիական ճգնաժամի» առջև, գրում է IFLScience-ը։

Բնապահպանական խմբերն ասում են, որ ի հավելումն շրջակա ջրերը հեղեղելու ավելցուկային պարարտանյութի՝ կա նավթի և քիմիական աղտոտիչների արտահոսքի լրացուցիչ վտանգ, որոնք կարող են ազդել տեղական ծովային կյանքի վրա, հաղորդում է Focus-ը:

Greenpeace-ի Մերձավոր Արևելքի և Հյուսիսային Աֆրիկայի ծրագրերի տնօրեն Ջուլիեն Ջրեյսատիի խոսքով՝ իրավիճակը պահանջում է անհապաղ միջամտություն և շատ շուտով կարող է վերածվել բնապահպանական մեծ ճգնաժամի: Նաև շարժիչներից մազութի արտահոսքի հավանականություն կա, և եթե նավի կորպուսը հետագայում վնասվի, տեղական ջրերը կհայտնվեն հազարավոր տոննա պարարտանյութի ազդեցության տակ:

Արդյունքում՝ պարարտանյութերը կարող են հայտնվել Կարմիր ծովում և խախտել ծովային էկոհամակարգերի հավասարակշռությունը: Իրավիճակը բարդանում է նաև նրանով, որ Եմենում իրավիճակն այնքան բարդ է, որ այս պահին օվկիանոսի մաքրումը կարող է պարզապես անհնարին լինել՝ առանց վտանգելու մարդկանց կյանքը:

Կարմիր ծովը, ըստ էության, գործում է որպես «դարպաս» դեպի Սուեզի ջրանցք, որը առանցքային առևտրային ճանապարհ է Եվրոպայի և Ասիայի միջև: Դրանով անցնում են հսկայական քանակությամբ ծովային տրանզիտներ։

Միևնույն ժամանակ, 2023 թվականի սեպտեմբերից Կարմիր ծովում տասնյակ նավեր են հարձակման ենթարկվել հութիների կողմից, սակայն Rubymar նավի խորտակումը համարվում է ամենանշանակալի հարձակումներից մեկը։ Բնապահպանները չափազանց անհանգստացած են, որ նավի խորտակումը կարող է դառնալ բնապահպանական ճգնաժամի սկիզբ, որի հետևանքով՝ Կարմիր ծովում կյանքի մեծ մասը կարող է պարզապես մարել։

Այս թեմայով Առանց կարմիր գծերի. լրագրողներին էլ «բաժին հասավ». «Փաստ» Մուշի Սուրբ Առաքելոց վանքի Կարմիր Ավետարանը բերվեց Հովհաննավանք (տեսանյութ) Պուշկինի թունելը հոսանքազրկվել է էլեկտրականության մատակարարման համակարգի խափանման պատճառով Հանրային գործունեությամբ զբաղվող կանայք առավել շատ են ենթարկվում առցանց հարձակումների. ՄԻՊ Հորեղբորս մարմինը այդպես էլ չգտնվեց՝ Նոր Գվինեայի մարդակերների պատճառով. Բայդեն ՀՀ-ի ճանաչված սահմանները Իրանի համար կարմիր գիծ են. դեսպան Բացառիկ կադրեր. «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը Փաշինյանի համար կարմիր գիծն իր աթոռն ու շրջապատի բարեկեցությունն են, ՀՀ-ն տանում են կառափնարան Երևանում խմելու ջրի մայր խողովակի վնասման պատճառով ջուրը ողողել է բնակելի տներ, տեղի է ունեցել փլուզում Գլխավոր դատախազն ընդունել է Հայաստանում Կարմիր խաչի միջազգային կոմիտեի պատվիրակության ղեկավարին