Ավինյանի ու թիմակիցների գաղտագողի և թիկունքից հարվածները երևանցիներին

Այսօր Երևանի ավագանու ընդդիմադիր անդամներն ահազանգել են, որ Երևանի քաղաքապետարանը գաղտագողի ձևով ֆինանսաբյուջետային հանձնաժողովից մեկ ժամ առաջ բերել, ներկայացրել է տրանսպորտի թանկացման փաթեթը` առանց քննարկման, առանց լուրջ հիմնավորման և պատրաստվում է գալիք նիստում այն դնել քվեարկության և ընդունել: Մինչ այդ էլ քաղաքապետարանը հայտնել էր, որ երևանցիների դատին են ներկայացնելու տրանսպորտի ուղևարձի թանկացման լրամշակված փաթեթը, որը պարզվեց գրեթե նույնչափ է հարվածելու քաղաքացիների գրպանին, որքան որ նախատեսված էր ամիսներ առաջ ներկայացված և երևանցիների կողմից քննադատված նախագծով: 

Սա առաջին դրվագը չէ, երբ Տիգրան Ավինյանն ու թիմակիցները երևանցիներից գաղտագողի քայլեր են կատարում: Կարմիր գծերի թանկացման մասին էլ մայրաքաղաքի բնակիչներին նախապես որևէ մեկը տեղյակ չէր պահել, հանրային քննարկման այդ հարցը չէր դրել և այնուհետև բոլորին փաստի առջև էին կանգնեցրել: Դեռ չենք խոսում այն մասին, որ երևանցիների գրպանին հարվածելու իրենց նպատակների մասին Ավինյանն ու ՔՊ-ականները չեն բարձրաձայնել նաև նախընտրական շրջանում: Հակառակ դեպքում՝ դժվար թե հայտնվեին ավագանինում:

Սակայն, սա էլ դեռ ամբողջը չէ: Թափանցիկ աշխատելու մասին պատեհ և անպատեհ առիթներով ելույթ ունեցող ՔՊ-ականները ի դեմս Ավինյանի և իր թիմակիցների  տարեսկզբից արդեն ոչ մրցակցային ընթացակարգերով 14 գնում են կատարել: Օրինակ, հունվարի 29-ին քաղաքապետարանը մեկ անձ գնման ընթացակարգով «Ձևավորում և սպասարկում» ՀՈԱԿ-ին պատվիրակել է 20 միլիոն դրամով իրականացնել ապամոնտաժման աշխատանքներ: Ի դեպ, ՀՈԱԿ-ի կառավարումն իրականացնում է Երևանի քաղաքապետը։ Փետրվարի 2-ին նույն ընթացակարգով և 4 միլիոն 800.000 դրամով «Կրտսեր Ալեքսանյան և որդիներ» ՍՊԸ-ից գերատեսչությունը գնել է ծրագրերի կառավարման համակարգչային ծրագրային փաթեթներ:

Փետրվարի 6-ին քաղաքապետարանն առանց մրցույթի պայմանագրեր է կնքել նաև «Վի Իքս Սոֆթ» ՍՊԸ-ի հետ՝ էլեկտրոնային համակարգի տեխնիկական սպասարկման ծառայությունների դիմաց վճարելով 17 միլիոն 280.000 դրամ, «Հայկյան ծրագրեր» ՍՊԸ-ի հետ՝ համակարգի ներդրման ծառայությունների դիմաց վճարելով 13 միլիոն 824.100 դրամ, և քաղաքապետի կողմից կառավարվող «Ձևավորում և սպասարկում» ՀՈԱԿ-ի հետ՝ մի դեպքում՝ 6 միլիոն դրամով պատվիրակելով հիմնային պատվանդանների դրոշների փոխման, մաքրման և սպասարկման աշխատանքներ, մյուսով՝ 1 միլիոն դրամով՝ Հայոց բանակի տոնին նվիրված միջոցառումների ձևավորման ծառայություններ: Փետրվարի 26-ին մշակութային միջոցառումների կազմակերպման ծառայությունների համար գերատեսչությունը «Թայմ» ՍՊԸ-ի հետ կնքում է 1 միլիոն 400.000 դրամ գնով պայմանագիր, իսկ փետրվարի 29-ին՝ «Ֆակտորի Փրոդաքշն» ՍՊԸ-ի հետ էլ կնքված պայմանագրով Գիրք նվիրելու օրվան նվիրված մշակութային միջոցառումների իրականացման ծառայության համար՝ հատկացնելով 54 միլիոն 538.800 դրամ: Մարտի 4-ին Երևանի քաղաքապետարանը Կանանց տոնին նվիրված մշակութային միջոցառումների իրականացման ծառայություններ է պատվիրակում «Երևանի պատանի հանդիսատեսի թատրոն» ՀՈԱԿ-ին՝ 2 միլիոն 112.000 դրամ արժողությամբ. այդ գումարով նախատեսվում է 3 թատերական ներկայացումների ցուցադրություն:

Կարծես թե, երևանցիներից գաղտագողի գործելը դարձել է Ավինյանի և նրա ղեկավարած կառույցի նոու-հաուն: Միակ բանը, ինչով ընտրություններից մինչ այս պահը աչքի է ընկել իշխանական ավագանին, երևանցիների մեջքի հետևում ընդունված ոչ պոպուլյար և բնակչության սոցիալական բեռը ավելացնող որոշումներն են և ինչպես երևում է՝ ՔՊ-ականների դուխը չի հերիքում այդ որոշումները ընդունելը բացեիբաց և վերջին շրջանում երևանցիներին նման նվերներն արվում են բացառապես թաքուն՝ քաջ գիտակցելով, թե ինչ հանրային ռեզոնանս կարող է առաջանալ իրենց անհաշվենկատ և քաղաքացիների շահերին հարվածող որոշումներից...

Այս թեմայով Ռուսաստանը հանդես է գալիս Բաքվի և Երևանի միջև շփումների շարունակման օգտին. Պեսկով Երևանի դպրոցներից մեկում 14-ամյա տղաները հարվածել են համադասարանցու գլխին. նա հոսպիտալացվել է «Կանգնի՛ր կամ հանձնի՛ր»․ Երևանի մի շարք փողոցներ պարալիզացված են․ ակցիաները շարունակվում են Սուրեն Պապիկյանն ընդունել է Եվրոպայի խորհրդի Երևանի գրասենյակի ղեկավարին Ապրիլի 28-ին Երևանի կենտրոնում փակ փողոցներ կլինեն Երևանի և մարզերի որոշ հասցեներում լույս չի լինի Ներքին զգացողություն ունեմ, որ այս տարվա Ջահերով երթը չի լինի պարզապես հերթական զբոսանքը Երևանի փողոցներով․ Էդգար Ղազարյան Մինչև միջանցք տալը՝ կանվանափոխեն Երևանի թաղամասերի անունները․ ՔՊ-ն մրցույթ կհայտարարի ՀՀ ՊՆ N զորամաս են այցելել Երևանի պետական համալսարանի մի խումբ դասախոսներ Երևանի դպրոցներից մեկում 14-ամյա երեխան օդաճնշիչ ատրճանակով կրակել է 15-ամյա երեխաների վրա